[᭑᭙ 19B]
᭑᭙
ᬲᬶᬧᬢᬶᬂᬦᬮᬵ᭞ᬓᭀᬱᬶᬮᬸᬳᬸᬭᬾᬲᬫᬸᬱ᭄ᬝᬶ᭞ᬳᬱ᭄ᬝᬵᬓᬯᬗᭀᬮ᭄ᬭᬕᬶ᭞ᬳᬗᬭᬲ᭄ᬭᬭᬶᬲ᭄ᬘᬲᭂᬦ᭄ᬢᬸᬂ᭞ᬤᬾᬦ᭄ᬓᬢᬸᬚᬸᬧᬺᬦᬄᬦ᭄ᬬ᭞ᬳᬶᬂᬦᬵᬪᬶᬤᭀᬦ᭄ᬬᬵᬫ᭄ᬩᭂᬦᭂᬭᬶ᭞
ᬮ᭄ᬯᬶᬃᬯᭀᬗᬫᬘᬢᬲ᭄ᬩᬾᬄᬲᬸᬯᬾᬦᬾᬳᬶᬓᬵ᭟ᬢᬶᬕᬂᬧᬸᬮᬸᬢᬶᬕ᭄ᬕᬳᬶᬓᬵ᭞ᬳᬦᭂᬗ᭄ᬕᬶᬄ᭞ᬤᬾᬧᬸᬦᬗᬭᬶ᭞ᬢᬸᬗ᭄ᬕᬮ᭄ᬲᬸᬯᬾᬦᬾᬧᬸᬦᬶᬓᬵ᭞ᬫᬓᭂᬫᬶᬂᬲᬮᬫᬄᬧᬱ᭄ᬝᬶ᭞ᬫᬮᬶ
ᬳᬮᬶᬳᭂᬦᬶᬓᬶ᭞ᬫᬭᬾᬂᬲᭀᬃᬫᬗ᭄ᬓᬾᬧᬸᬦᬶᬓᬸ᭞ᬫᬓᭂᬫᬾᬦᬶᬳᬫᬶᬦᬄ᭞ᬫᬓᭂᬫᬶᬂᬲᬮᬫᬄᬧᬱ᭄ᬝᬶ᭞ᬢᬸᬗ᭄ᬕᬮ᭄ᬲᬸᬯᬾᬦᬾᬓᬤᬶᬭᬸᬫᬸᬳᬸᬦ᭄ᬳᬶᬓᬵ᭟ᬭᬶᬲᬵᬫ᭄ᬧᬸᬦᬶᬭᬫᬗ᭄ᬓᬦ
᭞ᬫᬗ᭄ᬓᬾᬳᬮᬶᬳᭂᬦᬶᬗᬶᬗ᭄ᬕᬶᬮ᭄᭞ᬫᬓᭂᬫᬾᬳᬢᬶᬚᬳᬶᬓᬵ᭞ᬳᬭᬸᬲᬶᬢ᭄ᬮᬫᭀᬦᬶᬗᬵᬓ᭄ᬱᬶ᭞ᬬᬾᬦ᭄ᬤᬸᬭᬸᬂᬳᬦ᭄ᬢᬸᬓ᭄ᬯᬶᬲᬶᬓ᭄᭞ᬳᬶᬂᬕᬸᬭᬸᬫᬗ᭄ᬓᬾᬯᬸᬲ᭄ᬧᬸᬢᬸᬲ᭄᭞ᬤᬳᬵ
[᭒᭐ 20A]
ᬢᬶᬂᬧ᭄ᬭᬶᬗ᭄ᬕᬵᬪᬵᬬ᭞ᬤᬹᬃᬕ᭄ᬕᬫᬦᬾᬢᬦ᭄ᬲᬶᬦᬶᬧᬶ᭞ᬳᬓᬾᬄᬯᭀᬂᬓᬩᬗ᭄ᬲᬸᬮ᭄᭞ᬲᬢ᭄ᬗᬳᬶᬂᬫᬵᬃᬕ᭄ᬕ᭟ᬳᬶᬬᬸᬄᬲᬸᬫᭂᬗ᭄ᬓᬾᬂᬧᬃᬯ᭄ᬯᬢᬵ᭞ᬫᬃᬕ᭄ᬕᬵᬓᬧᬶᬢ᭄ᬤᬾᬦᬶᬂᬘᬸᬭᬶᬂ᭞ᬅᬓ᭄ᬯᬾᬄ
ᬯᭀᬂᬢᬶᬩᬵᬳᬶᬂᬚᬸᬭᬂ᭞ᬳᬶᬂᬮᬸᬳᬸᬃᬫᬗ᭄ᬓᬾᬓᬳᬓ᭄ᬱᬶ᭞ᬯᭀᬦ᭄ᬢᭂᬦ᭄ᬕᭀᬧᬸᬭᬵᬫᬡᬶᬓ᭄᭞ᬲᬮᬸᬳᬸᬭᬶᬂᬕᬸᬦᬸᬂᬳᬶᬓᬸ᭞ᬳᭂᬗ᭄ᬕᭀᬦᬾᬳᬰ᭄ᬭᬸᬕᬕᬦ᭄᭞ᬳᬶᬂᬢ᭄ᬧᬶᬦᬶᬂᬢᬲᬶᬓ᭄ᬕᭂᬡ᭄ᬥᬶᬲ᭄᭞ᬳᬗ᭄ᬮᬶ
ᬧᬶᬢᬦ᭄ᬳᬶᬂᬓᬭᬵᬂᬢᬸᬫᬵᬯᬶᬂᬳᬶᬓᬵ᭟ᬧᬺᬦᬳᬾᬓᬂᬲᬃᬯ᭄ᬯᬵᬲ᭄ᬓᬭ᭄᭞ᬅᬓᬾᬄᬓᬂᬪᬦᬵᬯᬧ᭄ᬭᬧ᭄ᬢᬶ᭞ᬓᬾᬮᬶᬤᬾᬦᬶᬂᬳᬭᬹᬲ᭄ᬓ᭄ᬭᬲ᭄᭞ᬲᬢᬶᬩᬧᬭᬦᬶᬭᬾᬓᬶ᭞ᬬᬢᬢ᭄ᬗᬳᬶᬂᬧᬲᬶᬃ᭞
ᬯᭀᬦ᭄ᬢᭂᬦ᭄ᬢᬵᬧᬹᬮᭀᬳᬗᬸᬗ᭄ᬕᬸᬮ᭄᭞ᬳᬓᬾᬄᬪᬦᬯᬭᬹᬲᬓ᭄᭞ᬤᬾᬦᬶᬂᬢᬦ᭄ᬗᬯᬲᬶᬂᬫᬮᬶᬫ᭄᭞ᬳᬧᬶᬗᬶᬢᬧ᭄ᬭᬤᬾᬦᬾᬭᬸᬲᬓᬶᬂᬓᬭᬵᬂ᭟ᬧᬹᬮᭀᬳᬗ᭄ᬭᬯᬶᬢᬗ᭄ᬭᬭᬲ᭄᭞
Kaca:Bali-lontar-gaguritan-nurcaya-nursada-350ppi.pdf/20
Kaca puniki sampun kauji-wacén
