Kaca:Bali-lontar-gaguritan-lokika-02-450ppi.pdf/79

Saking Wikisource
Kaca puniki sampun kauji-wacén

[᭗᭘ 78B]
᭗᭘
ᬲ᭞ᬳᬕᬸᬂᬧᬫᬶᬤᬦ᭄ᬤᬦ᭄ᬳᬶᬧᬸᬦ᭄᭞ᬓᬮᬶᬄᬬᬦ᭄ᬲᬦ᭄ᬢᬸᬦ᭄ᬧ᭄ᬕᬢ᭄᭞ᬲᬓ᭄ᬱᬢ᭄ᬗᬃᬤ᭄ᬤᬶ᭞ᬪᬸᬯᬦᬦᬾᬫᬗ᭄ᬤᬲᬸᬦ᭄ᬬ᭟ᬓᬮᬶᬄᬬᬦ᭄ᬧᬶᬦᭂᬄ
ᬧᬜ᭄ᬚᬗᬂ᭞ᬲᬂᬫ᭄ᬭᬶᬄᬮ᭄ᬧᬲᬶᬂᬤᬤᬶ᭞ᬭᬶᬂᬲᬂᬯᬮ᭄ᬯᬶᬬᬾᬂᬚᬦ᭄ᬫ᭞ᬧᬢᭂᬄᬓᬳᬸᬢᬫᬦ᭄ᬳᬶᬧᬸᬦ᭄᭞ᬳᬧᬦ᭄ᬥᬃᬫ᭄ᬫᬮᬯᬦ᭄‌ᬫᭀᬓ᭄ᬱ᭞ᬲ
ᬓ᭄ᬱᬢ᭄ᬢᬸᬗ᭄ᬕᬶᬮ᭄᭞ᬦᬾᬗᬯᬓᬶᬦ᭄ᬚᬢᬶᬢᬸᬗ᭄ᬕᬮ᭄᭟ᬲᬶᬭᬦᬾᬫᬸᬗ᭄ᬕᬸᬄᬭᬶᬂᬫᭀᬓ᭄ᬱ᭞ᬲᬧᬲᬶᬭᬦᬾᬳᬶᬭᬶᬓᬶ᭞ᬧᬸᬦᬶᬓᬭᬢᬸᬳᬾ
ᬮᬶᬗᬂ᭞ᬫᬲᬢᬦ᭄ᬫᬦ᭄ᬢᬸᬓ᭄ᬭᬶᬂᬓᬳ᭄ᬬᬸᬦ᭄᭞ᬳᬧᬦ᭄ᬧᬤᬦ᭄ᬤᬫᬗᭀᬤᬕ᭄᭞ᬢᬢ᭄ᬯᬲᬫᬶ᭞ᬗᬸᬤ᭄ᬬᬂᬳᬶᬚᬸᬗᬮᬶᬄᬫᭀᬓ᭄ᬱ᭟ᬳᬶ
[᭗᭙ 79A]
ᬭᬶᬓᬶᬤᬸᬫᬸᬦ᭄ᬚᬢ᭄ᬬᬂ᭞ᬭᬶᬂᬫᬸᬓᬦᬶᬂᬳᬶᬲ᭄ᬢ᭄ᬭᬶᬮ᭄ᬯᬶᬄ᭞ᬭᬶᬂᬳᬤᭂᬕᬾᬮᬗ᭄ᬲᬶᬂᬮᬜ᭄ᬚᬃ᭞ᬭᬶᬂᬲᬸᬲᬸᬦᬾᬓ᭄ᬢᭂᬤ᭄ᬳᬮᬸᬲ᭄᭞ᬲ᭄ᬓᬃᬢᭂᬍᬗᬾᬢᬶᬸᬩᬸᬓ᭄ᬢ᭄ᬬᬂ᭞ᬦᬾᬓ
ᬧᬶᬗᬶᬢ᭄᭞ᬳᬸᬗ᭄ᬕ᭄ᬯᬦᬶᬂᬭᬲᬳᬸᬢ᭟ᬤᬶᬢᬸᬫᬦᬶᬗ᭄ᬮᬲᬂᬭᬕ᭞ᬯᬶᬓᬦ᭄ᬗᬫ᭄ᬩᬶᬮ᭄ᬫᬗ᭄ᬮᬾᬩᬶᬦ᭄᭞ᬫᬗ᭄ᬤᬧᬢᭂᬄᬲᬫᬶᬳᬾᬮᬄ᭞ᬲᬳᬶᬕᬮᬶᬃᬢ᭄ᬯᬭᬲ
ᬦ᭄ᬢᬸᬮ᭄᭞ᬯᬶᬓᬦ᭄ᬫᬗᬸᬦᬤᬶᬓᬬᬂ᭞ᬚᬦ᭄ᬢᭀᬲ᭄ᬧᬗ᭄ᬕᬶᬄ᭞ᬳᬾᬮᬄᬳᬚ᭄ᬭᭀᬦᬶᬂᬮᬶᬓᬤ᭄᭟ᬬᬦ᭄ᬳᬾᬮᬄᬯᬸᬲ᭄ᬓᭂᬦ᭄ᬬᬂ᭞ᬳᬶᬭᬶᬓᬚ᭄ᬭᭀᬦᬶᬂᬳᬸᬭᬶᬧ᭄᭞ᬲᬸ
ᬚᬢᬶᬢ᭄ᬓᭂᬓ᭄ᬢᬦ᭄ᬳᭀᬩᬄ᭞ᬓᬤᬶᬕᬸᬦᬸᬂᬫᬦᬶᬓ᭄ᬓᬸᬓᬸᬄ᭞ᬧᬢᬶᬳᬸᬭᬶᬧ᭄ᬤᬸᬄᬓᬲᬸᬓ᭞ᬲᬓ᭄ᬱᬢ᭄ᬳᬗᬶᬦ᭄᭞ᬳᬤᭀᬄᬜᬶᬤᬬᬂᬗ᭄ᬚᭀᬭᬂ᭟ᬬᬾᬦᬶᬂ