[᭖᭖ 66B]
᭖᭖
ᬦ᭄ᬫᭀᬦᬵ᭞ᬫᬹᬓ᭄ᬱᬾᬂᬲᬭᬵᬢ᭄ᬲᬓ᭄ᬱᬡᬋᬧ᭄ᬲ᭄ᬧᬶᬲᬫᬸᬦ᭄᭞ᬳᬶᬦᬓᬸᬧᬶᬦ᭄ᬤ᭄ᬭᬶᬳᬶᬂᬧᬡ᭄ᬥᬶᬢ᭞ᬗᬶᬂᬲᬂᬲᬵᬫ᭄ᬧᬸᬦ᭄ᬧ᭄ᬭᬚ᭄ᬜᬾᬂᬳᬚᬶ᭟ᬯ᭄ᬭᬸᬄᬭᬶᬧᬳᬶᬕᬶᬂᬳᬓ᭄ᬱᬭᬵ᭞ᬰ᭄ᬯᬭᬵᬓᬚ᭄ᬭᭀᬢ᭄ᬭᬂᬳᬦ᭄ᬢᬸᬓ᭄ᬗᭂᬜ᭄ᬚᬳᬶᬦ᭄
᭞ᬅᬅᬇᬇᬫᬶᬯᬄᬉᬉ᭟ᬲᬫᬶᬲᬵᬫ᭄ᬧᬸᬦ᭄ᬫᬳᬸᬗ᭄ᬕ᭄ᬯᬦ᭄᭞ᬋᬋᬇᬓᬵᬢᬦ᭄ᬲᬶᬯᬄᬲ᭄ᬣᬦᬦᬶᬧᬸᬦ᭄᭞ᬫᬓᬵᬤᬶᬍᬍᬧᬸᬦᬶᬓᬵ᭞ᬏᬏᬒᬑᬅᬁᬅᬄᬤᬤᬶ᭟ᬓᭀᬘᬧ᭄ᬧ᭄ᬭᬤᬦᬵᬧᬸᬭᬸᬱᬵ᭞ᬬᬦ᭄ᬭᬶᬂᬤ
ᬍᬫᬓᬃᬤ᭄ᬥᬦᬭᬾᬰ᭄ᬯᬭᬶ᭞ᬓᬤᬤᭀᬲᬦ᭄ᬧᬲᬸᬓ᭄ᬯᭂᬢᬸ᭞ᬧᬸᬦᬶᬓᬲᬗ᭄ᬓᬦ᭄ᬧᬭᬦ᭄᭞ᬬᬾᬦ᭄ᬢᬸᬗ᭄ᬕᬮᬂᬳᭀᬲᬢ᭄ᬥᬤᬶᬚ᭄ᬭᭀᬦᬶᬂᬯᬶᬦ᭄ᬤᬸ᭞ᬤᬸᬓ᭄ᬢᬦᬦᬵᬧᬭᬦ᭄᭞ᬦᭀᬭᬩᬸᬫᬶᬦᭀᬭᬮᬗᬶᬢ᭄᭟ᬰᬹᬦ᭄ᬬᬵᬢᬶ
ᬰᬹᬦ᭄ᬬᬳᬶᬗᬭᬦ᭄᭞ᬧᬭᬫᬵᬦᬶᬃᬩ᭄ᬪᬡ᭄ᬦᬢᬶᬰᬹᬡ᭄ᬬᬍᬯᬶᬄ᭞ᬳᬶᬭᬶᬓᬵᬢᬂᬭᬢ᭄ᬗᬮᬸᬯᬸᬂ᭞᭠ᬢᬦᬦᬵᬩᬬ᭄ᬯᬵᬓᬱ᭞ᬲᬹᬃᬬ᭄ᬬᬘᬡ᭄ᬥ᭄ᬭᬮᬶᬡ᭄ᬝᬂᬢᬭᬗ᭄ᬕᬡᬮᬸᬧᬸᬢ᭄᭞ᬧᬸᬦᬶᬓᬸᬧᬸᬦᬂᬲᬶᬦᬤ᭄ᬬ᭞ᬦᭀᬭ
[᭖᭗ 67A]
ᬮᬸᬧᬵᬲᬵᬭᬷᬲᬵᬭᬷ᭚᭜᭚ᬤ᭄ᬫᬸᬂ᭚ᬤ᭄ᬫᬸᬂᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬵᬢᬹᬃᬧᬗᬓ᭄ᬱᬫ᭞ᬢᬶᬢ᭄ᬬᬂᬓᬮᬶᬦ᭄ᬢᬂᬤᬸᬲᬸᬦ᭄᭞ᬲᬓᬾᬯᬦ᭄ᬢᭂᬦ᭄ᬗᬤᬸ᭞ᬓᬼᬲᭂᬕᬦ᭄ᬫᬳᬢᬹᬃᬧᬮᬶᬂ᭞ᬲᬵᬫ᭄ᬧᬸᬦ᭄ᬫᬗ᭄ᬯᬾᬭᬬᬂ᭞ᬲᬸᬗ᭄ᬓᭂᬫᬶᬦ᭄ᬳᬸᬕᬶ
ᬤᬯᬕᬸᬂ᭞ᬧᬳᭀᬲ᭄ᬭᬶᬂᬧᬫᬺᬫᬦ᭄᭞ᬳᬧᬂᬤᬵᬳᬦᬓ᭄ᬳᬸᬦᬶᬂ᭞ᬚᬯᬶᬦᬶᬂᬘᭀᬓᭀᬃᬳᬶᬤᬾᬯ᭄ᬯ᭞ᬳᬭᬸᬄᬚ᭄ᬜᬄᬢᬶᬢ᭄ᬬᬂᬤᬾᬯᬕᬸᬂ᭟ᬬᬦ᭄ᬓᬩᬳᭀᬲ᭄ᬲᬶᬧᬶᬧ᭄ᬧᬗᬼᬗ᭄ᬓᬭᬦ᭄ᬢᬶᬢ᭄ᬬᬂ᭞ᬲ᭄ᬯᬾᬘ᭄ᬙᬵᬭᬢᬸᬤᬾᬯᬵᬕᬸᬂ᭞ᬫ᭠
ᬮᬶᬄᬗᬸᬯᬄᬯᬸᬯᬸᬄ᭞ᬬᬦ᭄ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬫᬢᬼᬲᬶᬦ᭄᭞ᬫᬮᬶᬄᬧᬳᬶᬘᬬᬂ᭞ᬫᬗ᭄ᬤᬾᬢᬶᬢ᭄ᬬᬂᬳᬸᬦᬶᬂᬭᬢᬸ᭞ᬭᬶᬂᬫᬯᬱ᭄ᬝᬳᬶᬯᬂ᭞ᬫᬮᬶᬄᬢᬶᬢ᭄ᬬᬂᬗ᭄ᬯᬮᬾᬦᬶᬦ᭄᭞ᬧᬸᬗ᭄ᬓᬸᬃᬬᬾᬦ᭄ᬲᬵᬫ᭄ᬧᬸᬦ᭄ᬜᬶᬤᬬᬂ᭞ᬳᬦ᭄ᬢᬸᬓ᭄ᬢᬶ᭠
ᬢ᭄ᬬᬂᬫᬮᬶᬄᬓᬳᬢᬹᬃ᭚ᬧᬗ᭄ᬓᬸᬃ᭚ᬧᬤᬡ᭄ᬥᬳᬶᬘ᭄ᬙᬮᬶᬓᬶᬢ᭞ᬳᬶᬗ᭄ᬕᬶᬄᬲᬵᬫ᭄ᬧᬸᬦ᭄ᬭᬯᬸᬄ᭠ᬭᬶᬂᬢᬶᬢ᭄ᬬᬂᬲᬫᬶ᭞ᬢᬶᬢ᭄ᬬᬂᬲᬓᬶᬢ᭄ᬩᬲᬂᬦᬸᬚᬸ᭞ᬧᬫᬮᬶᬧᬮᬾᬬᭀᬓᬦ᭄᭞ᬭᬯᬶᬂᬤᬾᬯᬾᬓ᭄ᬢᬶ᭠
Kaca:Bali-lontar-gaguritan-maselong-ka-jembrana-350ppi.pdf/67
Kaca puniki sampun kauji-wacén
