[᭗᭒ 72B]
᭗᭒
ᬤᬦ᭄᭞ᬯᬤᭀᬦ᭄ᬚᬶᬯᬭᬕᬚᬮᬸ᭞ᬮᬸᬄᬚᬢᬶᬦ᭄ᬦᬾᬢᭀᬢᭀᬦᬦ᭄᭞ᬲᭀᬓ᭄ᬧᬗᬧᬸᬢᬦ᭄ᬜᬫ᭄ᬯᬦᬶ᭟ᬫᬶᬗ᭄ᬓᬶᬦ᭄ᬓᬾᬬᬦ᭄ᬧᬤᬾᬳᬤ᭞ᬳᬦ
ᬦᬓ᭄ᬳᬶᬲ᭄ᬢ᭄ᬭᬶ᭞ᬧᬕᭂᬄᬜᬸᬓ᭄ᬮᬩ᭄ᬭᬳ᭄ᬫᬘᬭᬶ᭞ᬮᬸᬧᬸᬢᬶᬂᬳᬶᬦ᭄ᬤ᭄ᬤ᭄ᬭᬭᬶᬂᬓᬓᬸᬂ᭞ᬢ᭄ᬧᭂᬢᬶᬂᬰᬲ᭄ᬢ᭄ᬭᬮᬦ᭄ᬢᬧ᭞ᬩ᭄ᬭᬢᬬᭀᬕ᭞ᬳᬾᬜ᭄ᬘᭂᬧ᭄ᬭᬶᬂᬲᬶᬮᬭᬳᬬᬸ᭞ᬳᭂ
ᬦ᭄ᬢᭀᬯ᭄ᬓᬲᬶᬂᬳᬸᬢᬫ᭞ᬮ᭄ᬯᬶᬃᬢᬸᬜ᭄ᬚᬸᬂᬤᬶᬩᬢᬸᬫᭂᬦ᭄ᬢᬶᬓ᭄᭟ᬮᬸᬄᬦᬸᬫ᭄ᬧᬸᬓ᭄ᬢ᭄ᬯᬄᬳᬤᬦ᭄ᬜ᭞ᬲᬸᬩᬳ᭄ᬮᬸᬄ᭞ᬩ᭄ᬯᬶᬦ᭄ᬮᬩᬸᬄᬗᬯᬾᬚᬮᬶᬃᬚ᭄ᬮᬾᬳᬶᬭᬶᬳᬢᬶ
ᬓᬮᬸᬤ᭄᭞ᬭᬸᬦ᭄ᬢᬶᬓ᭄ᬚᬤᬶᬕ᭄ᬢᭂᬕᭂᬲ᭄ᬮᬶᬯᬢ᭄᭞ᬫᬸᬯᬸᬄᬮᭀᬩ᭞ᬤ᭄ᬯᬂᬮᬸᬄᬦᬾᬓᬭᬗ᭄ᬲᬸᬓ᭄᭞ᬦᬄᬢᭀᬳᬗ᭄ᬕᭀᬦ᭄ᬫᭂᬤᬲᬂᬗᬶᬗᭂᬢᬶᬦ᭄ᬮᬸᬄ
[᭗᭓ 73A]
ᬫ᭄ᬯᬦᬶ᭟ᬫᬗ᭄ᬤᬾᬢᬦ᭄ᬕᭂᬮᬶᬲ᭄ᬲᭂᬗ᭄ᬓᬮ᭞ᬩᬦ᭄ᬲ᭄ᬫᬭ᭞ᬦᬾᬮᬦᬂᬮᬯᬦ᭄ᬦᬾᬳᬶᬲ᭄ᬢ᭄ᬭᬶ᭞ᬳ᭄ᬤᬫᬓᬭᭀᬦᬦ᭄ᬦᬸᬢᬸᬃ᭞ᬮ᭄ᬯᬶᬄᬓᬾᬬᬦ᭄ᬭᬶᬂᬧᬫᬺᬫᬦ᭄᭞ᬬᬤᬶᬦ᭄ᬜᬫ
᭞ᬫ᭄ᬯᬄᬫᬾᬫᬾᬳ᭄ᬤᬩᭂᬲ᭄ᬘᬮᬸᬄ᭞ᬯᬶᬭᬾᬄᬦᬾᬫᬤᬦ᭄ᬳᬶᬦ᭄ᬤ᭄ᬭ᭄ᬬ᭞ᬰᬓ᭄ᬢᬶᬜᬶᬮᬶᬩ᭄᭞ᬮ᭄ᬯᬶᬃᬯᬭᬦᬶ᭟ᬳ᭄ᬤᬲᬮᬶᬂᬩᬦ᭄ᬤᬺᬗ᭄ᬫᬸᬓ᭞ᬫᬫ᭄ᬤᬲᬂ᭞ᬲᬮᬶᬂᬕᬶᬢᭂᬲ᭄ᬫ
ᬓᬶᬲᬶᬓᬶᬲᬶ᭞ᬳ᭄ᬤᬲᬮᬶᬂᬳᬶᬗᭂᬢᬂᬳᬸᬦ᭄ᬤᬸᬓ᭄᭞ᬰᬲ᭄ᬢ᭄ᬭᬦᬾᬳᬗ᭄ᬕᭀᬦ᭄ᬦᬸᬗ᭄ᬓᬸᬮᬂ᭞ᬫ᭄ᬯᬄᬕᬕᬶᬦᬦ᭄᭞ᬮ᭄ᬬᬸᬦᬂᬫᬸᬭᬸᬓ᭄ᬓᬯ᭄ᬭᬸᬄ᭞ᬲᬂᬚᬶᬢᬾᬦ᭄ᬤ᭄ᬭ᭄ᬬᬢᬸᬮᬤ᭄
ᬤᬸᬮᬸᬭᬶᬦ᭄ᬩᬳᬦ᭄ᬲᬫᬥᬶ᭟ᬢᬦ᭄ᬫᬭᭀᬲᬶᬳᬾᬳᬸᬲᬦᬂ᭞ᬫᬶᬤᬃᬣᬬᬂ᭞ᬢᬦ᭄ᬫᬫᬸᬜᬄᬗ᭄ᬕᬾᬦ᭄ᬜᬫ᭄ᬩᬸᬗᬶᬦ᭄᭞ᬧᬸᬜᬄᬳᬃᬣᬶᬦ᭄ᬜᬦᬾᬲᬸᬫ᭄ᬩᬸᬂ᭞ᬫ᭄ᬭ
Kaca:Bali-lontar-gaguritan-lokika-02-450ppi.pdf/73
Kaca puniki sampun kauji-wacén
