[᭑᭑ 11B]
᭑᭑
ᬢᬸᬃᬮ᭄ᬯᬶᬄᬫᬸᬗ᭄ᬕ᭄ᬯᬶᬂᬓᬓᬯᬶᬦ᭄᭞ᬓᬯ᭄ᬬᬵᬳᬧᬂᬱ᭄ᬘᬢ᭄᭞ᬧᬱ᭄ᬘᬢᬤᬶᬧᬗ᭄ᬯ᭄ᬭᬸᬄᬢᬢ᭄ᬯᬦ᭄ᬳᬱ᭄ᬝᬤᬰ᭞ᬳᬤ᭄ᬥᬶᬧᬃᬯ᭄ᬯ᭞ᬧᬃᬯ᭄ᬯᬵᬰᬵᬲ᭄ᬢ᭄ᬭᬦᬾᬋᬥᬶ᭞ᬋᬥᬶᬬᬂᬳᬦᬸᬱ᭄ᬝᬡ᭟ᬲ᭄ᬯᬦᬬᬂᬢᭂᬍᬗᬶᬂ
ᬧᬤ᭄ᬫᬯᬗᬶ᭞ᬓᬳᬸᬜ᭄ᬘᬭᬂ᭞ᬲᬭᬰᬫᬸᬰ᭄ᬘᬬ᭞ᬧᬲᬫᬸᬤᬬᬦ᭄ᬢᬢ᭄ᬯᬦᬾ᭞ᬓᬓᭂᬮᬶᬓᬄᬕᬶᬫ᭄ᬧᭂᬲ᭄ᬳᬦ᭄ᬢᬸᬓ᭄ᬰ᭄ᬩᬷᬪᬵᬕᬯᬦᬯᬭᬸᬘᬶ᭞ᬦᬳᬓᬾᬢᭀᬜᬦ᭄ᬤᬂ᭞ᬳᬗ᭄ᬕᭀᬦ᭄ᬘᬳᬶᬦᬸᬦ᭄ᬢᬸᬦ᭄᭞
ᬳᬶᬥᭂᬧᬾᬗᬸᬮᬄᬓᬭᬳᬬ᭄ᬯᬦ᭄᭞ᬚᬦᬶᬩᬧ᭞ᬩ᭄ᬯᬶᬦ᭄ᬫᬫ᭄ᬩᬮᬶᬓᬶᬦ᭄ᬫᬸᬜᬶ᭞ᬫᬶᬤᬃᬢ᭄ᬢᬬᬂᬫᬜᬢ᭄ᬯᬬᬂ᭚᭜᭚ᬓᬾᬢᭀᬲᭀᬮᬄᬲᬂᬲᬵᬢ᭄ᬭ᭄ᬬᬵᬫᬳᬸᬢ᭄ᬢᬫ᭞ᬯᬶᬤᬕ᭄ᬥᬗ᭄ᬕᬶᬲᬶᬕᬸᬫᬶ᭞ᬲᬳᬶ
ᬕᬸᬡᬶᬢᬬᬂ᭞ᬕᬸᬡᬦᬶᬂᬦᬬᭀᬧᬬ᭞ᬳᬕᬫᬦᬾᬚ᭄ᬯᬕᬸᬕ᭄ᬯᬦᬶᬦ᭄᭞ᬮᬯᬸᬢᬧᬓᬂᬢᬸᬢᭂᬦ᭄ᬲᭀᬚᬭᬶᬂᬗᬚᬶ᭟ᬧᬭᬶᬲ᭄ᬣᬦᬦ᭄ᬲᬂᬳ᭄ᬬᬂᬥᬃᬫ᭄ᬫᬢᭀᬳᬶᬗᭂᬢᬂ᭞ᬧᬳᬬᬸᬲᬵᬭᬶᬲᬵᬭᬶ᭞ᬲᬵ
[᭑᭒ 12A]
ᬮ᭄ᬯᬶᬭᬶᬂᬪᬭᬡᬵ᭞ᬳ᭄ᬫᬲ᭄ᬫᬡᬶᬓ᭄ᬭᬚᬢ᭞ᬓᬶᬦ᭄ᬓᬶᬦᬂᬫᬗ᭄ᬤᬾᬜᬯᬺᬤ᭄ᬥᬶ᭞ᬮᬯᬸᬢ᭄ᬩ᭄ᬭᬬᬵᬬᬂ᭞᭠ᬲᬶᬫ᭄ᬧᭂᬦ᭄ᬳᬗ᭄ᬕᭀᬦ᭄ᬫᬓᬶᬃᬢ᭄ᬢᬶ᭟ᬳ᭄ᬥᬗᬸᬮᬦᬶᬦ᭄ᬓᬲᬸᬓᬦᬾᬧᬤᬶᬤᬶᬬᬦ᭄᭞ᬲᬤ᭄ᬥᬭᬵᬢᬬᬂᬳᬸ
ᬕᬶ᭞ᬢᭂᬓᬾᬦ᭄ᬜᬫᬩ᭄ᬭᬬ᭞ᬢᬶᬍᬳᬂᬱᬲᬶᬦ᭄ᬢᬸᬗᬦ᭄᭞ᬧᬘᬂᬲᭂᬥᭂᬂᬳᬗ᭄ᬕᭀᬦ᭄ᬘᬳᬶ᭞ᬗᬰᬶᬩᬓᬸᬃᬡ᭄ᬦᬦ᭄᭞ᬫᬳᬬᬸᬚ᭄ᬭᭀᬦᬶᬂᬧᬸᬭᬶ᭟ᬮ᭄ᬯᬶᬃᬓ᭄ᬱᬡᬦᬾᬭᬳᬬᬸᬧᬕᭂᬳᬂ᭞ᬭᬵᬕᬤ᭄ᬯᬾᬱ
ᬦᬶᬂᬳᬢᬶ᭞ᬲᬧᬸᬳᬂᬳᬮᬗᬂ᭞ᬳᬲᬶᬂᬓᬶᬦᬮᬸᬮᬸᬢᬦ᭄᭞ᬲᭀᬮᬳᬾᬳᭂᬦ᭄ᬢᭀᬕᬸᬕ᭄ᬯᬦᬶᬦ᭄᭞ᬘᬶᬢ᭄ᬢᬳᬗ᭄ᬓᬭ᭞ᬢᭂᬧ᭄ᬢᭂᬧᬶᬦ᭄ᬧᬶᬲᬦ᭄ᬘᬳᬶ᭟ᬓᬮᬶᬄᬫᬗ᭄ᬤᬾᬘᬳᬶᬳᬶᬗᭂᬮᬳᬭᬶᬫ᭄ᬩᬯᬵ᭞᭠
ᬦ᭄ᬢᭀᬧ᭄ᬭᬚ᭄ᬜᬦ᭄ᬓᬳᬤᬦᬶᬦ᭄᭞ᬬᬦ᭄ᬓᬵᬮᬦᬶᬂᬳᬧ᭄ᬭᬂ᭞ᬓᬰ᭄ᬯᬭᬦᬾᬚ᭄ᬯᬳᬋᬧᬂ᭞ᬓᬮᬶᬄ᭠ᬫᬗ᭄ᬤᬾᬧᬕᭂᬄᬘᬳᬶ᭞ᬫᬤᬵᬦᬧᬹᬡ᭄ᬬ᭞ᬭᬶᬂᬩ᭄ᬭᬳ᭄ᬫᬩᬵᬫᬳᬵᬫᬸᬦᬶ᭟ᬬᬦ᭄ᬲᬂᬲᬫ᭄ᬧᬸᬦ᭄ᬯ᭄ᬭᬸ
Kaca:Bali-lontar-gaguritan-mituturin-pyanak-300ppi.pdf/12
Kaca puniki sampun kauji-wacén
