Kaca:Bali-lontar-gaguritan-mituturin-pyanak-300ppi.pdf/13

[᭑᭒ 12B]
᭑᭒
ᬳᬶᬂᬕᬸᬡᬵᬫᬳᬸᬢ᭄ᬢᬫ᭞ᬓᬺᬢᬵᬚ᭄ᬜᬵᬓᬳᬦᬶᬦ᭄᭞ᬫᬮᬢ᭄ᬭᬶᬓᬂᬩᬮ᭞ᬫᬭᬶᬓ᭄ᬱᬫᬫᬶᬋᬗᬂ᭞ᬳᬲᬶᬂᬓᬮᬭᬦᬶᬂᬕᬸᬫᬶ᭞ᬧᬶᬦᬭᬶᬧᬹᬃᬡ᭄ᬦ᭞ᬭᬶᬂᬦᬬᭀᬧᬬᬲᬦ᭄ᬤᬶ᭟ᬫᬮ᭠
ᬭᬧᬦ᭄ᬳᬶᬥᭂᬧᬾᬥᬃᬫ᭄ᬫᬵᬉᬢ᭄ᬲᬳ᭞ᬕᬯᬾᬚᬕᬸᬕ᭄ᬯᬦᬶᬦ᭄᭞ᬳ᭄ᬥᬧᬶᬲᬦ᭄ᬧ᭄ᬭᬫᬤ᭞ᬬᬤᬶᬦ᭄ᬭᬶᬂᬯ᭄ᬯᬂᬘᬦ᭄ᬤᬮ᭞ᬳᬸᬧᬫᬶᬜᬲᬂᬓᬾᬲᬭᬶ᭞ᬭᬢᬸᬦᬶᬂᬲᬢ᭄ᬯ᭞ᬫᬲᬶᬄᬧᬮᬧᬦ᭄ᬲᬳᬶ
ᬫᬜ᭄ᬚᬮᬦᬂᬮᬓ᭄ᬱᬡᬦ᭄ᬜᬦᬾᬳᬶᬗ᭄ᬰᬓᬵ᭞ᬧᬘᬂᬫᬫᬢᬶᬫᬢᬶ᭞ᬦ᭄ᬢᭀᬳᬶᬗᭂᬢᬂᬧᬶᬲᬦ᭄᭞ᬧᬫᭂᬓᬲ᭄ᬳᬗ᭄ᬕᭀᬦ᭄ᬢᬸᬮᬤ᭄᭞ᬕᭂᬂᬳᬗ᭄ᬓᬭᬦᬾᬧᬶᬬᭂᬭᬶᬦ᭄᭞ᬧᭂᬥᬲ᭄ᬗ᭄ᬭᬡᬬᬂᬫᬯ᭄ᬭᬩᬶᬗᬸᬂᬧ
ᬮᬶᬂ᭟ᬦᬾᬧᬫᭂᬓᬲ᭄ᬧᬶᬲᬦ᭄ᬳᬶᬗᭂᬢᬂᬧᬕᭂᬳᬂ᭞ᬓᭀᬢ᭄ᬢᬫᬦ᭄ᬮᬶᬂᬦᬶᬂᬳᬚᬶ᭞ᬲᬳᬶᬕᬸᬡᬶᬢᬬᬂ᭞ᬳᬯᬶᬦᬦ᭄ᬧ᭄ᬭᬚ᭄ᬜᬦ᭄ᬢᬸᬃᬭᬶᬭᬶᬄ᭞ᬢ᭄ᬯᬶᬧᬦᬗ᭄ᬓᬜ᭞ᬢ᭄ᬯᬄᬲᬂᬳ᭄ᬬᬂᬲᬭᬲ᭄ᬯᬢᬶ᭟ᬳᬕᭂᬂ
[᭑᭓ 13A]
ᬓ᭄ᬭᭀᬥᬧᬮᬚᬳᬶᬦ᭄ᬫᬭᬶᬧᬹᬃᬡ᭄ᬦ᭞ᬤᬾᬦᬶᬂᬳᬦ᭄ᬢᭀᬫᬕᬯᬾᬦᬶᬦ᭄᭞ᬓ᭄ᬯᬾᬄᬤᭀᬱᬤᬸᬃᬩ᭄ᬪᬮ᭞ᬧᬋᬓᬦ᭄ᬥᬃᬫ᭄ᬫᬳᬶᬮᬂ᭞ᬢᬸᬢᬶᬂᬫᬶᬢ᭄ᬭᬦᬾᬗᬮᬳᬶᬦ᭄᭞ᬰᬢ᭄ᬭᬸᬦᬾᬳᬾᬗ᭄ᬕᬮ᭄᭞
ᬢᭂᬓᬗᬭᬶᬱ᭄ᬝᬵᬘᬳᬶ᭟ᬓᬧᬶᬯ᭄ᬮᬲᬦ᭄ᬳᬶᬥᭂᬧᬾᬥᬃᬫ᭄ᬫᬧᬕᭂᬳᬂ᭞ᬗᬲᬶᬩᬩᬳᬲᬶ᭠ᬲᬓᬶᬢ᭄᭞ᬳ᭄ᬥᬩᬳᬗᬓᬦ᭄ᬤᬧ᭄᭞ᬲᭂᬩᭂᬗᬾᬤᬶᬧᬲᬾᬩᬦ᭄᭞ᬢᭂᬓᬾᬦᬾᬓ᭄ᬭᬸᬭᬗᬺᬲ᭄ᬋ
ᬲᬶᬦ᭄᭞ᬳ᭄ᬥᬜᬮᬶᬫᬳᬦᬾᬂᬕᬸᬭᬕᬤᬾᬂᬳᬢᬶ᭟ᬳ᭄ᬥᬧ᭄ᬭᬫᬥᬢᭂᬓᬦᬶᬂᬚᬤ᭄ᬫᬫᬮᬭᬢ᭄᭞ᬲᬳᬶᬫᬗᬶᬤᬶᬳᬶᬤᬶᬄ᭞ᬮ᭄ᬯᬲ᭄ᬳᬶᬜᭂᬗᬦ᭄᭞ᬫ᭄ᬩᬸᬯᬢᬂᬗᬮᬶᬄᬳᬫᬄ᭞ᬬᬾᬦ᭄ᬩᬜᬵ
ᬗᭂᬮᬳᬓᬶᬓᬶᬢ᭄᭞ᬲᬫᬢ᭄ᬭᬩᬳᬂ᭞ᬳᭂᬥᬗᭀᬯᬾᬮ᭄ᬫᬫᬸᬜᬶ᭟ᬳ᭄ᬥᬵᬫᬩᬶᬓᬲ᭄ᬤᭂᬫᭂᬦ᭄ᬗᬤᬓᬵᬓᭂᬦᭀᬭ᭞ᬢᬢᬲ᭄ᬫᬓ᭄ᬭᬡᬧᭂᬮᬶᬄ᭞ᬫᬓᭂᬚᬂᬫᬜᬘᬤ᭄᭞ᬲᬶᬂᬤᭂᬲᭂᬓ᭄ᬫᬜᭂᬗᬶᬗᬂ᭞