[᭒᭒ 22B]
᭒᭒
ᬲᬳᬸᬃᬋᬓᬾᬭᬳᬤ᭄ᬬᬦ᭄᭞ᬭᬢᬸᬩᭀᬬᬢᬶᬢ᭄ᬬᬂᬕᬶᬗ᭄ᬲᬶᬃ᭞ᬦᬤ᭄ᬬᬦ᭄ᬢᬶᬢ᭄ᬬᬂᬧᬘᬂᬓᬯᭀᬦ᭄᭞ᬬᬾᬦ᭄ᬧᬫ᭄ᬧᬸᬦᬶᬘ᭄ᬘᬳᬶᬭᬢᬸ᭞ᬧᬘᬂᬫᭀᬦ᭄ᬫᭀᬦ᭄ᬢᬶᬢ᭄ᬬᬂᬧᬚᬄ
᭞ᬭᬤᬾᬦ᭄ᬤᬾᬯᬶ᭞ᬳᭂᬗ᭄ᬲᭂᬓ᭄ᬢᭀᬂᬤᬤᬶᬗᬦ᭄ᬤᬶᬓ᭟ᬲᬓ᭄ᬱᬡᬳᬶᬤᬗᬦ᭄ᬤᬶᬓᬵ᭞ᬦᬄᬕᬦ᭄ᬢᬾᬦ᭄ᬳᭂᬫ᭄ᬩᭀᬓᬾᬳᬫ᭄ᬩᬶᬮ᭄᭞ᬫᬤᬸᬮᬸᬃᬭᭀᬓᭀᬢᭂᬕᭂᬲᬦ᭄᭞ᬫᬓᬧᬜᬸ᭠
ᬤ᭄ᬥᬭᬶᬂᬓᬬᬸᬦ᭄᭞ᬓᭂᬫᬘᬳᬶᬗᬚᬩᬬᬂ᭞ᬳᬧᬶᬲᬶᬗᬶᬤ᭄᭞ᬲᬓᬵᬮᬦ᭄ᬫᬦᬸᬚᬸᬲᬶᬮ᭟ᬭᬳᬤ᭄ᬬᬦ᭄ᬭᬭᬶᬲ᭄ᬫᬢᬸᬮᬓ᭄᭞ᬲᬢᭂᬓᬦᬾᬫᬭᬶᬂᬭᬗ᭄ᬓᬶ᭞ᬗᬚᬧ᭄ᬢᬯᬂᬦ
ᬦᭂᬂᬩᭂᬗᭀᬂ᭞ᬧᬧᭂᬤᭂᬓᬾᬳᬸᬓᬸᬢᬸᬓᬸᬢ᭄᭞ᬳᬸᬧᬫᬶᬬᬂᬢ᭄ᬯᬦ᭄ᬤᬾᬢ᭄ᬬᬵ᭞ᬤᬾᬯᬕᬸᬲ᭄ᬢᬶ᭞ᬳᬶᬫᬡᬶᬓ᭄ᬢᬦ᭄ᬲᬄᬭᬶᬂᬫᬦᬄ᭟ᬢᭀᬂᬤᬤᬶᬩᬳᬦ᭄ᬫᭂᬓᭂᬓ᭄ᬘᬶᬢ᭄ᬢ᭞
[᭒᭓ 23A]
ᬧ᭄ᬭᬧᬜ᭄ᬘᬦᬾᬬᬮᬸᬫᬶᬦ᭄ᬤᬶᬄ᭞ᬫᬗ᭄ᬭᬭᬶᬲ᭄ᬫᬮᬶᬄᬓᬚ᭄ᬭᭀ᭞ᬓᬧᬫᬺᬫᬦ᭄ᬭᬤᬾᬦ᭄ᬕᬮᬸᬄ᭞ᬲᬂᬧᬸᬢ᭄ᬭᬶᬓᬕ᭄ᬬᬢ᭄ᬗᬦ᭄ᬤᬶᬓ᭞ᬓᬾᬓ᭄ᬓᬾᬦ᭄ᬘᬳᬶ᭞ᬤᬤᬶᬩᬸᬯᬶᬫᬳᬶᬢᭂᬓ
᭟ᬢ᭄ᬯᬭᬘᬳᬶᬫᬗᬶᬥᭂᬧᬂ᭞ᬧᬫᬸᬜᬶᬦ᭄ᬳᭂᬫ᭄ᬩᭀᬓ᭄ᬭᬶᬂᬘᬳᬶ᭞ᬢᭀᬂᬤᬤᬶᬘᬳᬶᬫᬦᭀᬗᭀᬲ᭄᭞ᬓᭂᬦᭂᬄᬘᬳᬶᬦᬾᬫᬫᭂᬭᬸᬤ᭄᭞ᬢ᭄ᬯᬄᬘᬳᬶᬜᬶᬭᬶᬫ᭄ᬳ᭄ᬲᬶᬗᬮ᭄
᭞ᬲᬬᬦ᭄ᬫᬸᬗᬶᬮ᭄᭞ᬢᬦᬸᬭᬸᬗᬦ᭄ᬘᬳᬶᬧᭂᬚᬄ᭟ᬬᬾᬦᬸᬦᬶᬂᬳᬶᬤᬲᬂᬦᬵᬣ᭞ᬳᬧᬓᬾᬦ᭄ᬢᭀᬦ᭄ᬳᭂᬫ᭄ᬩᭀᬓ᭄ᬚᬦᬶ᭞ᬢᭀᬂᬤᬤᬶᬩᬳᬦ᭄ᬳᭂᬫ᭄ᬩᭀᬓ᭄ᬗᭂᬩᬂ᭞ᬳᬸᬧᬫᬶᬦᭂᬓᭂ
ᬧᬶᬦ᭄ᬳᬦ᭄ᬤᬸᬲ᭄᭞ᬫᬲᬓᬾᬢ᭄ᬯᬭᬫᬍᬓᬄ᭞ᬗᬸᬤᬘᬳᬶ᭞ᬗᬸᬮᬸᬭᬶᬦ᭄ᬫᬦᬄᬅᬗ᭄ᬓᬭ᭟ᬲᬸᬫᬳᬸᬃᬳᬶᬤᬭᬳᬤ᭄ᬬᬦ᭄᭞ᬭᬢᬸᬫᬲ᭄ᬲᬂᬮ᭄ᬯᬶᬃᬭᬢᬶᬄ᭞ᬬᬾᬦᬶᬂᬲᬫ᭄ᬧᬸ
Kaca:Bali-lontar-gaguritan-pakangraras-01-350ppi.pdf/23
Kaca puniki sampun kauji-wacén
