[᭗ 7B]
᭗
ᬩᬮᬳᬶᬓᬩᬾᬄ᭞ᬚᬶᬦ᭄ᬱᬾᬢᬦ᭄ᬤᬢᬦ᭄ᬧᬸᬭᬸᬦ᭄᭞ᬧᬦ᭄ᬤᭂᬮᬸᬳᬦ᭄ᬧᬦᭀᬭᬯᬦᬶ᭞ᬳᬤᭀᬄᬧᬕᬯᬾᬳᬮ᭞ᬕ᭄ᬦᬶᬯᭀᬗᬮᬸᬧᬸᬢ᭄᭞ᬕ᭄ᬦᬶᬳᬢ᭄ᬫᬳᬦ᭄ᬢᬶᬃᬢ᭄ᬢᬵ᭞ᬫᬵᬮᬶᬂᬳᬤᭀᬄ᭞ᬢ
ᬦ᭄ᬳᬦᬯᬦᬶᬭᬶᬗ᭄ᬓᬫᬶ᭞ᬕᬸᬡ᭄ᬦᬵᬤᬸᬤᬸᬧᬦ᭄ᬱᬶᬃᬡ᭄ᬦᬵ᭟ᬲᬓ᭄ᬯᬾᬳᬶᬂᬮᬭᬲᬵᬫ᭄ᬬᬫ᭄ᬩᬮᬶᬓ᭄᭞ᬲᬢᭀᬳᬶᬂᬓ᭄ᬫᬢ᭄᭞ᬲᬶᬗ᭄ᬳᬵᬧᬸᬭᬸᬦᬦ᭞ᬓᬯ᭄ᬮᬰᬰᬶᬄᬧᬦ᭄ᬤᬸᬮᬸᬦᬾ᭞ᬲᬓ᭄ᬯᬾᬳᬶᬂᬩ᭄ᬭᬚᬵᬮᬸᬧᬸ
ᬢ᭄᭞ᬓᬤᬶᬓᬵᬧᬸᬓ᭄ᬢᬶᬩᬵᬦᬾᬭᬾᬓᬶ᭞ᬲᬓ᭄ᬯᬾᬳᬶᬂᬯᬶᬱ᭄ᬬᬵᬢᬯᬃ᭞ᬲᬢᭀᬕᬮᬓ᭄ᬢᬸᬢᬹᬢ᭄᭞ᬓᬬᬸᬳᬕᬸᬂᬮ᭄ᬫᬄᬲᬗᬃ᭞ᬮᬾᬗᬶᬂᬮᬡ᭄ᬥᬓ᭄᭞ᬕᬸᬮ᭄ᬯᬦᬶᬂᬫᭀᬂᬫ᭄ᬮᬄᬫᬾᬭᬶᬂ᭞ᬧᬓ
ᬓᬶᬧ᭄ᬯᬦᬶᬂᬫ᭄ᬭᬵᬓ᭄᭟ᬧᬕᬸᬮᬶᬗᬦᬶᬂᬯᬭᬵᬓ᭄ᬲᬓᬮ᭄ᬯᬶᬃ᭞ᬓᬤ᭄ᬬᬵᬗᬫ᭄ᬩᬄ᭞ᬳᬶᬂᬲᬵᬕᬭᬳᬲᬢ᭄᭞ᬓᬯᬵᬰᬗᬫ᭄ᬩᬄᬧᬸᬘᬸᬓᬾ᭞ᬅᬧᬦ᭄ᬲᬵᬭᬶᬭᬵᬳᬬᬸ᭞ᬳᬶᬗᬶᬤᭂ
[᭘ 8A]
ᬭᬦᬶᬂᬯᬶᬥ᭄ᬬᬵᬥᬭᬶ᭞ᬭᬶᬦᬓ᭄ᬱᬾᬂᬫᬮᬾᬓᬢ᭄᭞ᬲᬓᬢᬳᬶᬂᬭᬲᬸᬮ᭄᭞ᬤᬤ᭄ᬬᬦᬾᬰᬭᬷᬭᬵᬢᬸᬗ᭄ᬕᬮ᭄᭞ᬦᬾᬢ᭄ᬭᬳᬥᬫ᭄᭞ᬳᬸᬤᭂᬓᬸᬪᬵᬕᬶᬡ᭄ᬥᬵᬳᬲᬶᬦ᭄᭞ᬧᬗᬸᬘᬧ᭄ᬓᬸᬬᬵᬫᬹᬰᬵ᭟
ᬦᬵᬧ᭄ᬲᬸᬗ᭄ᬓᬸᬦᬵᬪᬶᬳᬶᬰᬮᬶᬦᭂᬯᬶᬄ᭞ᬦᬵᬪᬷᬳᬓᬸᬩ᭄᭞ᬧᬫᬶᬬᬵᬃᬱᬦᬶᬗ᭄ᬯᬵᬂ᭞ᬳᬶᬬᬸᬲᬸᬧ᭄ᬘᬳ᭄ᬬᬗ᭄ᬓᬸᬋᬓᬾ᭞ᬦᬵᬪᬷᬤᬯᬹᬢ᭄ᬲ᭄ᬯᬭᬓᬶᬸᬗ᭄ᬓᬸ᭞ᬫ᭄ᬯᬂᬲᬹᬮᬾᬫᬦ᭄ᬓᬰᬓ᭄ᬢᬶᬦ᭄ᬫᬫᬶ᭞ᬦᬵᬪᬷ
ᬩ᭄ᬭᬵᬳᬶᬫ᭄ᬳᬶᬜᬯ᭄ᬯᬵ᭞ᬦᬵᬪᬷᬤ᭄ᬭᬶᬲ᭄ᬭᬶᬂᬭᬫ᭄ᬩᬸᬢ᭄᭞ᬪᬕᬶᬡ᭄ᬥᬮᬶᬓᬸᬮᬶᬢᬶᬗ᭄ᬯᬵᬂ᭞ᬳᬩᬸᬩᬓᬵᬃ᭞ᬕ᭄ᬢᬶᬄᬥᬕᬶᬂᬳᬸᬫᬵᬃᬲᬶᬗ᭄ᬕᬶᬄ᭞ᬩᬮᬹᬂᬪᬵᬕᬶᬡ᭄ᬥᬵᬳᬸᬰ᭄ᬫᬵᬦ᭄᭟ᬲᬹᬫ᭄ᬲᬹᬫ᭄ᬓᬸᬧᬢᬶᬫᬄ
ᬓᬂᬮᬶᬦᭂᬯᬶᬄ᭞ᬓᬂᬫᬶᬦᬗ᭄ᬓᬵ᭞ᬭᬳᬬᬸᬦᬶᬂᬚᬲᬵᬢ᭄᭞ᬳᬸᬓᬸᬫᬶᬭᬲᬹᬮ᭄ᬢᬵᬋᬓᬾ᭞ᬲᬓ᭄ᬯᬾᬳᬶᬂᬳᬸᬮᬸᬢᬸᬯᬸᬄ᭞ᬰᬭᬷᬭᬦᬾᬢᬸᬗ᭄ᬕᬮᬦᬪᬷ᭞ᬅᬢᬶᬗ᭄ᬓᬸᬬᬫᬸᬳᬫᬵᬤ᭄᭞ᬧᬗᬸᬮᬹ
Kaca:Bali-lontar-gaguritan-nurcaya-nursada-350ppi.pdf/8
Kaca puniki sampun kauji-wacén
