[᭔᭓ 43B]
᭔᭓
ᬜᬦ᭄ᬥᬓ᭄ᬕᬤᬰᬷᬖ᭄ᬭᬵᬗ᭄ᬕᬢᬶᬓ᭄᭞ᬮᬸᬮᬸᬄᬳᬗ᭄ᬕᬦ᭄ᬦ᭄ᬬ᭞ᬓ᭄ᬭᭀᬤ᭄ᬭᬩᬦᬸᬗᭂᬫᬲ᭄ᬲᬶ᭛ᬫᬫᭀᬃᬮᬸᬫ᭄ᬭᬾᬂᬭᬣᬦ᭄ᬦ᭄ᬬᬮᬯᬦ᭄ᬩᬦ᭄ᬢᬮ᭞ᬧ᭄ᬭᬪᬸᬓᬮᬶᬗ᭄ᬕᬧᬢᬶ᭞ᬧ᭄ᬭᬂᬮᬦ᭄ᬲᬂᬯᬶ
ᬦ᭄ᬥᬸᬭ᭞ᬧᬧᬕ᭄ᬧᬶᬦ᭄ᬦᬧᬕ᭄ᬢᬢᬕ᭄᭞ᬲᬜ᭄ᬚᬢᬧᬹᬃᬧᬸᬧᬸᬕ᭄ᬲᬫᬶ᭞ᬤᬢᬦ᭄ᬲᬭᭀᬦ᭄ᬢ᭞ᬓᬂᬳᬧ᭄ᬭᬂᬭᬢᬸᬓᬮᬶᬄ᭛ᬢᬶᬗ᭄ᬕᬮ᭄ᬭᬣᬧ᭄ᬭᬲᬫ᭄ᬬᬳᬗᬸᬦ᭄ᬥᬤᭂᬡ᭄ᬥᬵ᭞ᬭᭀ᭠
ᬓ᭄ᬧᬮᬸᬲᬶᬮᬶᬄᬳᬸᬓᬶᬄ᭞ᬫᬸᬩᭂᬃᬮᬶᬭᬸᬧᬧᬦ᭄᭞ᬍᬩᬸᬫᭂᬍᬓ᭄ᬯᬮᬶᬓ᭄ᬓᬦ᭄᭞ᬤᬺᬲ᭄ᬲᬶᬂᬧᬯᬦᬮᬸᬫᬶᬦ᭄ᬤᬶᬄ᭞ᬫᬗᬫ᭄ᬧᬓ᭄ᬳᬫ᭄ᬧᬓ᭄᭞ᬓᬮᬶᬫ᭄ᬧᬸᬢ᭄ᬓᬂᬗᬚᬸᬭᬶᬢ᭄
᭛ᬤᬗᬸᬤᭂᬤᭂᬃᬤᬶᬦ᭄ᬦᭂᬤᭂᬃᬳᬸᬤᭂᬃᬳᬸᬤᭂᬃᬭᬦ᭄᭞ᬧᬸᬢᭂᬃᬭᬦ᭄ᬫᬫ᭄ᬭᬶᬄᬲᬶᬮᬶᬩ᭄᭞ᬢᬦ᭄ᬦᬦᬓᬂᬘᬶᬤ᭄ᬭ᭞ᬭᬶᬓᬢ᭄ᬳᬯᬲ᭄ᬲᬾᬲᬫ᭄ᬬ᭞ᬲᭂᬤᭂᬂᬢᬦ᭄ᬥᬶᬂᬗᬦ᭄ᬦᬶᬂᬚᬸᬭᬶᬢ᭄᭞ᬓᬤ᭄ᬬᬫᬾᬄ
[᭔᭔ 44A]
᭔᭔
ᬓᭂᬫ᭄ᬩᬃ᭞ᬤᬧᬹᬃᬭᬾᬭᬢᬸᬓᬮᬶᬄ᭛ᬲᬸᬕᬶᬄᬭᬾᬫᬲᬫ᭄ᬬᬕᭀᬤᬾᬕ᭄ᬯᬸᬮᬸᬯᬯᬃ᭞ᬯᭀᬓ᭄ᬩ᭄ᬭᬶᬲ᭄ᬚᭂᬫ᭄ᬩ᭄ᬭᬸᬂᬓᬂᬗᬮᬶᬲ᭄᭞ᬲᬭᬹᬧᬾᬂᬤᬦ᭄ᬦᬯ᭞ᬲᬫ᭄ᬬᬕᬕᬄᬧ᭄ᬭᬓᭀᬱ᭞ᬕ
ᬦ᭄ᬢ᭄ᬬᬦ᭄ᬢᬶᬦ᭄ᬦᬶᬩᬦ᭄ᬦᬶᬂᬩᬶᬦ᭄ᬥᬶ᭞ᬤᬗᬸᬤᬾᬦ᭄ᬦ᭄ᬬᬵᬧ᭄ᬭᬂ᭞ᬢᬦ᭄ᬦᬦᬓᬲᭀᬃᬓᬮᬶᬄ᭛ᬰ᭄ᬭᬷ᭠ᬓᬯᬶᬗ᭄ᬕᬧᬢᬶᬓᬮᬫᬸᬦ᭄ᬤᬶᬦ᭄ᬦᭂᬦ᭄ᬥ᭞ᬲᬸᬫᭂᬩᬸᬢ᭄ᬳᬗᭀᬜ᭄ᬘᬢ᭄ᬢᬶ᭞ᬫᬮᬸᬫ᭄ᬧᬢ᭄ᬢᬦ᭄ᬓᭂᬦ᭄ᬦ
᭞ᬕᬤᬢᬸᬫᬶᬩᬾᬂᬓᬶᬲ᭄ᬫ᭞ᬤᬸᬳᬃᬫᬦ᭄ᬥᭂᬮᭀᬂᬓᬂᬩᬸᬫᬶ᭞ᬧ᭄ᬭᬪᬸᬯᬶᬦ᭄ᬥᬸᬭ᭞ᬬᬾᬦ᭄ᬧᬶᬦᬸᬧᬸᬄᬗᭀᬜ᭄ᬘᬢ᭄ᬢᬶ᭛ᬲᬂᬗᬧ᭄ᬭᬪᬸᬓᬮᬶᬗ᭄ᬕᬧᬢᬶᬕᬤᬦ᭄ᬬ᭞ᬢᬶᬩᬾᬂᬩᬦ᭄ᬢ
ᬮᬓᬤᬶ᭞ᬩᭂᬮᬄᬩᬸᬫᬶᬫᭀᬮᬄ᭞ᬧᬤᭀᬮᬄᬗᬫ᭄ᬧᬓ᭄ᬳᬫ᭄ᬧᬓ᭄᭞ᬳᭀᬋᬕ᭄ᬮᬶᬦ᭄ᬥᬸᬄᬕᭀᬜ᭄ᬚᬂᬕᬜ᭄ᬚᬶᬂ᭞ᬫᬾᬗ᭄ᬕᬸᬂᬧᬧ᭄ᬭᬗᬦ᭄᭞ᬕᬶᬭᬶᬲ᭄ᬲᬂᬳᬦ᭄ᬦᬶᬗ᭄ᬳ᭠
