[᭑᭓᭘ 138B]
᭑᭓᭘
ᬫᬸᬭᬸᬩ᭄᭞ᬘᬾᬦᬂᬜᬦᬾᬫᬩ᭄ᬗᬤ᭄᭞ᬮᬶᬓᬶᬂᬧᬓᬹᬫᬚᬚᬯᬦ᭄ᬳᬮᬶᬫ᭄ᬳᬮᬸᬲ᭄᭞ᬫᬳᭀᬭᬗ᭄ᬓᬩᬩᬜ᭄ᬘᬶᬳᬦ᭄᭞ᬤᬦ᭄ᬤᬵᬢᬶᬕᬧᭀᬦᬾᬗᭂᬦ᭄ᬤᬶᬄ᭟ᬓᬓᬦ᭄ᬤᭂᬮᬦ᭄ᬫᬵᬲ᭄ᬩᬸᬮᬾᬮᬫ᭄᭞ᬕᬜ᭄ᬘᬘᭂᬧᬶᬂᬧᭂ
ᬯᬃᬜᬦᬾᬦᬶᬭᬸᬓ᭄ᬢᬶ᭞ᬫᬲᭀᬘᬵᬫᬶᬭᬄᬫᬘᬳᬸᬓ᭄᭞ᬳᭂᬩᭀᬫᬶᬬᬶᬓ᭄ᬫᬶᬬᬸᬭᬦ᭄᭞ᬭᬵᬕᬋᬫ᭄ᬧᬶᬳᬦᬹᬢ᭄ᬚᬭᬶᬚᬶᬦᬾᬭᬸᬭᬸᬲ᭄᭞ᬓᬸᬓᬸᬦᬾᬧᬸᬢᬶᬄᬗᬭᬢᬓ᭄᭞ᬧᬫᬸᬮᬸᬫᬜᬦ᭄ᬤᬢ᭄ᬕᬤᬶᬂ᭟ᬢ
ᬫ᭄ᬬᬸᬦᬾᬲᬵᬫ᭄ᬧᬸᬦ᭄ᬫᬸᬗ᭄ᬕᬳᬦ᭄᭞ᬭᬶᬂᬩᬮᬾᬦᬾᬫᬩᬄᬳᬩᬄᬫᬮᬶᬗ᭄ᬕᬶᬄ᭞ᬗᬋᬧᬶᬦ᭄ᬩᭀᬚᬦᬵᬲᬵᬫ᭄ᬧᬸᬦ᭄᭞ᬯᬶᬚᬶᬲᭀᬯᬂᬲᬫ᭄ᬬᬦ᭄᭞ᬳᬶᬤᬵᬧᬸᬢᬸᬦᬫ᭄ᬧᬵᬩᭀᬢᭀᬮ᭄ᬕ᭄ᬥᬄᬧᬳᬸᬢ᭄᭞
ᬫᬤᬕᬶᬂᬳᬶᬦᬹᬫᬶᬦᬸᬫᬦ᭄᭞ᬫᬧᬚᬵᭂᬢᬸᬫᬦ᭄ᬤᬂᬫᬦ᭄ᬢ᭄ᬭᬶ᭟ᬲᬋᬂᬳᬶᬤᬵᬓ᭄ᬢᬸᬢ᭄ᬤᬶᬓ᭄ᬱᬵ᭞ᬫᬩᬭᬗᬦ᭄ᬫᬦᬫ᭄ᬧᬵᬕ᭄ᬥᬄᬧᬸᬢᬶᬄ᭞ᬧᬧᬭᬲᬦᬾᬫᬍᬘᬸᬢ᭄᭞ᬕᬶᬕᬶᬦᬾᬧᬸᬢᬶᬄᬜᬮᬂ᭞ᬯᬃᬡ᭄ᬦᬩᬕᬸᬲ᭄᭠
[᭑᭓᭙ 139A]
ᬫᬲᬧᬸᬢ᭄ᬕᬭᬶᬫ᭄ᬲᬢᬫ᭄ᬩᬸᬮ᭄᭞ᬫᬳᬸᬫ᭄ᬧᬮ᭄ᬲᬸᬢᬺᬱᬮ᭄ᬱᬫᬃ᭞ᬓᬸᬮᬫ᭄ᬩᬶᬧᬸᬢᬶᬄᬫᬲ᭄ᬮᬶᬫ᭄᭟᭠ᬫᬳᬸᬤᭂᬂᬩᬢᬶᬓ᭄ᬱᬯᬶᬢᬦ᭄᭞ᬫᬘᬘᬸᬦ᭄ᬤᬸᬓ᭄ᬩᬸᬗᬵᬥᬸᬳᬓᬢᬶᬄ᭞ᬧᬧᭂᬲᭀᬦᬾᬮᬕᭂᬲ᭄ᬋᬫ᭄ᬧᬸᬄᬕ᭄ᬢᬃᬲ
ᬋᬂᬗᬾᬜ᭄ᬘᬓᬂ᭞ᬫᬗᬬᬳᬶᬦ᭄ᬢᬫ᭄ᬬᬸᬦᬾᬫᬮᬶᬗ᭄ᬕᬶᬄᬮᬶᬬᬸ᭞ᬗᬢᬸᬭᬂᬳᬶᬦᬸᬫᬶᬦᬸᬫᬦ᭄ᬧᬘᬩᬾᬃᬩᬾᬃᬫᬓᬵᬓᬯᬶᬦ᭄᭚᭜᭚ᬤᬹᬃᬫ᭄ᬫᬵ᭚ᬓᬲᬳᬸᬭᬦ᭄ᬳᬦ᭄ᬢᬸᬓ᭄ᬳᬶᬤᬵᬦᬾᬗᬚ᭄ᬗᬂ᭞ᬲᬯᬶᬬᬦ᭄ᬫ᭠
ᬓᬓᬯᬶᬦ᭄᭞ᬧᬥᬯᬶᬚᬶᬲ᭄ᬯᬂ᭞ᬫᬲ᭄ᬯᬂᬭᬫᬬᬡᬵ᭞ᬩᭀᬫᬳᬤᬵᬫᬦᬶᬫ᭄ᬩᬮᬶᬦ᭄᭞ᬲ᭄ᬫᬭᬵᬤ᭠ᬳᬦᬵᬍᬍᬄᬗᭂᬜᬸᬤᬂᬳᬢᬶ᭟ᬮᬾᬦ᭄ᬢᭀᬳᬤᬵᬫᬘ᭄ᬩᬾᬃᬫᬸᬜᬶᬦᬾᬫ᭄ᬮᬄ᭞ᬕ᭄ᬢᬃᬩᬦ᭄ᬩᬦ᭄ᬫᬗᬢᬶᬄ᭞ᬗ᭄ᬭᬫ᭄ᬩᬂ᭠
ᬩ᭄ᬭᬢᬵᬬᬸᬤ᭄ᬥᬵ᭞ᬧᬶᬭᬫᬵᬲ᭄ᬮᬕ᭄ᬥᬭ᭞ᬳᬤᬵᬫᬦᭂᬫ᭄ᬩᬸᬗᬶᬦ᭄ᬫᬮᬶᬄ᭞ᬳᬜᬂᬦᬶᬭᬵᬃᬢ᭄ᬣ᭞ᬫᬸᬜᬶ᭠ᬗᬾᬰᬶᬄᬳᬰᬶᬄ᭟ᬲᬸᬢᬵᬲᭀᬫᬵᬓᬢᬶᬫ᭄ᬩᬮ᭄ᬩᬳᬦ᭄ᬯᬶᬯᬳᬵ᭞ᬳᬤᬵᬩᬸᬯᬶᬦ᭄ᬜᬯᬸᬢᬶᬦ᭄᭞ᬲᬸᬫᬦᬲᬦ᭄ᬢᬓ
Kaca:Bali-lontar-gaguritan-maselong-ka-jembrana-350ppi.pdf/139
Kaca puniki sampun kauji-wacén
