[᭒᭗ 27B]
᭒᭗
ᬫᬸᬜᬶᬦ᭄ᬢᬸᬮᬶᬲ᭄᭞ᬩᬦ᭄ᬢᬲ᭄ᬧᬩᭂᬲᭂᬦ᭄ᬳᬩᬸᬓᬸ᭞ᬢᬸᬲᬶᬂᬧᬶᬲᬦ᭄ᬳᬤᬵᬫᬸᬜᬶᬫᬢᬸᬢᬸᬲᬦ᭄᭟ᬓᬤᬸᬂᬳ᭄ᬦᬸᬳᬶᬤᬸᬧ᭄ᬤᬶᬦᬶ᭞ᬬᬦ᭄ᬧᬢᬸᬢ᭄ᬫᬰᬶᬄᬳᭀᬃᬢ᭄ᬢᬬᬂ᭞ᬫᬗ᭄ᬤᬾᬤ᭄ᬥᬵᬲᬗᭂᬢ᭄ᬗᬤᬸᬳᬸᬂ᭞ᬓᬾᬯᬮᬵ᭠
ᬳᬧᬂᬫᬦᬯᬂ᭞ᬦᬄᬲᬸᬩᬵᬧᬦᬶᬢᬄᬯᬶᬥᬶ᭞ᬤᬤᬶᬢ᭄ᬯᬭᬵᬦᬯᬂᬳᬸᬦ᭄ᬤᬸᬓ᭄᭞ᬲᬸᬲᬸᬧ᭄ᬧᬮᬶᬂᬕᬸᬫᬶᬦᬾᬤ᭄ᬬᬵᬫ᭄ᬮᬦᬵᬕᬭᬵ᭟ᬓᬸᬮ᭄ᬓᬸᬮ᭄ᬲᬕᬾᬢᬦ᭄ᬫᬫᬸᬜᬶ᭞ᬳᬸᬬᬸᬢ᭄ᬳᬦᬓᬾᬤᬶᬯᬗᬦ᭄᭞ᬩ
ᬦᬦ᭄ᬤᬶᬗᭂᬄᬓᬸᬮ᭄ᬓᬸᬮ᭄ᬩᬸᬮᬸᬲ᭄᭞ᬫᬢᬫ᭄ᬩᬸᬦ᭄ᬳᬚᬓ᭄ᬫᬓ᭄ᬚᬂ᭞ᬓ᭄ᬦᭂᬓᬂᬓᬜ᭄ᬘᬶᬂᬓᬹᬭᬶ᭞ᬫᬭᬲᬢ᭄ᬓᬳᬶᬦ᭄ᬳᬫᬸᬓ᭄᭞ᬩᬦᬾᬫᭀᬕᭀᬮ᭄ᬫᬓ᭄ᬚᬂᬢᬦ᭄ᬧᬓᬤᬸᬢᬦ᭄᭟ᬜᬦᬦ᭄ᬳᬤᬵᬫᬗᭀᬃᬢ᭄ᬢᬳᬶ᭠
ᬦ᭄᭞ᬲᬦᬾᬗ᭄ᬮᬳᬸᬫᬄᬮᬸᬯᬲ᭄᭞ᬫᬗᭀᬃᬢ᭄ᬢᬬᬂᬳᬸᬫᬄᬧᬸᬳᬸᬦ᭄᭞ᬤᬶᬩᬮᬸᬓᭀᬘᬧ᭄ᬳᬤᬜ᭞ᬮᬳᬸᬢ᭄ᬫᭂᬤᭂᬫ᭄ᬳᬚᬓ᭄ᬱᬫᬶ᭞ᬦᭂᬕ᭄ᬢᭂᬳᬂᬓ᭄ᬦᭂᬳᬾᬩᬳᬸ᭞ᬮᬳᬤ᭄ᬓᭂᬲ᭄ᬬᬩ᭄ᬫᬗᭂᬢᭀᬃ᭠
[᭒᭘ 28A]
ᬩᬬᬸᬦᬾᬳᬶᬮᬂ᭟ᬢᭂᬕ᭄ᬢᭂᬕᬂᬓ᭄ᬦᭂᬳᬾᬩᬮᬶᬓ᭄᭞ᬧᬮᬶᬮᬵᬤᬶᬚ᭄ᬭᭀᬦᬶᬂᬰᬹᬦ᭄ᬬ᭞ᬫᬗ᭄ᬤᬾᬤᬵᬓᬢᬶᬜ᭄ᬚᭀᬢ᭄ᬩᬸᬤᬸᬄ᭞ᬳᬓᬸᬤᬵᬧᬘᬂᬢᬫ᭄ᬧᭂᬤᬂ᭞ᬲᬕᬾᬢ᭄ᬓᬸᬮ᭄ᬓᬸᬮ᭄ᬩᬸᬯᬶᬦ᭄ᬫᬫᬸᬜᬶ᭞ᬩᬬᬸ
ᬦᬾᬓᬤᬸᬗᬵᬳᬸᬳᬸᬕ᭄ᬓᭀᬘᬧ᭄ᬳᬦᬓ᭄ᬫᬰ᭄ᬭᬤᬸᬫᬗ᭄ᬫᬶᬢ᭄ᬫᬃᬕ᭄ᬕᬵ᭟ᬫᬋᬧᬸᬍᬲ᭄ᬤᬤᬶᬗᬶᬧᬶ᭞ᬚᬸᬫᬄᬧᬶᬦ᭄ᬤᬵᬗᬦ᭄ᬢ᭄ᬬᬂᬮᬸᬯᬲ᭄᭞ᬓᬋᬦᬦ᭄ᬲᬸᬩᬫᬢᬫ᭄ᬩᬸᬦ᭄᭞ᬦᬾᬧᬘᬂᬫᬋᬗᬶᬦ᭄ᬮᬸᬯᬲ᭄᭞ᬳᭀ
ᬤᬮᬦ᭄ᬱᬶᬦ᭄ᬤᬵᬤᬶᬩᬸᬓᬶᬢ᭄᭞ᬧᬤᬡ᭄ᬥᬦᬾᬮᬶᬬᬸᬭᬳᬸᬄ᭞ᬲᬦᬾ᭞ᬳᬸᬮᬵᬳᬚᬓ᭄ᬱᬳᬶᬮᬸᬯᬲ᭄᭟ᬤᬶᬕ᭄ᬥᭀᬂᬘᬺᬫᬶᬫᬮᬶᬗ᭄ᬕᬶᬄ᭞ᬧᬶᬡ᭄ᬥᬜᬳ᭄ᬦᬸᬫᬲᬸᬯᬄ᭞ᬤᬶᬲ᭄ᬦᭂᬢᬦ᭄ᬳᬚᬓ᭄ᬮᬶᬬᬸ᭞ᬯᬢᭂᬓ᭄ᬱᬦᬾ᭠
ᬩᬚᬂᬩᬚᬂ᭞ᬩ᭄ᬭᬳ᭄ᬫᬵᬡᬮᬾᬦ᭄ᬧᬭᬵᬕᬸᬲ᭄ᬢᬶ᭞ᬳᭂᬩᭀᬦᬾᬫᬶᬳᬶᬓ᭄ᬫᬓ᭄ᬤᬸᬲ᭄᭞ᬲᬕᬾᬢ᭄ᬭ᭠ᬯᬸᬄᬧᬤᬡ᭄ᬥᬓᭀᬘᬧ᭄ᬗᬾᬗ᭄ᬕᬮᬂ᭟ᬳᬾᬗ᭄ᬕᬮᬦ᭄ᬮᬯᬸᬢ᭄ᬗᭂᬤᬸᬲᬶᬦ᭄᭞ᬳᬶᬧᬶᬬᬦᬾᬢᭀᬦ᭄ᬤᬾᬦ᭄ᬧ᭄ᬭᬕ᭠
Kaca:Bali-lontar-gaguritan-maselong-ka-jembrana-350ppi.pdf/28
Kaca puniki sampun kauji-wacén
