[᭖ 6B]
᭖
ᬦ᭄ᬢᬫᬯᬂᬭᬵᬢ᭄᭞ᬕᬸᬫᬯᬾᬬᬓ᭄ᬦᬶᬓᬗ᭄ᬯᬂ᭞ᬭᬶᬗᬹᬮᬢ᭄ᬤᬢᬦ᭄ᬓᬢ᭄ᬫᬸ᭞ᬳᬦᬭᬶᬂᬗᬹᬮᬢᬦ᭄ᬫᬸᬮᬢ᭄᭟ᬢᬸᬜ᭄ᬚᬸᬂᬢᬸᬫᬸᬯᬸᬳᬶᬂᬮᬗᬶᬢ᭄᭞ᬲᬵᬭᬷᬦᬾᬦᭀᬭᬯᭀᬂᬯᬶᬓᬦ᭄᭞ᬰᬓ᭄ᬝᬶᬦᭀᬭ
ᬦᬭᭀᬭᭀ᭞ᬇᬓᬵᬫᬹᬮᬦᬾᬓᬂᬳᭂᬲᬶᬸᬲᬵᬲ᭄᭞ᬫᬵᬃᬬ᭄ᬬᬵᬫᬾᬗᭂᬢ᭄ᬳᬶᬭᬶᬓᬵ᭞ᬦᭀᬭᬕᬮᬂᬮᬯᬦ᭄ᬲᬸᬳ᭄ᬦᬂ᭞ᬢᬦᬦᬫᬺᬢ᭄ᬢᬵᬫ᭄ᬯᬄᬜᬮᬂ᭟ᬦᭀᬭᬲᬮ᭄ᬯᬶᬭᬶᬓᬗ᭄ᬳᬸᬭᬶᬧ᭄᭞ᬢ
ᬦᬦᬵᬲᬵᬭᬶᬦᬶᬂᬢᬯᬂ᭞ᬉᬮᬢ᭄ᬭᬶᬗᬹᬮᬢᬦᬵᬦ᭞ᬚᬩᬵᬚ᭄ᬭᭀᬦᭀᬭᬳᬦ᭞ᬓᬩᬾᬄᬓᬳᬮᬶᬯᬢᬦ᭄᭞ᬤᭀᬦᬶᬂᬮᬭᬂᬚᬦ᭄ᬫᬵᬓᬂᬯ᭄ᬭᬸᬄ᭞ᬓᬮᬶᬯᬢ᭄ᬮᬶᬯᬵᬢᬤᭀᬄᬦ᭄ᬬ᭟
ᬥ᭄ᬬᬵᬦᬵᬓᬮᬯᬦ᭄ᬲᬫᬵᬥᬶ᭞ᬬᭀᬕ᭄ᬕᬓᬮᬯᬦ᭄ᬳᬚ᭄ᬜᬦ᭞ᬧᬸᬚᬶᬓᬮᬯᬦ᭄ᬲᭂᬫ᭄ᬩᬳ᭄ᬬᬂ᭞ᬇᬓᬓᬩᬾᬄᬓᬢᬸᬗ᭄ᬓᬸᬮᬦ᭄᭞ᬍᬬᭂᬧᬼᬗᬶᬢ᭄ᬲᬫ᭄ᬩ᭄ᬭᬡ᭞ᬢᬦ᭄ᬧᬭᬯᬢ᭄ᬭᬯᬢ᭄ᬳᬶ
[᭗ 7A]
ᬓᬸ᭞ᬅᬭᬵᬕᬭᬵᬕᬦᬶᬂᬤᬯᬵᬓ᭄᭟ᬳᬯ᭄ᬢᬸᬓᭂᬫ᭄ᬩᬗᬶᬂᬮᬶᬭᬶᬂ᭞ᬯᬗᬶᬦᬶᬭᬦᭀᬭᬳᬦ᭞ᬢᬦ᭄ᬧᬳᬫ᭄ᬗᬵᬦ᭄ᬢᬋᬓᭀ᭞ᬅᬢᬵᬱᬢᬵᬢᬭᬶᬂᬢᬢ᭄ᬯ᭞ᬓᬮᬗᭂᬦᬶᬓᬂᬧ᭄ᬚᬄ᭞ᬓᬤᬶᬂᬧᬗᬶᬧ᭄ᬬ
ᬦ᭄ᬧᬸᬦᬶᬓᬸ᭞ᬢᬦᬶᬂᬭᬵᬢ᭄ᬧᬶᬦᬗ᭄ᬕᬶᬄᬳᬶᬭ᭟ᬮᬸᬫᬓᬸᬧᬵᬓ᭄ᬱᬳᬗᬯᬶ᭞ᬓᬤ᭄ᬬᬯᭀᬂᬢᬢᬲᬶᬂᬰᬵᬲ᭄ᬢ᭄ᬭ᭞ᬢ᭄ᬯᬦ᭄ᬲᬹᬫᬾᬭᬹᬢᬋᬓᭀ᭞ᬳᬗᬶᬓᭂᬢᬶᬓᭂᬢ᭄ᬧ᭄ᬭᬵᬮᬫ᭄ᬩᬂ᭞ᬓᬤ᭄ᬬᬵᬗ᭄ᬕᬦᬶᬂᬓᬸᬓᬹᬦᬂ
᭞ᬳᬦ᭄ᬤᬭᬸᬂᬓ᭄ᬜᬵᬃᬰᬶᬢᬗ᭄ᬰᬹ᭞ᬤᬹᬭᬦ᭄ᬧᬥᬭᬶᬂᬲᬗ᭄ᬓᬵᬯ᭄ᬬᬵ᭟ᬯᬸᬲ᭄ᬓᬾᬓᭂᬢ᭄ᬓᭂᬫ᭄ᬩᬗᬶᬂᬮᬗᬶᬢ᭄᭞ᬳᬭᬦᬶᬂᬧ᭄ᬭᬮᬫ᭄ᬩᬂᬗᬶᬓᬵ᭞ᬓᬂᬓᬸᬓᬸᬲ᭄ᬓᭀᬘᬧᬶᬂᬕᬶᬢ᭞ᬅᬧᬶᬦᬾᬳᬶᬗ᭄ᬲᬸᬦ᭄ᬢᬦ᭄ᬯᬶᬓᬦ᭄᭞ᬤᬤᬶᬳᬶᬗ᭄ᬯᬂ
ᬢᬦ᭄ᬢᬢᬲ᭄᭞ᬮᬶᬭᬶᬂᬗᬶᬗ᭄ᬲᬸᬦ᭄ᬫᬵᬓ᭄ᬱ᭄ᬬᬩᬶᬗᬸᬂ᭞ᬳᬬ᭄ᬯᬳᬶᬥᭂᬧᬶᬓᬂᬲᬹᬭᬵᬢ᭄᭟᭚᭐᭚ᬥᬂᬥᬂ᭚ᬳᬦᬓᬶᬥᬹᬂᬳᬗ᭄ᬭᬓ᭄ᬱᬲ᭄ᬬᬂᬯ᭄ᬗᬶ᭞ᬢ᭄ᬕᬸᬄᬭᬳᬬᬸ᭞ᬅᬤᭀᬳᬶᬗᬮᬭ᭞ᬮᬸᬧᬹᬢᬶᬂ
Kaca:Bali-lontar-gaguritan-nurcaya-nursada-350ppi.pdf/7
Kaca puniki sampun kauji-wacén
