[᭒᭖ 26B]
᭒᭖
᭟ᬢᬶᬳᬗ᭄ᬕᭀᬦ᭄ᬓ᭄ᬦᭂᬳᬦ᭄ᬲᬳᬶ᭞ᬳᬸᬢᬗᬾᬢ᭄ᬓᬾᬦ᭄ᬓᬯᬶᬢᬦ᭄᭞ᬢᭀᬂᬲᬶᬤ᭄ᬥᬩᬳᬦ᭄ᬫᬦᬳᬸᬃ᭞ᬩᬦᬾᬦᭀᬗᭀᬲ᭄ᬲᬶᬂᬲᬶᬂᬚᬮᬦ᭄᭞ᬤᬶᬚᬫ᭄ᬩᬭᬦᬵᬫᬗᭂᬫ᭄ᬧᬶ᭞ᬬᬾᬦ᭄ᬳ᭠
ᬓᬸᬤᬂᬩᬸᬮᬦ᭄ᬢᬸᬢᬸᬕ᭄᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬓᭂᬦᭂᬄᬲᬳᬶᬤᬶᬤᬸᬦᬸᬗᬦ᭄᭟ᬳᬫ᭄ᬩᬸ᭠ᬮ᭄ᬫᬗ᭄ᬮᬶᬬᬢᬶᬦ᭄ᬓᭀᬧᬶᬂ᭞ᬗᬦ᭄ᬢᬶᬓᬨᬮᬾᬫᬜᬸᬯᬂ᭞ᬦᬸᬮᬓᬂᬓᬵᬫ᭄ᬮᬦᬵᬕᬦ᭄ᬢᬸᬦ᭄᭞ᬩᬦᬾᬍᬩᬶᬄ
ᬢ᭄ᬮᬸᬩᬸᬮᬦ᭄᭞ᬫᬰᬶᬄᬢᭀᬦ᭄ᬤᬾᬦ᭄ᬓᬭ᭄ᬯᬦ᭄ᬫᬸᬮᬶᬄ᭞ᬓ᭄ᬦᭂᬳᬾᬲᬸᬫᬶᬗ᭄ᬓᬶᬦ᭄ᬳᬶᬗᬹᬄ᭞ᬩᬸᬓᬵᬤᬸᬤᬸᬢ᭄ᬫᬓ᭄ᬚᬂᬗ᭄ᬕᬯᬾᬤᬹᬄᬓᬶᬢ᭄ᬣᬵ᭟ᬩᬦᬾᬧᬗᬦ᭄ᬤᬶᬓᬗᬸᬲ᭄ᬢᬶ᭞ᬳᬶᬤᬵᬫᬭᬕᬓᬯᬶᬢᬦ᭄᭞ᬩ᭄ᬯᬶᬦ᭄ᬲᬸ
ᬩᬵᬯ᭄ᬓᬲᬶᬂᬧᬸᬢᬸᬲ᭄᭞ᬗᬦ᭄ᬤᬶᬓᬬᬂᬳᬾᬗ᭄ᬕᬮ᭄ᬢᬸᬮᬓ᭄᭞ᬢ᭄ᬯᬄᬳᬓᬸᬢᬸᬲ᭄ᬤᬶᬦᬵᬫᬸᬮᬶᬄ᭞ᬤᬮᬶᬬᬸᬫᬗᬩᬵᬲᬗᬹ᭞ᬩᬦ᭄ᬢᬲᬫᬲᬵᬜᬦ᭄ᬤᬂᬫᬗᬩᬵᬲ᭄ᬮᬓᬵ᭟ᬓ᭄ᬭᬡ᭄ᬦᬲᬶᬂᬧᬶᬲᬦ᭄ᬗᬶᬢᬸᬗᬶᬦ᭄
[᭒᭗ 27A]
ᬕ᭄ᬮᬄᬮᬶᬬᬸᬫᬩ᭄ᬭᬭᬓᬦ᭄᭞ᬲᬄᬳᬮᬵᬩᬦ᭄ᬢᬲ᭄ᬢ᭄ᬮᬸᬂᬬᬸ᭞ᬲᬶᬓᬸᬢ᭄ᬳᬤᬵᬗ᭄ᬮᬄᬚᬸᬫᬄ᭞ᬢᭀᬂᬗ᭄ᬮᬶᬯᬢ᭄ᬓᬭᬂᬫᬜᬶᬮᬶᬄ᭞ᬮᬾᬦ᭄ᬲᬸᬳᬸᬤ᭄ᬗᬶᬩᬸᬓᬗ᭄ᬢᬫ᭄ᬬᬸ᭞ᬓᬵᬃᬬ᭄ᬬᬦ᭄ᬳᬶᬤᬵᬳᬶᬩᬧᬵᬫᬦ᭄ᬤᬾᬯᬵᬳᬬ
ᬚ᭄ᬜᬵ᭟ᬢᭀᬦ᭄ᬤᬾᬦ᭄ᬲᬸᬳᬸᬤ᭄ᬗᬍᬫᭂᬓᬶᬦ᭄᭞ᬤᬤᬶᬗ᭄ᬫᬲᬶᬦ᭄ᬫᬓᬸᬢᬂ᭞ᬧᬭᬩᭀᬢ᭄ᬫᬓ᭄ᬚᬂᬧᭂᬲᬸ᭞ᬩᭀᬓᭀᬃᬲ᭄ᬮᬓᬵᬫᬵᬲ᭄ᬫᬲᬄᬲᬄ᭞ᬳᬚᬶᬓᬸᬤᬬᬾᬦ᭄ᬳᬶᬢᬸᬗᬶᬦ᭄᭞ᬧ᭄ᬤᬲ᭄ᬓᬩᬭᬲᬢ᭄ᬮᬶᬬᬸ᭞ᬩᬦᬾ᭠
ᬮᬫ᭄ᬫᬓᬮᬳᬶᬦ᭄ᬳᭂᬜᬾᬦ᭄ᬦᬫ᭄ᬧᭂᬤᬂ᭟ᬩᬸᬫᬭᬦᬾᬢ᭄ᬓᭂᬤ᭄ᬤᬶᬦᬶ᭞ᬳᬶᬤᬵᬳᬶᬩᬧᬵᬗᬦ᭄ᬤᬶᬓᬵ᭞ᬳᬶᬩᭂᬦ᭄ᬢᭂᬂᬫᬗᬶᬚᭂᬂᬤᬶᬢᬸ᭞ᬧᬶᬲ᭄ᬓᭂᬦᬶᬦ᭄ᬳᬶᬘᬂᬚᬸᬫᬄ᭞ᬳᬶᬩᭂᬦ᭄ᬢᭂᬂᬋᬓᬾᬧᬧᬰᬶᬄ᭞ᬧᬗ᭄ᬓᬸᬲᬦᬾᬦᬾ
ᬓᬯᬸᬯᬸᬲ᭄᭞ᬩᬕᬸᬲ᭄ᬓᬭᬂᬚᬸᬭᬸᬭᬳᭀᬲ᭄ᬤᬶᬦᬵᬕᬭᬵ᭟ᬦᬾᬳᬤᬵᬓᭂᬩᬶᬭᬦ᭄ᬳᬗᬶᬦ᭄᭞ᬲᬮᬓᬦᬾᬮᬶᬬᬸᬳᬶᬮᬂ᭞ᬧᬶᬧᬶᬲ᭄ᬤᬶᬕ᭄ᬭᭀᬩᬕᬾᬧ᭄ᬲᬸ᭞ᬲᬶᬂᬳᬤᬵᬳᬦᬓ᭄ᬗᭀᬃᬢ᭄ᬢᬬᬂ᭞ᬓᬮᬶᬂᬳᬤ
Kaca:Bali-lontar-gaguritan-maselong-ka-jembrana-350ppi.pdf/27
Kaca puniki sampun kauji-wacén
