Kaca puniki sampun kauji-wacén
[᭖᭗ 67B]
᭖᭗᭟
ᬭᬩᬓᬢ᭄᭞ᬳᬶᬤᬸᬧᬾᬲᬫᬮᬦ᭄ᬫᬢᬶ᭟᭜᭟᭑᭖᭟ᬦ᭄ᬢᭀᬓᬭᬡᬲᬂᬳᬢᬧ᭞ᬫᬲᬶᬄᬳᬦ᭄ᬢᭂᬂ᭞ᬫᬦᬦ᭄ᬤᬸᬃᬲᬃᬯ᭄ᬯᬪᬶᬦᬸᬓ᭄ᬢᬶ᭞ᬳᬗ᭄ᬕᬾᬦ᭄ᬘᬭᬸᬓᬮᬲᭂᬥᬸᬓ᭄᭞
ᬳᬧᬂᬢᬦ᭄ᬗ᭄ᬭᬸᬪᬾᬤᬚ᭄ᬜᬵᬦ᭞ᬮᬸᬯᬶᬄᬓᬾᬬᬦ᭄᭞ᬩᬗᬵᬤᬶᬦᬵᬕᬭᬫᬸᬗ᭄ᬕᬸᬄ᭞ᬳᬧᬂᬰᬺᬕᭂᬧ᭄ᬭᬪᬾᬬ᭞ᬳᬗ᭄ᬕᭀᬦ᭄ᬗᬮᬶᬄᬦᬾᬉᬢ᭄ᬢᬫᬶ᭟᭜᭟᭑᭗᭟ᬧᬶ
ᬤᬕᬶᬂᬜᬢᬸᬢᬸᬃᬩᬧ᭞ᬬᬦᬶᬂᬓᬶᬬᬸᬮ᭄᭞ᬫᬲᬶᬄᬫᬵᬃᬣᬶᬫᬫᬢᬶᬫᬢᬶ᭞ᬳᬦ᭄ᬢᭂᬂᬫᬵᬃᬣᬶᬦᬸᬮᬸᬂᬳᬶᬤᬸᬧ᭄᭞ᬢᬹᬃᬫ᭄ᬬᬭᬘᬢᬸᬃᬯᬃᬕ᭄ᬕ᭞ᬳᭂᬤᬩᬯᬓ᭄᭞ᬲᬬᬂ
ᬢᭂᬓᬾᬦ᭄ᬲᬮᬸᬯᬶᬃᬳᬶᬤᬸᬧ᭄᭞ᬤᬕᭂᬫᭂᬲ᭄ᬤᬲᬳᬲ᭞ᬫᬓᬵᬤᬶᬫ᭠ᬫᬢᬶᬫᬢᬶ᭟᭜᭟᭑᭘᭟ᬳᬦᬓᬾᬧᬕᭂᬄᬫᬬᬰ᭞ᬢ᭄ᬯᬭᬢᬳᬾᬦ᭄᭞ᬗᬯᬾ
[᭖᭘ 68A]
ᬓᬾᬯᭂᬄᬲᬃᬯ᭄ᬯᬧ᭄ᬭᬡᬶ᭞ᬢᬦ᭄ᬜᬗ᭄ᬲᬭᬢᬦ᭄ᬫᬦᭂᬕᬸᬮ᭄᭞ᬫᬓᬵᬤᬶᬢᬦ᭄ᬗᬫᬢ᭄ᬬᬂ᭞ᬚᭂᬕ᭄ᬜᬬᬗᬂ᭞ᬫᬜᬸᬓᬦᬶᬦ᭄ᬲᬃᬯ᭄ᬯᬳᬶᬤᬸᬧ᭄᭞ᬧᬶᬓᭀᬮᬶᬳᬾᬲᬧᬸᬦᬶ
ᬓ᭞ᬕᬫ᭄ᬧᬂᬫᬓᬢᬂᬦᬾᬳᬮᬶᬄ᭟᭜᭟᭑᭙᭟ᬲᬗ᭄ᬓᬦ᭄ᬤᬸᬫᬤᬶᬦᬾᬘᬘᬤ᭄᭞ᬕᭀᬩᬩᭀᬘᭀᬓ᭄᭞ᬓᬮᬸᬤ᭄ᬧᭂᬧᭂᬲᬦ᭄ᬲᬓᬶᬢ᭄᭞ᬩᭂᬮᭀᬕ᭄ᬩᬶᬗᬸᬂ
ᬢ᭄ᬯᬭᬫᬫ᭄ᬧᬸᬄ᭞ᬕᭂᬢᬧ᭄ᬢᬸᬭᬶᬦ᭄ᬢᬸᬯᬸᬄᬩᬯᬓ᭄᭞ᬳᬦᬾᬲᬸᬩ᭞ᬥᬸᬓᬾᬤᬸᬫᬤᬶᬳᬶᬮᬸ᭞ᬫᬭᬶᬓᭀᬰᬩᭂᬲ᭄ᬓᬮᬶᬯᬢ᭄᭞ᬲᬳᬲᬫᬫᬢᬶᬫᬢᬶ᭟᭜᭟
᭒᭐᭟ᬳᬯᬶᬦᬦ᭄ᬲᬂᬫᬫ᭄ᬯᬢᬂ᭞ᬳᬶᬤᬸᬧ᭄ᬯᬭᬲ᭄᭞ᬓᭂᬚᭀᬳᬶᬦ᭄ᬩᬳᬦ᭄ᬧᬜᬓᬶᬢ᭄᭞ᬩᬬᬸᬓᬸᬯᬢ᭄ᬧᬜ᭄ᬚᬂᬉᬫᬸᬃ᭞ᬧ᭄ᬭᬚ᭄ᬜᬵᬦ᭄ᬫᬸᬯᬂᬧᬸᬭᬸᬱ᭞ᬢᬹᬃᬳᬶᬗᭂᬢᬦ᭄᭞
