[᭒᭒ 22B]
᭒᭒
ᬮᬶᬭᬭᬶᬲ᭄ᬫᬳᭀᬓᬲᬦ᭄᭞ᬭᬶᬂᬧᬓᭂᬫᬶᬢ᭄ᬳᬜ᭄ᬘᬓ᭄ᬱᬚᬶ᭞ᬧᬓᭂᬫᬶᬢᬾᬭᬭᬶᬲ᭄ᬢᬗ᭄ᬓᬶᬮ᭄᭞ᬭᬶᬂᬧᬮᬸᬗ᭄ᬕᬸᬄᬤᬾᬯᬳᬕᬸᬂ᭞ᬳᬶᬤᬲᬵᬫ᭄ᬧᬸᬦ᭄ᬗᬮᬸᬕ᭄ᬭᬬᬂ᭞ᬳᬶᬤᬘᭀᬓᭀᬃᬤ᭄ᬥᬕ᭄ᬮᬶᬲ᭄ᬢᬗ᭄ᬓᬶᬮ᭄᭞ᬦᭂᬫ᭄ᬩᬄᬦᬸᬯᬸᬦ᭄᭞ᬦᬸᬦᬲ᭄ᬮᬸᬕᬺᬗ
ᬲᬩ᭄ᬢᬦᬄ᭟ᬤᬾᬯᬕᬸᬂᬓᬕ᭄ᬬᬢ᭄ᬫᬜᬶᬗᬓ᭄᭞ᬘᭀᬓᭀᬃᬤ᭄ᬥᬫᬗ᭄ᬯᬶᬢᬗ᭄ᬓᬶᬮ᭄᭞ᬢᬗ᭄ᬓᬶᬮᬾᬢᬦ᭄ᬧᬦᬦ᭄ᬢᬭ᭞ᬢᬦᬶᬳᬸᬚᬦ᭄ᬢᬦᬶᬳᬗᬶᬦ᭄᭞ᬳᬶᬤᬘᭀᬓᭀᬃᬤ᭄ᬥᬳᬸᬦᬶᬂ᭞ᬭᬶᬂᬳᬕᬾᬳᬶᬤᬳᬸᬫᬢᬸᬃ᭞ᬲᬶᬗ᭄ᬕᬶᬄᬭᬢᬸ
ᬲᬲᬸᬯᬸᬦᬦ᭄᭞ᬢᬶᬢ᭄ᬬᬂᬦ᭄ᬤᬯᭂᬕ᭄ᬫᬢᬸᬃᬲᬶᬲᬶᬧ᭄᭞ᬢᬶᬢ᭄ᬬᬂᬦᬸᬯᬸᬦ᭄᭞ᬢᬗ᭄ᬓᬶᬮ᭄ᬭᬶᬂᬚᬶᬲᬲᬸᬳᬸᬦᬦ᭄᭟ᬤᬾᬳᬕᬸᬂᬳᬶᬤᬗᬦ᭄ᬤᬶᬓ᭞ᬳᬓᬾᬲᬸᬩᬗᬮᬸᬕ᭄ᬭᬳᬶᬦ᭄᭞ᬳᬧᬦᬾᬢᬗ᭄ᬓᬶᬮᬂᬗᬸᬭᬄ᭞ᬢᬸᬫ᭄ᬩᬾᬦ᭄ᬢᬗ᭄ᬓᬶᬮ᭄ᬲᬓᬶᬂᬮᬫᬶ᭞
ᬳᬶᬤᬘᭀᬓᭀᬃᬤ᭄ᬥᬫᬢᬸᬃᬕ᭄ᬮᬶᬲ᭄᭞ᬢᬶᬢ᭄ᬬᬂᬲᬶᬦᭂᬗ᭄ᬓᬯᭀᬦ᭄ᬭᬢᬸ᭞ᬧᬜ᭄ᬚᬓ᭄ᬢᬶᬢ᭄ᬬᬂᬓ᭄ᬦᬶᬓᬭᬸᬲᬓ᭄᭞ᬩᬮ᭄ᬬᬦ᭄ᬩᬢᬸᬃᬗᭂᬧᬾᬢ᭄ᬧᬢᬶ᭞ᬓᬢᬄᬮᬫ᭄ᬧᬸᬲ᭄᭞ᬤᬾᬱ᭄ᬝᬶᬧᬗᬶᬯᬗᬭᬶᬲ᭄ᬢ᭟ᬦᬸᬮᬶᬲᬫᬶᬓᬳᬸᬦᬶᬗᬬᬂ᭞ᬬᬸ
[᭒᭓ 23A]
ᬤᬦᬾᬭᬳᬶᬦᬯ᭄ᬗᬶ᭞ᬓᬶᬩᬮ᭄ᬬᬦ᭄ᬩᬢᬸᬃᬳᬲᬸᬲᬸᬫ᭄ᬩᬃ᭞ᬢᬦ᭄ᬧ᭄ᬭᬲᬶᬤᬳᬶᬧᬸᬦ᭄ᬫᬢᬶ᭞ᬬᬦ᭄ᬢᬦᬦ᭄ᬢᬸᬓ᭄ᬱᬜ᭄ᬚᬢᬧᬶᬗᬶᬢ᭄᭞ᬤ᭄ᬭᬸᬯᬾᬦ᭄ᬧᬮᬸᬗ᭄ᬕᬸᬄᬤᬾᬯᬕᬸᬂ᭞ᬦᬶᬲ᭄ᬮᬶᬓ᭄ᬱᬶᬓ᭄ᬦᬭᬦ᭄ᬢᬓ᭄᭞ᬫᬓᬳᬯᬶᬦᬦ᭄ᬢᬶᬢ᭄ᬬᬂᬢᬗ᭄ᬓᬶᬮ᭄᭞ᬧ᭄ᬭᬬᬦᬸᬳᬸᬦ᭄᭞
ᬲ᭄ᬯᬾᬘᬦ᭄ᬧᬮᬸᬗ᭄ᬕᬸᬄᬲᬂᬦᬵᬣ᭟ᬮᬾᬤᬂᬧ᭄ᬮᬸᬗ᭄ᬕᬸᬄᬫᬦᬶᬯᬓᬂ᭞ᬲᬜ᭄ᬚᬢᬤ᭄ᬭᬸᬯᬾᬦᬾᬧᬶᬗᬶᬢ᭄᭞ᬫᬗ᭄ᬤᬩᬮ᭄ᬬᬦ᭄ᬩᬢᬸᬃᬧᭂᬚᬄ᭞ᬤᬾᬦᬶᬂᬳᬶᬧᬸᬦ᭄ᬗᭂᬧᬾᬢ᭄ᬧᬢᬶ᭞ᬫᬗ᭄ᬤᬧᬢᬶᬓᬧᬗ᭄ᬕᬶᬳᬶᬦ᭄᭞ᬚᬕᬢᬶᬢ᭄ᬬᬂᬭᬸᬲᬓ᭄ᬭᬹᬕ᭄᭞ᬳᬦ᭄ᬢᬸ
ᬓᬶᬧᬸᬦ᭄ᬫᬗᬭᬶᬲ᭄ᬢᬸ᭞ᬤᬾᬯᬕᬸᬂᬤᬸᬭᬸᬂᬜᬯᬸᬭᬶᬦ᭄᭞ᬩᬶᬂᬩᬂᬩᬶᬗᬸᬂ᭞ᬭ᭄ᭉᬦ᭄ᬢᬸᬓ᭄ᬤᬸᬭᬸᬂᬓᬧᬶᬦᭂᬳᬦ᭄᭟ᬲ᭄ᬯᬾᬳᬶᬤᬢᬦ᭄ᬗᬦ᭄ᬤᬶᬓ᭞ᬘᭀᬓᭀᬃᬤ᭄ᬥᬳᬸᬫᬢᬸᬃᬫᬮᬶᬄ᭞ᬭᬢᬸᬤ᭄ᬯᬕᬸᬂᬲᬸᬲᬸᬳᬸᬦᬦ᭄᭞ᬢᭂᬤᬸᬂᬚᬕᬢᬾᬭᬶᬂᬩᬓᬶ᭞ᬬᬦ᭄ᬧ᭄ᬭᬲᬶ
ᬤ᭄ᬥᬓᬶᬩᬮ᭄ᬬᬦ᭄ᬫᬢᬶ᭞ᬢᬶᬢ᭄ᬬᬂᬫᬶᬲᬤ᭄ᬬᬫᬫᭂᬓᬸᬮ᭄᭞ᬲᬸᬩᬓ᭄ᬢᬶᬭᬯᬸᬄᬓᬯᭂᬓᬲ᭄᭞ᬦᬾᬦ᭄ᬢᭂᬜ᭄ᬚᬕᬢᬸᬮᬓ᭄ᬫᬮᬶᬄ᭞ᬭᬶᬂᬧᬮᬸᬗ᭄ᬕᬸᬄᬤᬾᬯᬕᬸᬂᬲ᭄ᬫᬭᬧᬸᬭᬵ᭟ᬫᬮᬶᬄᬯᬾᬦ᭄ᬢᭂᬦ᭄ᬳᬢᬸᬭᬦ᭄ᬢᬶᬢ᭄ᬬᬂ᭞ᬚᬕᬢ᭄ᬫᬗ᭄ᬯᬶᬲᬶᬲᬶᬢᬗᬶᬦ᭄᭞
Kaca:Bali-lontar-gaguritan-ki-balyan-batur-300ppi.pdf/23
Kaca puniki sampun kauji-wacén
