[᭑᭓᭗ 137B]
᭑᭓᭗
ᬮᬸᬳᬸᬂ᭞ᬫᬢ᭄ᬕᭂᬦ᭄ᬢ᭄ᬯᬄᬳᬚᬦ᭄ᬤᬤ᭄ᬯ᭞ᬤᬬᬸᬲᬶᬬᬂᬤᬬᬸᬭᬢᬶᬄ᭟ᬳᬦᬹᬢ᭄ᬧᬢᬸᬄᬫᬩᬭᬗᬦ᭄᭞ᬢᬹᬃᬫᬧᬚᬵᭂᬂᬩᬭᬓ᭄ᬢᬸᬫᬦ᭄ᬤᬂᬫᬦ᭄ᬢ᭄ᬭᬶ᭞ᬕᬕᬫ᭄ᬮᬦᬾᬫᬢᬩᬸᬄ᭞ᬮᬾᬦ᭄ᬫᬸᬜᬶᬦ᭄ᬓᬢᬶᬓᬸᬲᬦ᭄᭞ᬭᬫ᭄ᬬᬵ
ᬯᬺᬕ᭄ᬢᬫ᭄ᬬᬸᬦᬾᬫᬤᬸᬮᬸᬃᬤᬸᬮᬸᬃ᭞ᬗᬶᬭᬶᬂᬳᬶᬤᬵᬬᬸᬓᬧᬲᬃ᭞ᬤᬶᬕ᭄ᬭᬶᬬᬵᬩ᭄ᬯᬶᬦ᭄ᬩᬮᬶᬓᬶᬦ᭄᭟ᬧᬤᬡ᭄ᬥᬳᬕᬸᬂᬫᬲᬶᬭᬫ᭄᭞ᬲᬵᬫ᭄ᬧᬸᬦ᭄ᬫᬶᬬᬲ᭄ᬫᬯᬢ᭄ᬭᬵᬧ᭄ᬝᬓ᭄ᬳᬮᬶ᭞ᬓᬫ᭄ᬧᬸᬄᬓᬱᬵᬚ᭄ᬯᬶ
ᬢᬵᬳᬮᬸᬲ᭄᭞ᬲ᭄ᬯᬪᬯᬵᬦᬾᬦᬶᬃᬫ᭄ᬫᬮᬵ᭞ᬓᬤᬶᬢᬯᬂᬫᬮᬶᬮᬂᬢᬦ᭄ᬧᬢᬮᬸᬢᬸᬄ᭞ᬳᬸᬲ᭄ᬫᬶ᭠ᬬᬲ᭄ᬫᬸᬗ᭄ᬕᬄᬫᬯᬾᬤ᭄ᬥᬵ᭞ᬲᬋᬂᬭᬶᬂᬧᬤᬡ᭄ᬥᬳᬶᬲ᭄ᬢ᭄ᬭᬶ᭟ᬫᬗᬾᬓᬵᬭᬶᬂᬧ᭄ᬭᬡᬬᬫᬵ᭞ᬧᬥ᭄ᬫᬵᬫᬸᬤᬺᬫᬲᬵᬭᬶ
ᬯᬶᬦ᭄ᬤᬸᬳᬕ᭄ᬦᬶ᭞ᬗᬍᬩᬹᬃᬲᭀᬭᭀᬄᬦᬾᬍᬢᬸᬄ᭞ᬧᬧᬵᬓ᭄ᬮᬾᬰᬦᬾᬓᬦ᭄ᬢᬲ᭄᭞ᬕ᭄ᬲᭂᬂ᭠ᬳᬜᬸᬤ᭄ᬓᬤᬕ᭄ᬤᬶᬭᬶᬂᬚ᭄ᬭᭀᬦᬶᬂᬢᬦᬸ᭞ᬳᬦᬹᬢ᭄ᬲ᭄ᬯᬪᬵᬯ᭄ᬯᬫᬮᬶᬮᬂ᭞ᬫᬘᬬᬵᬯ᭄ᬢᬸᬓᬧᬶᬗ᭄ᬕᬶᬃ᭟ᬦᬄᬳ᭠
[᭑᭓᭘ 138A]
ᬓᬾᬢᭀᬘᬭᬶᬢ᭄ᬣᬬᬂ᭞ᬲᬕᬾᬢ᭄ᬭᬯᬸᬄᬧᬥᬳᬶᬤᬵᬬᬸᬲᬫᬶ᭞ᬲᬓᬶᬂᬫᬧᬧᬲᬃᬓᬸᬫ᭄ᬧᬸᬮ᭄᭞ᬫᬮᬶᬄᬳᬶᬤᬵᬫᬧᬬᬲ᭄᭞ᬗᬶᬂᬲᬫ᭄ᬩ᭄ᬭᬦᬵᬯᬶᬭᬾᬄᬲᬫᬶᬚᬕᬩ᭄ᬮᬸᬲ᭄᭞ᬫᬤᬸᬤᬸᬲ᭄ᬭᬭᬶᬲ᭄ᬫᬲᬶᬭᬫ᭄᭞ᬳ
ᬦ᭄ᬢᬸᬓ᭄ᬧᬮᬸᬓᬢᬦ᭄ᬲᬫᬶ᭟ᬮᬶᬗ᭄ᬕᬶᬳᬾᬲᬵᬫ᭄ᬧᬸᬦ᭄ᬫᬤᬩ᭄ᬤᬩ᭄᭞ᬳᬶᬤᬵᬧᬸᬢᬸᬫᬫ᭄ᬩᬮ᭄᭠ᬗᬾᬦ᭄ᬢᭂᬭᬂᬳᬲᬶᬦ᭄᭞ᬫᬧᬬᬲ᭄ᬯᬃᬡ᭄ᬦᬦᬾᬩᬕᬸᬲ᭄᭞ᬩᬸᬫᬭᬵᬓᬸᬫᬵᬫᬶᬭᬂ᭞ᬫᬩᬍᬗ᭄ᬓᭂᬃᬳ᭄ᬫᬵᬰ᭄ᬘᬘᬸᬡ᭄ᬥᬸ
ᬓᬾᬧᬳᬸᬢ᭄᭞ᬓᬘᬶᬢ᭄ᬢᬳ᭄ᬫᬲ᭄ᬳᬘᬭᬂ᭞ᬗᬭᬾᬤᬾᬧ᭄ᬲᬸᬳᬸᬤ᭄ᬫᬲᬗ᭄ᬮᬶᬂ᭟ᬫᬓᬫ᭄ᬩᭂᬦ᭄ᬕᬕᬸᬮᬸᬂᬕᬤᬂ᭞ᬫᬩᬩᬲᬓ᭄ᬩᬢᬶᬓ᭄ᬋᬫ᭄ᬩᬗᬾᬓᬸᬦᬶᬂ᭞ᬫᬲᬧᬸᬢ᭄ᬕᬕᬸᬮᬸᬂᬤᬤᬸ᭞ᬫᬧ᭄ᬭᬬᬵᬫᬗ᭄ᬭᬜᬩ᭄᭞᭠
ᬢᬗ᭄ᬕᬸᬦ᭄ᬜᬦᬾᬕᬕᬸᬮᬸᬂᬕᬤᬂᬫᬧᬳᬸᬢ᭄᭞ᬳᬸᬫ᭄ᬧᬮᬾᬲᬸᬢᬺᬫᬭᬾᬦ᭄ᬤᬄ᭞ᬫᬩᬸᬗ᭄ᬓᬸᬂᬳᬶ᭠ᬦ᭄ᬢᭂᬦ᭄ᬤᬶᬓᬘᬶᬂ᭟ᬲᬲᬼᬢᬾᬳᬚᬶᬬᬸᬢᬵ᭞ᬳᬲᬶᬦ᭄ᬧᬳᬸᬢ᭄ᬫᬤᬗᬦᬦ᭄ᬕᬭᬦ᭄ᬢᬶᬫ᭄᭞ᬲ᭄ᬮᬸᬢ᭄ᬫᬬᭂᬂᬳᭂᬦ᭄ᬤᬶᬄ᭠
Kaca:Bali-lontar-gaguritan-maselong-ka-jembrana-350ppi.pdf/138
Kaca puniki sampun kauji-wacén
