Kaca:Bali-lontar-gaguritan-mayaspati-350ppi.pdf/43

Saking Wikisource
Kaca puniki sampun kauji-wacén

[᭔᭒ 42B]
᭔᭒
ᬩᬮᬦ᭄ᬦᬶᬭ᭞ᬯ᭄ᬭᬸᬄᬭᬢᬸᬦᬾᬧᬮᬲ᭄ᬢ᭄ᬭ᭞ᬤᬤᬮ᭄ᬗᭂᬮᬸᬦ᭄ᬫᬭᬾᬂᬗᬸᬭᬶ᭞ᬰ᭄ᬭᬷ᭠ᬲᬶᬦ᭄ᬥᬸᬮᭀᬓᬓ᭄ᬭᭀᬥᬤᬾᬦ᭄ᬦᬶᬭᬵᬦᬶᬗ᭄ᬕᬮ᭄ᬮᬶ᭛ᬫᬂᬲᬄᬦᬸᬗ᭄ᬕᬂᬗᬓᭂᬦ᭄ᬤᬶᬧᭀᬗ᭄ᬕᬫ
ᬦ᭄ᬦᬧᬢ᭄᭞ᬲᬫᭀᬕᬳᬗᭂᬦ᭄ᬦᬾᬦ᭄ᬦᬶ᭞ᬲᬹᬃᬬ᭄ᬬᬓᬾᬢᬸᬭᬵᬚ᭞ᬋᬫᬸᬓ᭄ᬱᬸᬫ᭄ᬬᬸᬃᬭᬣᬦ᭄ᬬ᭞ᬫᬮᬸᬫ᭄ᬧᬢ᭄ᬦ᭄ᬬᬦ᭄ᬥᬓ᭄ᬚᭂᬫ᭄ᬧᬭᬶᬂ᭞ᬰᬶᬖ᭄ᬭᬮᬸᬫᭂᬧᬲ᭄᭞ᬤᬶᬧᭀᬗ᭄ᬕᬦ᭄ᬦᬾ
ᬓᬂᬧᬶᬦ᭄ᬭᬶᬄ᭛ᬓᬧᬢ᭄ᬭᬫ᭄ᬧᬸᬂᬲᬸᬓᬸᬦ᭄ᬦᬾᬤᬶᬧᭀᬗ᭄ᬕᬋᬩᬄ᭞ᬫᬮᬸᬫ᭄ᬧᬢ᭄ᬓᬂᬗᬦᬶᬢᬶᬄ᭞ᬭᬵᬚᬲᬶᬦ᭄ᬥᬸᬮᭀᬓ᭞ᬰᬷᬖ᭄ᬭᬳᬜᬦ᭄ᬥᬓ᭄ᬕᬤ᭞ᬳᬃᬱᬵᬫᬸᬧᬸᬄᬤᬾ᭠
ᬦ᭄ᬧᬋᬂᬗᬶ᭞ᬚᬚᬦ᭄ᬦ᭄ᬬᬩᭂᬜ᭄ᬘᬄ᭞ᬓᬲᬸᬦ᭄ᬥᬸᬓ᭄ᬳᬶᬂᬚᭂᬫ᭄ᬧᬭᬶᬂ᭛ᬭᬢᬸᬓᬮᬶᬄᬤᬃᬫ᭄ᬫᬧᬢᬶᬲᬶᬦ᭄ᬥᬸᬮᭀᬓ᭞ᬳᬶᬂᬗᬧ᭄ᬭᬂᬧᭂᬚᬄᬤᬾᬦ᭄ᬦᬶᬂ᭞ᬲᬹᬃᬬ᭄ᬬᬓᬾᬢᬸᬭᬵᬚ᭞

[᭔᭓ 43A]
᭔᭓
ᬘᭀᬦ᭄ᬤ᭄ᬭᬓᬾᬢᬸᬳᬬᬸᬤ᭄ᬥ᭞ᬤᬗᬸᬮᬜ᭄ᬘᬭᬦ᭄ᬚᭂᬫ᭄ᬧᬭᬶᬂ᭞ᬮᬦ᭄ᬭᭀᬤᬺᬧ᭠ᬓ᭄ᬱ᭞ᬋᬫᬸᬓ᭄ᬭᬣᬦ᭄ᬦ᭄ᬬᬲᬫᬶ᭛ᬓᬢᬶᬩᬦ᭄ᬦᬶᬂᬲᬜ᭄ᬚᬢᬓᬮᬶᬄᬮᬸᬫᬸᬫ᭄ᬧᬢ᭄᭞ᬜᬦ᭄ᬥ
ᬓ᭄ᬕᬤᬦ᭄ᬦ᭄ᬬᬲᬫᬶ᭞ᬦᬃᬧᬢᬶᬫᬕᬤ᭞ᬢᬸᬢᬸᬮᬸᬂᬗᬶᬂᬗᬬᬸᬤ᭄ᬥ᭞ᬭᭀᬤ᭄ᬭᬧ᭠ᬓ᭄ᬱᬚᬶᬦᭂᬫ᭄ᬧᬭᬶᬂ᭞ᬚᬗ᭄ᬕᬦ᭄ᬦ᭄ᬬᬫᬕᬲ᭄᭞ᬓ᭄ᬭᭀᬥᬩᬳᬸᬦᬶᬗ᭄ᬕᬮ᭄ᬮᬶ᭛ᬓ᭄ᬭᭀᬥᬫᬂᬲᬄ
ᬰᬶᬖ᭄ᬭᬳᬧ᭄ᬭᬂᬯᬶᬱᬩᬚ᭄ᬭ᭞ᬦᬗ᭄ᬕᬸᬮᬗᬶᬂᬗᬚᬸᬭᬶᬢ᭄᭞ᬫᬮᬂᬭᬣᬦ᭄ᬦᬭ᭞ᬗᬮᬶᬗᬶᬂᬰ᭄ᬭᬷᬫᬕᬤ᭞ᬕᬦ᭄ᬢ᭄ᬬᬤᬾᬦ᭄ᬦᬶᬭᬵᬗᬸᬘᬸᬮ᭄ᬮᬶ᭞ᬲᬜ᭄ᬚᬢᬤᬶᬩ᭄ᬬ᭞ᬢ᭠
ᬦ᭄ᬦᬦᬓᬂᬦᭂᬤᬲ᭄ᬲᬶ᭛ᬲᬫ᭄ᬬᬫᬸᬭᬸᬩ᭄ᬢᬸᬫᬶᬩᬾᬂᬚᬚᬓᬮᬶᬄᬜ᭞᭠ᬓᬓᬸᬢ᭄ᬬᬲ᭄ᬲᬾᬦᬸᬮ᭄ᬬᬕ᭄ᬮᬶᬲ᭄᭞ᬧ᭄ᬭᬪᬸᬯᬶᬱᬩᬚ᭄ᬭ᭞ᬫᬮᬸᬫ᭄ᬧᬢ᭄ᬢᬶᬮᬃᬭᬣ᭞