[᭗᭙ 79B]
᭗᭙
ᬲᬫ᭄ᬧᬸᬦ᭄ᬲᬧᬸᬦᬶᬓ᭞ᬢᬦ᭄ᬜᬦ᭄ᬤᬂᬲᬗ᭄ᬲᬬᬾᬂᬳᬢᬶ᭞ᬤᬶᬚᬤᬶᬚᬯᬘᬳᬾᬮᬄ᭞ᬤᬶᬦᬶᬤᬶᬢᬸᬲᬶᬦᬄᬧᬢᬸᬄ᭞ᬬᬦ᭄ᬳᬶᬭᬶᬓᬶᬓᬦ᭄ᬢᬸᬦ᭄ᬮᬶᬓᬤ᭄
᭞ᬧᬢᬶᬓᭂᬮᬶᬤ᭄᭞ᬳᬶᬭᬶᬓᬲᬶᬦᬄᬢᬦ᭄ᬳᬾᬮᬄ᭟ᬳᬶᬦ᭄ᬤᬬᬂᬚᬯᬲ᭄ᬧᬤᬬᬂ᭞ᬩᭀᬬᬢᬶᬢ᭄ᬬᬂᬲᬓᬾᬂᬫᬸᬚᬶ᭞ᬤᬶᬓᬗᬮᬶᬄᬲᬭᬶᬦ᭄ᬫᭂᬮᬄ᭞ᬮ᭄ᬯᬶᬳ
ᬦ᭄ᬭᬶᬂᬢᬶᬢ᭄ᬬᬂᬭᬢᬸ᭞ᬓᬮᬶᬗ᭄ᬓᬾᬫᭀᬓ᭄ᬱᬪ᭄ᬯᬦ᭞ᬚᬕᬢ᭄ᬲᭂᬧᬶ᭞ᬘᬧᬸᬄᬦᬾᬧᬶᬮᬶᬄᬢᬦ᭄ᬳᬤ᭟ᬢ᭄ᬮᬕᬮᬦ᭄ᬢᬸᬜ᭄ᬚᬸᬂᬩᬸᬗᬄ᭞ᬳᬗ᭄ᬓᭂᬧᬂᬭᬶᬂᬲᬂᬳ᭄ᬬᬂᬰᬰᬶᬄ
᭞ᬦᬾᬫᬸᬮᬓᬲᬸᬩᬂᬚᬕᬢ᭄᭞ᬤᭀᬄᬤᬶᬸᬜᬶᬤᬬᬂᬫᬩᬦ᭄ᬤᬸᬂ᭞ᬭᬶᬂᬫᬸᬓᬦ᭄ᬢᬶᬢ᭄ᬬᬗᬾᬜᬫ᭄ᬧ᭄ᬯᬄ᭞ᬦᬾᬗᬸᬗ᭄ᬓᬸᬮᬶᬦ᭄᭞ᬯᬢᭂᬓ᭄ᬚᭂᬕᬾᬕᬾᬲᬫ᭄ᬬ
[᭘᭐ 80A]
ᬦ᭄᭟ᬩᬸᬦ᭄ᬕᬤᬸᬗᬾᬳᬗ᭄ᬓᭂᬧᬂ᭞ᬭᬶᬗ᭄ᬳᬶᬧᬸᬦ᭄ᬳᬶᬩᬸᬦ᭄ᬢᬦ᭄ᬧᬯᬶᬢ᭄᭞ᬫᬮᬶᬄᬧᬶᬮᬶᬄᬦᬾᬮ᭄ᬬᬸᬦᬦ᭄᭞ᬩᬤ᭄ᬤᬶᬂᬭᬶᬂᬫᬤ᭄ᬬᬦᬾᬍᬫᬸᬄ᭞ᬫᬶᬦᬶᬸᬗ᭄ᬓᬶᬦ᭄ᬓᬮᬗ᭄ᬮᬾᬲᬶ
ᬦ᭄ᬲᬶᬜ᭄ᬚᬂ᭞ᬩᭀᬬᬦᬸᬕᬶ᭞ᬫᬯᬢᭂᬓ᭄ᬳᭂᬩᬸᬦᬾᬫ᭄ᬦᬂ᭞ᬭᬸᬩᬸᬄᬬᬢᬶᬕᬸᬦᬸᬂᬲ᭄ᬓᬃ᭞ᬋᬫᬸᬓ᭄ᬳᬳᬲ᭄ᬢᬦ᭄ᬧᬲᬶᬸᬲᬭᬶ᭞ᬬᬦ᭄ᬳᬶᬧᬸᬦ᭄ᬧᬸᬭᬸᬦ᭄ᬫᬧᬧᬲ᭄᭞ᬭᬶᬂ
ᬢᬶᬢ᭄ᬬᬂᬦᬾᬜᬶᬲᬬᬂᬳᬭᬸᬫ᭄᭞ᬳᬶᬜᬸᬄᬤᬦ᭄ᬢᬓᬦ᭄ᬜᬸᬄᬩᬸᬮᬦ᭄ᬲ᭄ᬤᬶᬄ᭞ᬗᬶᬮ᭄ᬗᬶᬮ᭄᭞ᬬᬦ᭄ᬗᬢᭀᬦᬂᬲᬸᬲᬸᬦ᭄ᬢᬶᬢ᭄ᬬᬂ᭟ᬕᬸᬦᬸᬂᬮᬗᬶᬢ᭄ᬮᬦ᭄ᬲᭂ
ᬕᬭ᭞ᬲ᭄ᬮᬶᬓ᭄ᬱᬶᬓ᭄ᬤᬕᬶᬂᬜᬲᬫᬶ᭞ᬲ᭄ᬮᬶᬓ᭄ᬳᬦᬾᬦᬸᬤᬸᬢ᭄ᬫᬦᬄ᭞ᬳᬕᭂᬢ᭄ᬬᬦ᭄ᬲᬧᬶᬄᬓᬧᬗ᭄ᬕᬸᬄ᭞ᬬᬾᬦᬶᬂᬫᬫᬭᬸᬂᬭᬶᬂᬢᬶᬢ᭄ᬬᬂ᭞ᬜᬼᬤᬾ
Kaca:Bali-lontar-gaguritan-lokika-02-450ppi.pdf/80
Kaca puniki sampun kauji-wacén
