[᭒᭑ 21B]
᭒᭑
ᬦ᭄ᬲᬶᬜ᭄ᬚᬗᬾᬩᭂᬗᭀᬂ᭞ᬩᭂᬮᬸᬲ᭄ᬓᬤᬶᬓᭂᬫ᭄ᬩᬳᬦ᭄ᬫᬥᬸ᭞ᬓᬢᬄᬭᬶᬂᬢᭂᬗᬳᬶᬂᬢᬶᬮᬫ᭄᭞ᬩᭂᬗᭀᬂᬫᬗᬓ᭄ᬱᬶ᭞ᬧᬓᬬᬸᬦᬦ᭄ᬓᬤᬶᬫᬭᬲ᭄᭟᭜᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᬭᬵᬕᬦ᭄᭞ᬫᬜᬶᬗ
ᬓ᭄ᬭᬳᬤᬾᬦ᭄ᬤᬾᬯᬷ᭞ᬓᬤᬶᬕᭂᬦ᭄ᬤᬶᬲ᭄ᬫᬥᬸᬫᬩᬾᬬᭀᬓ᭄᭞ᬭᬳᬤ᭄ᬬᬦᬶᬤᬳᬫᬸᬯᬸᬲ᭄᭞ᬭᬢᬸᬫᬵᬲ᭄ᬫᬡᬶᬓᬶᬂᬧᬫᬺᬫᬦ᭄᭞ᬮ᭄ᬯᬶᬃᬧᬶᬦᬢᬶᬦ᭄᭞ᬫᬦᬄᬢᬶᬢ᭄ᬬᬂᬭᬶᬂᬳᬶᬤᬾᬯ᭟᭜᭟ᬭᬤᬾᬘ᭄ᬤᬾᬯᬶᬲᭂᬫᬸᬫᬾᬭᬂ
ᬢᬸᬫᬸᬗ᭄ᬓᬸᬮ᭄ᬭᬭᬶᬲ᭄ᬫᬦᬗᬶᬲ᭄᭞ᬗᭂᬢᬾᬮ᭄ᬯᬱ᭄ᬧᬫᬭᬶᬂᬥᬥ᭞ᬭᬳᬤ᭄ᬬᬦ᭄ᬕᭂᬮᬶᬲ᭄ᬗᬭᬗ᭄ᬓᬸᬮ᭄᭞ᬗᭂᬫ᭄ᬩᬦ᭄ᬢᬸᬃᬫᬗᬭᬲᬭᬲ᭄᭞ᬥᬸᬄᬫᬵᬲ᭄ᬫᬡᬶᬓ᭄᭞ᬮᬷᬮᬬᬂᬓᬬᬸᬦᬾᬤᬾᬯ᭟᭜᭟ᬧᬜ᭄ᬚᬓᬂᬢᬶᬢ᭄ᬬᬂᬯᭀᬂᬰᬸᬤ᭄ᬭ᭞
ᬤ᭄ᬬᬲ᭄ᬢᬸᬧᬶᬂᬲᬧ᭄ᬢᬸᬂᬧ᭄ᬢᬤᬸᬫᬤᬶ᭞ᬳᬧᬂᬢᬶᬢ᭄ᬬᬂᬓᬳᬗ᭄ᬕᬶᬄᬜᭀᬓᭀᬃ᭞ᬫᬓᬭᭀᬦᬦ᭄ᬭᬶᬂᬳᬶᬭᬢᬸ᭞ᬲᬸᬓᬤᬸᬄᬓᬫᬗ᭄ᬕᬶᬄᬮᬭ᭞ᬢᬶᬢ᭄ᬬᬂᬗᬶᬭᬶᬂ᭞ᬲᬢᬶᬩᬧᬭᬳᬦ᭄ᬢᬓ᭟᭜᭟ᬤ᭄ᬬᬲ᭄ᬢᬸᬢᬶᬢ᭄ᬬᬂᬫᬭᬶᬂᬓᬯᬄ᭞ᬭᬢᬸ
[᭒᭒ 22A]
ᬩᭀᬬᬢᬶᬢ᭄ᬬᬂᬕᬶᬗ᭄ᬲᬶᬃ᭞ᬓᬮᬭᬩᬳᬦ᭄ᬬᬫᬩᬮ᭞ᬩᭀᬬᬢᬶᬢ᭄ᬬᬂᬫᬦᬄᬓᬾᬗ᭄ᬕᬸᬄ᭞ᬓ᭠ᬳᬾᬩᬢ᭄ᬫᬦ᭄ᬤᬤᭀᬲ᭄ᬳᬜᬂ᭞ᬓᬢᬦ᭄ᬤᬶᬂᬢᬦ᭄ᬤᬶᬂ᭞ᬲᭀᬓ᭄ᬢᬶᬢ᭄ᬬᬂᬗᬶᬭᬶᬂᬳᬶᬤᬾᬯ᭟᭜᭟ᬲᬧᬸᬦᬶᬓᬳᬢᬸᬃᬢᬶ
ᬢ᭄ᬬᬂ᭞ᬩᭀᬬᬢᬶᬢ᭄ᬬᬂᬢᬺᬱ᭄ᬡᬾᬂᬳᬸᬭᬶᬧ᭄᭞ᬪᬓ᭄ᬢᬶᬦ᭄ᬢᬶᬢ᭄ᬬᬗᬾᬫᬜᭀᬓᭀᬃ᭞ᬭᬳᬤ᭄ᬬᬦ᭄ᬫᬗᬶᬦᬂᬲᬵᬫ᭄ᬧᬸᬦ᭄᭞ᬭᬭᬶᬲ᭄ᬫᬗᬢᬸᬭᬂᬲᭂᬧᬄ᭞ᬥᬸᬄᬫᬵᬲ᭄ᬫᬡᬶᬓ᭄᭞ᬧᬸᬦᬶᬓᬶᬭᬢᬸᬳᬚᭂᬗᬂ᭟᭜᭟ᬫᬓᬧᬜᬸᬤ᭄ᬟᬦᬶᬂᬮᬭ
᭞ᬫᭂᬗᭃᬳᬶᬤᬭᬤᬾᬘ᭄ᬤᬾᬯᬷ᭞ᬩᬸᬓᬢ᭄ᬯᬭᬫᬓᬚᭂᬧᬦ᭄᭞ᬢᬶᬗ᭄ᬓᬳᬾᬫᬧᬸᬮᬂᬮᬸᬮᬸᬢ᭄᭞ᬓᬤᬶᬢᬫ᭄ᬩᬸᬮᬶᬮᬶᬗᬦ᭄ᬩᬸᬤ᭞ᬗᬶᬲᭂᬧ᭄ᬲᬭᬷ᭞ᬫᬧᬦ᭄ᬢᭂᬫ᭄ᬩᬾᬫᬗ᭄ᬕᬶᬄᬭᬲ᭟᭜᭟ᬢᬦ᭄ᬧᭂᬕᬢ᭄ᬫᬭᬲᬭᬲᬦ᭄᭞ᬳᬲᬭᬾ
ᬦᬾᬫᬧᬸᬮᬶᬮᬶᬢ᭄᭞ᬧᬥᬦᬸᬗ᭄ᬕᬮ᭄ᬚᬷᬯᬓᬭᭀ᭞ᬲᬵᬫ᭄ᬧᬸᬦᬶᬤᬫᬧᬸᬭᬸᬧ᭄ᬩᬸᬗ᭄ᬓᬸᬂ᭞ᬓᬮᬶᬄᬳᬶᬤᬭᬤᬾᬦ᭄ᬤᬾᬯ᭄ᬬ᭞ᬦᭂᬓᭂᬢ᭄ᬳᬲᬶᬄ᭞ᬳᬦᬹᬢ᭄ᬭᬶᬂᬳᬶᬧᬓᬂᬭᬭᬲ᭄᭟᭜᭟ᬲᬸᬩᬧᬶᬢᬸᬂᬧᬦᬮᬶᬓᬦ᭄᭞
Kaca:Bali-lontar-gaguritan-pakangraras-02-300ppi.pdf/22
Kaca puniki sampun kauji-wacén
