[᭖᭗ 67B]
᭖᭗
ᬢ᭄ᬬᬂᬫᬓᬸᬓᬸᬤ᭄᭞ᬳᬶᬦᬩ᭄ᬚᬕᬧ᭄ᬭᬡᬦ᭄ᬢᬶᬓᬵ᭞ᬧ᭄ᬮᬸᬄᬢᬦ᭄ᬫᬲᬦᬶᬂᬫᬶᬚᬶᬮ᭄᭟ᬳᬗ᭄ᬓᬶᬳᬦ᭄ᬢᬸᬬᬸᬄ᭠ᬜᬍᬕ᭄ᬲᭂᬕ᭄᭞ᬦᬾᬦ᭄ᬢᭂᬦ᭄ᬧᬶᬲᬦ᭄ᬢᬶᬢ᭄ᬬᬂᬫᬶᬢᬳᭂᬦ᭄ᬳᬸᬭᬶᬧ᭄᭞ᬢᬦ᭄ᬮ᭄ᬬᬦ᭄ᬧᬤᬡ᭄ᬥᬳᬕᬸᬂ᭞ᬫᬗ᭄ᬓᬢᬸᬗ᭄ᬢᬸ
ᬗᬶᬂᬫᬦᬄ᭞ᬯᬶᬭᬾᬄᬢᬶᬢ᭄ᬬᬂᬲᬓᬶᬂᬭᬶᬳᬶᬦ᭄ᬧᬸᬧᬸᬢ᭄ᬫᬢᬹᬃ᭞ᬫᬢᬹᬃᬫᬫᬶᬢᬂᬧ᭄ᬭᬮᬶᬦᬵ᭞ᬧᬫ᭄ᬲᬸᬢ᭄ᬳᬸᬢ᭄ᬢᬫᬧᬶᬗᬶᬢ᭄᭟ᬳᬯᬶᬦᬦ᭄ᬧᬸᬭᬸᬦ᭄ᬫᬫᬶᬢᬂ᭞ᬤᬾᬦᬶᬂᬲᬵᬫ᭄ᬧᬸᬦ᭄ᬳᬸᬩᬬᬲᬓᬶᬂᬭᬶᬳᬶᬦ᭄᭞ᬢᬶᬢ᭄ᬬᬂᬭᬶᬂᬧᬥ᭠
ᬡ᭄ᬥᬳᬕᬸᬂ᭞ᬫᬦᬸᬚᬸᬭᬶᬂᬧᬫᭂᬗ᭄ᬓᬂ᭞ᬩ᭄ᬬᬂᬳᬶᬲ᭄ᬢ᭄ᬭᬶᬲᬶᬦ᭄ᬤᬸᬲᬋᬂᬢᬶᬕᬓᬸᬫ᭄ᬧᬸᬮ᭄᭞ᬲᬫᬶᬫᬗ᭄ᬮᬶᬕᬧ᭠ᬭᬦᬵ᭞ᬦᬾᬦ᭄ᬢᭂᬦ᭄ᬚᬗ᭄ᬓᬲᬶᬓᬶᬲᬶᬓᬶ᭟ᬦᬾᬦ᭄ᬢᭂᬦ᭄ᬧᬶᬲᬦ᭄ᬦᬳᭂᬦ᭄ᬢᬸᬗ᭄ᬓᬲ᭄᭞ᬲᬓᬶᬂᬳᬮᬶᬢ᭄ᬫᬸᬮᬧᬶᬢᬺᬱ᭄ᬡᬵᬳ
ᬲᬶᬄ᭞ᬢᬶᬢ᭄ᬬᬂᬭᬶᬂᬧᬤᬡ᭄ᬥᬳᬕᬸᬂ᭞ᬳᬦᬸᬢ᭄ᬲᬧᬭᬦ᭄ᬧᬭᬦ᭄᭞ᬚ᭄ᬭᭀᬦᬶᬂᬲᬹᬓ᭄ᬱ᭄ᬫᬵ᭟ᬦᬶᬃᬩ᭄ᬪᬡᬢᬦ᭄ᬧᬢᬮᬸᬢᬸᬄ᭞ᬤᬸᬫᬤᬓ᭄ᬫᬗ᭄ᬤᬾᬜᬤ᭄ᬬᬬᬂ᭞ᬭᬯᬸᬄᬓᬲᭀᬯᬄᬓᬤᬤᬶᬦ᭄᭟ᬓᬮᬶᬄ᭠
[᭖᭘ 68A]
ᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬲᭂᬤ᭄ᬬ᭞ᬫᬦᭂᬕ᭄ᬢᭂᬕᬂᬫᬦᬄᬲᬦᬾᬳᬸᬢ᭄ᬧ᭄ᬢᬶ᭞ᬭᬶᬂᬚ᭄ᬭᭀᬦᬶᬂᬰᬹᬦ᭄ᬬᬗᬮᬸᬯᬸᬂ᭞ᬮᬸᬯᬸᬂᬢᬦ᭄ᬧᬳᬶᬗᬦᬦ᭄᭞ᬳᬶᬗᬦᬦᬾᬢᬶᬢ᭄ᬬᬂᬓᬭᬶᬧᬜ᭄ᬚᬂᬳᬸᬫᬹᬃ᭞ᬯᬮᬸᬬᬵᬫᬺᬢ᭄ᬣᬲᬜ᭄ᬚᬶᬯ᭄ᬯ
᭞ᬳᬸᬲᬤ᭄ᬥᬯ᭄ᬓᬲᬶᬂᬫᬦ᭄ᬤᬶ᭟ᬯᬦ᭄ᬢᬄᬤᬸᬭᬸᬂᬧᬳᬶᬗᬦᬦ᭄᭞ᬓᬲᬵᬫ᭄ᬧᬸᬭᬵᬭᬶᬂᬳᬶᬤᬵᬲᬂᬳ᭄ᬬᬂᬯᬶᬥᬶ᭞ᬬᬦ᭄ᬓᬸᬤᬂᬢᬳᬸᬦ᭄ᬫᬳᬸᬓᬸᬫ᭄᭞ᬦᬦ᭄ᬤᬗᬶᬦ᭄ᬤᬸᬄᬓᬩᬭ᭞ᬦᬶᬗ᭄ᬕᬮ᭄ᬤᬾᬰ᭞ᬲᬢᬶᬩᬧᬭᬦᬶᬂᬮᬓᬸ᭠
ᬳᬯᬶᬦᬦ᭄ᬢᬶᬢ᭄ᬬᬂᬧᬶᬲᬭᬵᬢ᭄᭞ᬫᬫᬶᬢᬂᬓᬶᬤᬸᬂᬧᬗᬯᬶ᭟ᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬮᬶᬮᬬᬂ᭞᭠ᬫᬦᬄᬳᬶᬩᬸᬓ᭄ᬭᬶᬂᬧᭀᬦ᭄ᬤᭀᬓ᭄ᬜᬩ᭄ᬭᬦ᭄ᬲ᭄ᬤᬶᬄ᭞ᬧᬤᬡ᭄ᬥᬫᬗᬶᬘᬾᬦ᭄ᬲᬸᬮᬸᬄ᭞ᬧᬶᬮᬶᬄᬦᬾᬗᬶᬦ᭄ᬲᭂᬗ᭄ᬕᬗ
ᬦ᭄᭞ᬳᬶᬮᬶᬂᬢᬶᬢ᭄ᬬᬂᬭᬶᬂᬧᬦᬶᬢᬄᬲᬂᬳ᭄ᬬᬂᬢᬸᬤᬸᬄ᭞ᬫᬦᬸᬤᬸᬳᬂᬚ᭄ᬮᬾᬫ᭄ᬮᬄ᭞ᬲᬸᬓᬵᬤᬸᬓᬵ᭠ᬳᬶᬤᬸᬧ᭄ᬫᬢᬶ᭟ᬬᬦ᭄ᬢᬦ᭄ᬧᬸᬦᬶᬓᬵᬧᬤᬦ᭄ᬥ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬫᭀᬦ᭄ᬫᭀᬦ᭄ᬭᬳᬶᬂᬦᬵᬯ᭄ᬗᬶ᭞ᬫᬾᬄᬮᬘᬹᬃᬧ
Kaca:Bali-lontar-gaguritan-maselong-ka-jembrana-350ppi.pdf/68
Kaca puniki sampun kauji-wacén
