[᭑᭘ 18B]
᭑᭘
ᬫ᭄ᬧᬸᬦ᭄ᬳᬯᬲᬶᬂᬢᬶᬗ᭄ᬳᬮ᭄᭞ᬮ᭄ᬯᬶᬃᬓᬤ᭄ᬬᬵᬗ᭄ᬕᬦᬶᬂᬥᬥᬮᬷ᭞ᬢᬢ᭄ᬓᬵᬮᬦ᭄ᬬᬵᬦᬫ᭄ᬧᬃᬢᭀᬬ᭞ᬇᬓᬸᬯᬶᬬᭀᬲᬶᬂᬧᬢᬶᬢᬶᬲ᭄᭞ᬇᬓᬸᬲ᭄ᬫᬸᬦᬶᬭᬾᬓᬶ᭞ᬮ᭄ᬯᬶᬃᬓᬶᬜ᭄ᬘᬂᬳᬦᬫ᭄ᬧᬃᬩᬜᬸ᭞ᬮᬫᬸᬦᭀ
ᬭᬫᬗ᭄ᬓᬦᬵ᭞ᬧᬲ᭄ᬢᬶᬢᬦ᭄ᬧ᭄ᬭᬧ᭄ᬢᬾᬂᬧᬢᬶᬢᬶᬲ᭄᭞ᬯᬸᬮᬢ᭄ᬦᬯᬶᬬᭀᬲᬶᬂᬳᬲ᭄ᬫᬵᬭᬕᬫᬵ᭟ᬤᬾᬧᬸᬦ᭄ᬳᬯᬰᬾᬂᬳᬲ᭄ᬫᬵᬭ᭞ᬤᬾᬦ᭄ᬬᬢ᭄ᬦᬵᬳᬗᬭᬲ᭄ᬧᬶᬧᬶ᭞ᬧᬦᬶᬓᬸᬯ᭄ᬬᭀᬲᬶᬗᬓ᭄ᬭᬫᬵ᭞ᬲᬵ
ᬫ᭄ᬪᬭᬡᬵᬫᬭᬶᬗ᭄ᬳᬢᬶ᭞ᬭᬶᬗ᭄ᬭᬶᬗᭂᬦ᭄ᬰᬩ᭄ᬤᬵᬫᬦᬶᬲ᭄᭞ᬳᬜᬸᬜᬸᬫ᭄ᬩᬸᬂᬓᬺᬱᬳᬮᬸᬲ᭄᭞ᬲᬚ᭄ᬭᭀᬦᬶᬂᬮᬗ᭄ᬲᬾᬳᬶᬓᬵ᭞ᬤᬋᬧᭀᬦ᭄ᬯᭂᬥᬃᬓᬂᬲᬵᬭᬶ᭞ᬕ᭄ᬋᬄᬮᬯᬦ᭄ᬭᬶᬭᬶᬲ᭄ᬢ
ᬦ᭄ᬧ᭄ᬕᬢ᭄ᬳᬗ᭄ᬭᬭᬲ᭄᭟ᬤᭀᬓ᭄ᬱᬚ᭄ᬭᭀᬦᬶᬂᬧᬓᬲᬹᬢᬦ᭄᭞ᬤᬾᬦ᭄ᬩᬶᬱᬳᬫ᭄ᬤᬃᬲᬵᬭᬶ᭞ᬧ᭄ᬭᬶᬳᭂᬦᬫ᭄ᬓᬵᬃᬓᬂᬲ᭄ᬓᬵᬃ᭞ᬤᬾᬦ᭄ᬩᬶᬱᬵᬳᬫᬭᬦ᭄ᬢᬾᬦᬶ᭞ᬓᬸᬫᬹᬥᬵᬮᬕ᭄ᬬᬓᬶᬘᬶᬧ᭄᭞ᬧᬻ
[᭑᭙ 19A]
ᬦᬳᬾᬲᬚ᭄ᬭᭀᬦᬶᬂᬭᬡᬸ᭞ᬅᬗᬺᬗᬶᬓᬂᬩ᭄ᬭᬳ᭄ᬫᬵᬭᬵ᭞ᬢᬦ᭄ᬲᬄᬤᬾᬦ᭄ᬬᬵᬫ᭄ᬭᬶᬄᬲᬵᬭᬶ᭞ᬤᬾᬦ᭄ᬩᬶᬱᬵᬘᬦ᭄ᬓ᭄ᬭᬵᬫᬢ᭄ᬧᬶᬦᬶᬂᬲᬵᬫᬸᬤ᭄ᬭᬵ᭟ᬧᬗᬸᬘᬧ᭄ᬮ᭄ᬯᬶᬃᬕᬸᬮᬵᬤ᭄ᬭᬯᬵ᭞ᬲᬃᬯ᭄ᬯᬶᬲᬶᬭᬗᬭᬲ᭄ᬧᬶ
ᬧᬶ᭞ᬅᬱ᭄ᬝᬵᬓᬶᬯᬵᬳᬗᭀᬮ᭄ᬓᬡ᭄ᬞᬵ᭞ᬳᬦᭂᬘᭂᬧ᭄ᬳᬗᬭᬲ᭄ᬲᬭᬷ᭞ᬲᬃᬯ᭄ᬬᬳᬫᬶᬫᬶᬲᬶᬓᬶ᭞ᬪ᭄ᬭᬫᬭᬗ᭄ᬭᬪᬱᬾᬂᬲᬵᬦ᭄ᬢᬸᬦ᭄᭞ᬤᬾᬦ᭄ᬓᬢᬸᬚᬸᬧᬺᬦᬄᬦ᭄ᬬ᭞ᬤᬋᬧᭀᬦ᭄ᬯᭂᬤᬃᬓᬂᬲᬭᬶ᭞ᬭᬶᬭᬶᬲ᭄ᬦᬫᬵ
ᬥᬸᬕᭂᬡ᭄ᬥᬶᬲ᭄ᬧᬶᬦᬱ᭄ᬝᬶᬓᬵ᭟ᬬᬦ᭄ᬲᬵᬫ᭄ᬧᬸᬦ᭄ᬯᭂᬭᬸᬄᬓᬂᬲ᭄ᬓᬵᬭ᭄᭟ᬲᬯ᭄ᬬᬓ᭄ᬢᬶᬯ᭄ᬤᬃᬓᬂᬲᬵᬭᬶ᭞ᬕᬡ᭄ᬥᬦ᭄ᬬᬮᬸᬫ᭄ᬭᬳᬶᬂᬚᬚᬵ᭞ᬓᬂᬫᬫ᭄ᬩᬍᬂᬍᬂᬓᬧᬢᬶ᭞ᬬᬦ᭄ᬢᬦ᭄ᬯ᭄ᬭᬸᬳᬶᬂᬧᬭᬦ᭄ᬢᬶ᭞ᬮᬄᬫᬸᬦ᭄ᬤᬸᬭᬵᬳᬬ᭄ᬯ
ᬲᬦ᭄ᬢᬸᬦ᭄᭞ᬬᬦ᭄ᬤᬸᬭᬸᬂᬓᬧᬗ᭄ᬕᬶᬳᬵ᭞ᬮ᭄ᬯᬶᬃᬧᬢ᭄ᬭᬵᬲᬶᬦᭂᬫ᭄ᬧᬮᬾᬜ᭄ᬚᬶᬂ᭞ᬢ᭄ᬓᬳᬮᬵᬳᬓ᭄ᬦᬵᬭᬵᬕᬳᬗ᭄ᬭᬭᬲ᭄᭟ᬳᬗᬯᬲᬶᬂᬧᬺᬦᬳᬶᬭ᭞ᬓᬂᬮᬶᬢᬶᬂᬦᭀᬭᬗᬯᬲᬶ᭞ᬤᬾᬦ᭄ᬩ᭄ᬦᭂᬃ
Kaca:Bali-lontar-gaguritan-nurcaya-nursada-350ppi.pdf/19
Kaca puniki sampun kauji-wacén
