[᭗᭓ 73B]
ᬲᬗᬸᬗ᭄ᬕᬸᬮ᭄ᬧᬤᬶᬤ᭄ᬬᬦ᭄᭞ᬲᬗ᭄ᬓᬦ᭄ᬗᬯᬕ᭄᭞ᬤ᭄ᬕᬕ᭄ᬘᬫ᭄ᬧᬄᬢᬦ᭄ᬧᬗᬶᬢᬸᬂ᭞ᬧᬧᬶᬢᬸᬦᬾᬫᬤᬦ᭄ᬧᬸᬜᬄ᭞ᬧ᭄ᬢᬾᬓ᭄ᬚᬦᬶᬩᭂᬲᬶᬓ᭄ᬩᭂᬲᬶᬓ᭄᭟ᬲᬂᬧᬸ
ᬜᬄᬩᬳᬦ᭄ᬳᬶᬦᬸᬫᬦ᭄᭞ᬲᬮ᭄ᬯᬶᬃᬜ᭞ᬚ᭄ᬕᬾᬕ᭄ᬩᬕᬸᬲ᭄ᬓᬧᬶᬂᬓᬮᬶᬄ᭞ᬲᬶᬂᬫᬕᭀᬩᬩᬓᬢ᭄ᬩᬸᬭᬸ᭞ᬳᬦ᭄ᬤᭂᬮ᭄ᬢᭂᬓᬾᬦ᭄ᬭᬸᬧᬫ᭄ᬮᬄ᭞ᬧᬫᬸᬧᬸᬢ᭄ᬜ᭞ᬤᬤᬶᬕ᭄ᬭᬶᬂᬫᬸ
ᬲᬸᬄᬮ᭄ᬬᬸ᭞ᬓᬧᬶᬂᬢᬶᬕᬓᬧ᭄ᬭᬤ᭄ᬜᬦᬦ᭄᭞ᬳᬲᬶᬂᬧᬳᬓ᭄ᬩᬓᬢ᭄ᬳᭂᬦ᭄ᬤᭀᬕᬶᬦ᭄᭟ᬩᬳᬦ᭄ᬗᬲᬾᬦ᭄ᬳᬯᬓ᭄ᬧ᭄ᬭᬤ᭄ᬜᬦ᭄᭞ᬳᬚᬸᬫ᭄ᬩᬗ᭄ᬕ᭞ᬲᬳᬶᬫᬓ᭄ᬦᭂᬄ
ᬗᬸᬗ᭄ᬓᬸᬮᬶᬦ᭄᭞ᬓᬦ᭄ᬢᬶᬲᭂᬫ᭄ᬲᬂᬫᬦ᭄ᬤᬸᬮᬸ᭞ᬓᬤᬂᬩ᭄ᬭᬬᬓᬦ᭄ᬢᬶᬢᬸᬗ᭄ᬓᬲ᭄᭞ᬓᬗ᭄ᬕᭀᬦ᭄ᬲᬸᬓ᭞ᬫᬳᬦ᭄ᬫᭂᬍᬢᬂᬩᬦ᭄ᬢᬸᬢᬸᬃ᭞ᬫᬶᬗ᭄ᬓᬶᬦ᭄ᬫᬳᬦ᭄ᬗᬩᬶᬮ᭄ᬩᬶ
[᭗᭔ 74A]
ᬮᬂ᭞ᬓᬦ᭄ᬢᬶᬸᬩ᭄ᬮᭀᬕ᭄ᬩᬦᬾᬭᬶᬭᬶᬄ᭟ᬓᬧᬶᬂᬧᬢ᭄ᬢᬸᬯᬸᬄᬯᬬᬄ᭞ᬗᬯᬾᬧᬸᬜᬄ᭞ᬤᬤᬶᬲᬫ᭄ᬧᬄᬓᬾᬦ᭄ᬳᬶᬘ᭄ᬭᬶᬓ᭄᭞ᬰᬓ᭄ᬢᬶᬓᬧᬶᬂᬮᬶᬫᬦ᭄ᬳᬶᬧᬸᬦ᭄᭞ᬗᬯᭂᬢ᭄ᬯᬂᬓ᭄ᬦᭂᬄ
ᬤ᭄ᬕᬕ᭄᭞ᬤ᭄ᬫᭂᬦ᭄ᬗᬯᬕ᭄᭞ᬫᬓ᭄ᬚᬂᬲᭂᬗ᭄ᬕᬸᬳᬂᬗᬬᬸᬄ᭞ᬧᬂᬧᬂᬓᬾᬦ᭄ᬳᬦᬓ᭄ᬧ᭄ᬭᬤ᭄ᬜᬦ᭄᭞ᬩᬦ᭄ᬳᬦ᭄ᬤᭂᬮ᭄ᬢᭂᬓᬾᬦᬶᬂᬰᬓ᭄ᬢᬶ᭟ᬩᬳᬦ᭄ᬤᭀᬢᬾᬫᬢᭂᬕᬃ᭞ᬫᬗᬤ᭄ᬯᬂ
᭞ᬰᬓ᭄ᬢᬶᬦᬾᬳᬧᬂᬫᬩᬸᬓ᭄ᬢᬶ᭞ᬜ᭄ᬮᬧ᭄ᬗᬯᬾᬲᬶᬧᭀᬓ᭄ᬲᬶᬕᬸᬕ᭄᭞ᬗᬾᬮᬄᬳᬮᬄᬫᬦ᭄ᬭᬫ᭄ᬧᬲ᭄᭞ᬕ᭄ᬮᬄᬳᬦᬓ᭄᭞ᬲᭀᬫᬄᬢᬶᬫ᭄ᬧᬮ᭄ᬢᬕᬶᬄᬮᬯᬸ
ᬢ᭄᭞ᬓᭂᬦ᭄ᬤᭂᬮ᭄ᬬᬦᬶᬂᬳᬤᬯᬶᬭᬂ᭞ᬢᬦ᭄ᬫᬲᬳᬧᬸᬲ᭄ᬓᬰᬓ᭄ᬢᬶᬦ᭄᭟ᬓᬧᬶᬂᬦᭂᬫ᭄ᬓᬯᬦᬾᬦᬦ᭄᭞ᬢᬦ᭄ᬚᬗ᭄ᬓᬬᬦ᭄ᬗᬫᭀᬓ᭄ᬳᬦᬦᬾᬢᬂᬢ
Kaca:Bali-lontar-gaguritan-lokika-02-450ppi.pdf/74
Kaca puniki sampun kauji-wacén
