[᭒᭐ 20B]
᭒᭐᭟ᬩᬯᭀᬲᬂ᭟᭜᭟ᬲᬧᬸᬦᬶᬓᬧᬗᬓ᭄ᬱᬫ᭞ᬧᬗ᭄ᬭᬸᬫ᭄ᬭᬸᬫᬾᬮ᭄ᬯᬶᬄᬫᬦᬶᬲ᭄᭞ᬮᬫ᭄ᬩᬾᬓᬤᬶᬗᭂᬫᬸᬕᬸᬮ᭞ᬩᬶᬲᬲᬚᬦᬸᬤᬸᬢ᭄ᬓᬬᬸᬦ᭄᭞ᬭᬤᬾᬦ᭄ᬕᬮᬸᬄᬲᬬᬦ᭄ᬧᬹᬃᬡ᭄ᬦ᭞ᬗᬺᬕᭂᬧ᭄ᬫᬦᬶᬲ᭄᭞ᬓᬲᬸᬲᬸ᭠
ᬧᬦ᭄ᬭᬵᬕᬲ᭄ᬫᬭ᭟᭜᭟ᬭᬭᬶᬲ᭄ᬫᬮᬸᬓᬭᬦ᭄ᬯᬲ᭄ᬢ᭄ᬭ᭞ᬲᬶᬜ᭄ᬚᬂᬕᬦ᭄ᬟᬫᭂᬭᬶᬓ᭄ᬫᬶᬗᬶᬂ᭞ᬫᬥ᭄ᬬᬦᬾ᭠ᬕᬸᬫᬶᬯᬂᬓᬢᭀᬦ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬷᬕᬕᭂᬢᬸᬦ᭄᭞ᬫᬫᭂᬓᬸᬮ᭄ᬲᬃᬯ᭄ᬯᬶᬫᬗᬭᬲ᭄᭞ᬭᬤᬾᬦ᭄ᬤᬾᬯᬷ᭞
ᬓᭂᬦᬾᬂᬳᬲ᭄ᬢ᭄ᬭᬲ᭄ᬫᬭᬤᬶᬩ᭄ᬬ᭟᭜᭟ᬲᬵᬫ᭄ᬧᬸᬦ᭄ᬬᬓᬢᬶᬩᬾᬂᬅᬲ᭄ᬢ᭄ᬭ᭞ᬭᬳᬤᬾᬦ᭄ᬤᬾᬯᬷᬓᬧᬢᬶ᭞ᬓᬤᬶᬢᬦ᭄ᬧᬚᬷᬯᬋᬓᭀ᭞ᬫᬗ᭄ᬮᭂᬍᬧᬾᬮᬸᬤᬸᬲ᭄ᬮᬬᬸ᭞ᬭᬳᬤ᭄ᬬᬦ᭄ᬓᬤᬶᬕ᭄ᬬᬢ᭄᭞ᬲᭂᬫᬸ
ᬢᬗᬶᬲ᭄᭞ᬢᬸᬫᬸᬮᬶᬳᬶᬫᬗᭂᬫ᭄ᬩᬦ᭄᭟᭜᭟ᬭᬭᬶᬲᬶᬤᬗᬸᬲᬧᬸᬲᬧ᭄᭞ᬧ᭄ᬭᬭᬳᬶᬦᬾᬭᬤᬾᬦ᭄ᬤᬾᬯᬷ᭞ᬫᬤᬸᬮᬸᬭᬦ᭄ᬰᬩ᭄ᬤᬳᬮᭀᬦ᭞ᬓᬤᬶᬕᭂᬦ᭄ᬤᬶᬲ᭄ᬫᬥᬸᬚᬸᬭᬸᬄ᭞ᬓᬤᬶᬲᬸᬦ᭄ᬤᬭᬶᬓᬧᬯᬦ᭠
[᭒᭑ 21A]
ᬦ᭄᭞ᬫᬗᬺᬋᬗᬶᬄ᭞ᬮ᭄ᬯᬶᬃᬓᬸᬫ᭄ᬩᬂᬗᬶᬲᭂᬧ᭄ᬲᭂᬓᬃ᭟᭜᭟ᬥᬸᬄᬭᬢᬸᬫᬵᬲ᭄ᬫᬶᬭᬄ᭞ᬩᭀᬬᬘᬶᬗᬓ᭄ᬢᬶᬢ᭄ᬬᬂᬲᭂᬤᬶᬄ᭞ᬲᬵᬫ᭄ᬧᬸᬦ᭄ᬭᬢᬮᬮᬶᬤᬾᬯ᭞ᬫᬫᬜ᭄ᬚᬓᬂᬢᬶᬢ᭄ᬬᬂᬳᬸᬩᬸᬄ᭞ᬭᬳᬤ᭄ᬬᬦ᭄ᬫᬾᬮᬶᬂ
ᬭᬶᬂᬢᬶᬢᬄ᭞ᬲᬶᬂᬚᬫᬢᬶ᭞ᬳᬸᬫᬶᬸᬂᬧᬫᬜᬲᬸᬩᬳᬤ᭟᭜᭟ᬢ᭄ᬯᬭᬳᬤᬩᬸᬗ᭄ᬳᬭᬸᬲᬓ᭄᭞ᬲᬮ᭄ᬬᬸᬦ᭄ᬩᬸᬗ᭄ᬳᬦᬾᬧᬗ᭄ᬕᬶᬄ᭞ᬓᬳᬶᬲᭂᬧ᭄ᬩᬳᬦ᭄ᬳᬶᬓᬸᬫ᭄ᬩᬂ᭞ᬳᬸᬘᬧᭂᬦ᭄ᬭᬳᬤᬾᬦ᭄ᬕᬮᬸᬄ᭞ᬓᬲ᭄ᬯᬾ
ᬦᬶᬤᬓᬦ᭄ᬢᬓ᭞ᬭᬭᬶᬲ᭄ᬗᬮᬶᬮᬶᬃ᭞ᬭᬤᬾᬦ᭄ᬫᬦ᭄ᬢ᭄ᬭᬷᬳᬲᭂᬫᬸᬳᬾᬕᬃ᭟᭜᭟ᬲᬵᬫ᭄ᬧᬸᬦᬾᬢᬶᬕᬂᬧᬦ᭄ᬤᬸᬭᬵᬢ᭄᭞ᬫᬾᬮᬶᬗᬾᬭᬳᬤᬾᬦ᭄ᬤᬾᬯᬷ᭞ᬓᭂᬢᭂᬕ᭄ᬓᭂᬢᭂᬕ᭄ᬫᬭᬲ᭄ᬮᬾᬫ᭄ᬧᭀᬃ᭞ᬓᬤᬶᬢᬦ᭄ᬧ
ᬢᬾᬚᬳᬘᬸᬫ᭄᭞ᬗᬩᬕ᭄ᬲᬶᬜ᭄ᬚᬂᬢ᭄ᬯᬭᬩᬓᬢ᭄᭞ᬓᬶᬲᬶᬓ᭄ᬓᬶᬲᬶᬓ᭄᭞ᬧᬓᬬᬸᬦ᭄ᬗᬢᭂᬩᬾᬦᬂ᭟᭜᭟ᬭᬤᬾᬦ᭄ᬤᬾᬯᬷᬢᬦ᭄ᬧᬗᬸᬘᬧ᭄᭞ᬤᬶᬓᬬᬸᬦᬾᬮᬶᬦ᭄ᬢᬶᬳᬲᬶᬦ᭄᭞ᬜᬶᬩᬓᬾ
Kaca:Bali-lontar-gaguritan-pakangraras-02-300ppi.pdf/21
Kaca puniki sampun kauji-wacén
