Kaca:Bali-lontar-gaguritan-pakangraras-01-350ppi.pdf/24

Saking Wikisource
Kaca puniki sampun kauji-wacén

[᭒᭓ 23B]
᭒᭓
ᬦ᭄ᬫᬲᬋᬗᬦ᭄᭞ᬫᬓᬭᭀᬦᬦ᭄ᬭᬶᬂᬳᬶᬭᬢᬸ᭞ᬲ᭄ᬯᬾᬘ᭄ᬘᬳᬶᬤᬾᬯᬭᬶᬂᬢᬶᬢ᭄ᬬᬂ᭞ᬤ᭄ᬬᬧᬶᬦ᭄ᬫᬢᬶ᭞ᬢᬶᬢ᭄ᬬᬂᬗᬶᬭᬶᬂᬭᬢᬸᬫᬵᬲ᭄ᬫᬶᬭᬄ᭟ᬬᬾᬦ᭄ᬧᭂᬚᬄᬢᬶᬢ᭄ᬬᬂᬤᬸᬫᬸᬦ
ᬦ᭄᭞ᬲ᭄ᬯᬾᬘ᭄ᬘᬳᬶᬭᬢᬸᬗᬶᬘᬾᬦᬶᬦ᭄᭞ᬮᬸᬗ᭄ᬲᬸᬭᬦ᭄ᬲᬶᬜ᭄ᬚᬗᬾᬤᬾᬯ᭞ᬫᬓᬭᬸᬭᬸᬢᬶᬢ᭄ᬬᬭᬢᬸ᭞ᬓᬸᬤᬸᬗᬂᬢᬶᬢ᭄ᬬᬂᬭᬶᬂᬫᬃᬕ᭄ᬕ᭞ᬳᬧᬂᬕᭂᬮᬶᬲ᭄᭞ᬫᬗᬸᬗ᭄ᬲᬶᬓ
ᬲ᭄ᬯᬃᬕ᭄ᬕᬮᭀᬓ᭟ᬭᬤᬾᬦ᭄ᬕᬮᬸᬄᬢᬦ᭄ᬧᬗᬸᬘᬧ᭄᭞ᬳᭂᬗ᭄ᬲᭂᬓ᭄ᬓᬬᬸᬦᬾᬫᬦᬗᬶᬦ᭄᭞ᬜᭂᬗ᭄ᬲᭂᬮ᭄ᬭᬕᬢᬦᬶᬩᬕ᭄ᬬ᭞ᬭᬳᬤ᭄ᬬᬦ᭄ᬕᭂᬮᬶᬲ᭄ᬫᬗ᭄ᬭᬸᬫ᭄ᬭᬸᬫ᭄᭞ᬫᬜᬯᬸᬧ᭄ᬭᬭᬶ
ᬲ᭄ᬫᬗᬭᬲ᭄᭞ᬫᬧᬲᬶᬳᬶᬦ᭄᭞ᬲ᭄ᬯᬭᬓᬤᬶᬕᬶᬸᬫᬥᬸᬫᭂᬫ᭄ᬩᬄ᭞ᬥᬸᬄᬭᬢᬸᬤᬾᬯᬫᬲ᭄ᬫᬶᬭᬄ᭞ᬲᬂᬓᬤᬶᬲᬂᬳ᭄ᬬᬂᬭᬢᬶᬄ᭞ᬢᬸᬭᬸᬦ᭄ᬲᬓᬶᬂᬲᬸᬭᬮᬬ᭞ᬫᬯᬲ᭄ᬯᬶᬂᬢᭂᬍ
[᭒᭔ 24A]
ᬗᬶᬂᬓᬬᬸᬦ᭄᭞ᬤᬸᬭᬸᬲᬂᬳᬶᬘᬾᬦᬶᬦ᭄‌ᬤᬾᬯ᭞ᬗᬸᬱᬥᬦᬶᬦ᭄᭞ᬢᬶᬢ᭄ᬬᬂᬮᬭᬓᬲᬗ᭄ᬲᬭᬦ᭄᭟ᬮᬶᬂᬮᬸᬂᬧᬮᬶᬂᬚᭂᬩᬸᬲᬸᬬᬂ᭞ᬫᬫᬸᬮᬶᬲᬄᬲᭂᬤᬶᬄᬓᬶᬂ
ᬓᬶᬂ᭞ᬧᭂᬢᭂᬂᬍᬫᬄᬩᬸᬓᬩᭀᬃᬩᭀᬃ᭞ᬫᬦᬄᬢᬶᬢ᭄ᬬᬂᬭᬶᬂᬳᬶᬭᬢᬸ᭞ᬓᬤᬶᬓᭂᬦᬚᬭᬶᬂᬲᬸᬢ᭄ᬭ᭞ᬳᬗ᭄ᬭᬓᭂᬢᬶᬦ᭄᭞ᬢᬦᬸᬭᬸᬗᬦ᭄ᬫᬢᬶᬳᭂᬜᬕ᭄᭟ᬤᬸ
ᬭᬸᬲᬂᬳᬶᬘ᭄ᬘᬭᬶᬂᬢᬶᬢ᭄ᬬᬂ᭞ᬫᬓᬲᬗᬸᬦ᭄ᬢᬶᬢ᭄ᬬᬂᬫᬢᬶ᭞ᬗᬶᬘᬾᬦ᭄ᬲᭂᬧᬄᬲᬓᬾᬂᬯᬚ᭞ᬭᬸᬭᬸᬩᬶᬦ᭄‌ᬚ᭄ᬯᬳᬦ᭄ᬢᬸᬓ᭄ᬲᬸᬲᬸ᭞ᬧᬦ᭄ᬤᬸᬲᬂᬳᬦ᭄ᬢᬸᬓ᭄‌ᬬᬾᬄᬘᬶᬗᬓ᭄᭞
ᬢᬸᬃᬢᬗᬶᬲᬶᬦ᭄᭞ᬱᬤ᭄ᬧᬤᬫᬗᬶᬲᭂᬧ᭄ᬲᭂᬓᬃ᭟ᬪᬱ᭄ᬫᬶᬢᬶᬢ᭄ᬬᬂᬭᬢᬸᬫᬵᬲ᭄ᬫᬶᬭᬄ᭞ᬳᬦ᭄ᬢᬸᬓ᭄ᬓᭂᬥᬧᬶᬂᬮᬶᬭᬶᬂᬫᬦᬶᬲ᭄᭞ᬧᬸᬱ᭄ᬧᬳᬦ᭄ᬢᬸᬓ᭄ᬕᬫ᭄ᬩᬶᬃᬕᭂᬫ᭄ᬧᭀᬮ᭄