[᭒᭑ 21B]
᭒᭑
ᬢ᭄ᬬᬂᬫᬢᬸᬃᬲᬶᬲᬶᬧ᭄᭞ᬧᬸᬭᬸᬦ᭄ᬢᬶᬢ᭄ᬬᬂᬗᬮᬶᬦ᭄ᬢᬗᬶᬦ᭄᭞ᬧᬶᬓᬬᬸᬦ᭄ᬧ᭄ᬮᬶᬗ᭄ᬕᬶᬳᬶᬭᬢᬸ᭞ᬧ᭄ᬭᬤᬾᬲᬶᬲᬶᬧ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬲᬵᬫ᭄ᬧᬸᬦᬂᬚ᭄ᬯᬓᬮᬶᬗ᭄ᬕᬶᬳᬶᬦ᭄᭞ᬧ᭄ᬭᬤᬾᬧᬢᬸᬢ᭄᭞ᬲᬭᬮᬾᬤᬂᬧᬓᬬᬸᬦᬦ᭄᭟ᬬᬾᬦ᭄ᬓᬤᬶᬫᬧᬯᬶᬮ
ᬗᬦ᭄᭞ᬳᬲᬶᬓᬶᬯᬯᬸᬓᬓᬮᬶᬄ᭞ᬳᭂᬜ᭄ᬘᬾᬦ᭄ᬲᬶᬓᬶᬳᭂᬜ᭄ᬘᬾᬦ᭄ᬭ᭄ᬯ᭞ᬫᬗ᭄ᬤᬾᬜ᭄ᬮᬸᬃᬚ᭄ᬯᬫᬫᬃᬕ᭄ᬕᬶ᭞ᬫᬸᬗ᭄ᬕ᭄ᬯᬶᬂᬳᬶᬦ᭄ᬤᬶᬓ᭄ᬱᬦᬾᬗᬸᬦᬶ᭞ᬘᭀᬓᭀᬃᬳᬶᬤᬾᬯᬢᬦ᭄ᬫᬗ᭄ᬕᬸᬄ᭞ᬲᬢᬦ᭄ᬯᬾᬦ᭄ᬢᭂᬦ᭄ᬧᬸᬦᬶᬓ᭞ᬦᬵᬗᬶᬂᬲᬦᬾᬯᬾᬦ᭄ᬢᭂᬦ᭄ᬫ
ᬗ᭄ᬓᬶᬦ᭄᭞ᬤ᭄ᬭᬸᬯᬾᬦ᭄ᬳᬶᬭᬢᬸ᭞ᬧᬜ᭄ᬚᬓᬾᬲᬫᬶᬲᬗ᭄ᬲᬭ᭟ᬢᬶᬢ᭄ᬬᬂᬤᬳᬢ᭄ᬗᬬᬸᬩᬕ᭄ᬬ᭞ᬬᬾᬦ᭄ᬭᬢᬸᬗᭂᬢᬹᬢ᭄ᬧᬫᬃᬕ᭄ᬕᬶ᭞ᬧᬫᬃᬕ᭄ᬕᬶᬦ᭄ᬳᬶᬤᬲᬂᬯᬶᬓᬦ᭄᭞ᬲᬂᬲᬸᬢᬲᭀᬫᬦᬾᬗᬸᬦᬶ᭞ᬮᬶᬮᬳᬶᬤᬗᬫᬾᬮᬦᬶᬦ᭄᭞ᬳ
ᬦᬓ᭄ᬦᭂᬫᬸᬩᬬᬮᬸᬫ᭄ᬧᬲ᭄᭞ᬫᬗ᭄ᬓᬶᬦ᭄ᬯᬤ᭄ᬯᬦ᭄ᬲᬲᬸᬳᬸᬦᬦ᭄᭞ᬓᬤᬸᬄᬓᬶᬢᬦ᭄ᬮᬭᬧᬢᬶ᭞ᬤᬾᬦᬶᬂᬳᬶᬧᬸᬦ᭄᭞ᬩᬮ᭄ᬬᬦ᭄ᬩᬢᬸᬃᬫᬗ᭄ᬭᬶᬲ᭄ᬢ᭟ᬧᬜ᭄ᬚᬗᬂᬭᬢᬸᬧᬜ᭄ᬚᬗᬂ᭞ᬧᬶᬓᬬᬸᬦᬶᬦ᭄ᬫᬗ᭄ᬤᬩ᭄ᬘᬶᬓ᭄᭞ᬦᬧᬶᬧ᭄ᬯᬭ
[᭒᭒ 22A]
ᬜ᭄ᬚᭂᬦᬶᬂᬦᬵᬣ᭞ᬬᬾᬦ᭄ᬳᬶᬧᬜ᭄ᬚᬓ᭄ᬦᬾᬦ᭄ᬢᭂᬦ᭄ᬓᬭᬶ᭞ᬲᬶᬦᬄᬚᬕᬓᬓ᭄ᬤᬾᬓᬶᬦ᭄᭞ᬲᬧᬲᬶᬭᬜᬫ᭄ᬩᬢ᭄ᬳᬕᬸᬂ᭞ᬬᬦᬾᬦ᭄ᬢᭂᬦᬶᬧᬸᬦ᭄ᬳᬶᬧᬜ᭄ᬚᬓ᭄᭞ᬫᬓᬸᬗ᭄ᬕᬮ᭄ᬓᬯᬸᬮᬕᬸᬲ᭄ᬢᬶ᭞ᬫᬗ᭄ᬤᬳᬦᬹᬢ᭄᭞ᬲᬮᬸᬂᬮᬸᬂᬲᬪᬬᬦ᭄ᬢᬓ᭟ᬳᭂᬗ᭄ᬲᭂ
ᬓ᭄ᬳᬶᬤᬘᭀᬓᭀᬃᬤ᭄ᬥ᭞ᬳ᭄ᬦᭂᬂᬢᬦ᭄ᬲᬶᬤᬜᬯᬸᬭᬶᬦ᭄᭞ᬕᬮᬶᬳᬶᬦ᭄ᬳᬦ᭄ᬢᬸᬓ᭄ᬯᬶᬯᬾᬓ᭞ᬕ᭄ᬮᬶᬲᬶᬤᬫᬶᬓᬬᬸᬦᬶᬦ᭄᭞ᬧᬶᬓᬬᬸᬦᬾᬲᬵᬫ᭄ᬧᬸᬦ᭄ᬳ᭄ᬦᬶᬂ᭞ᬚᬕᬶᬧ᭄ᬤᭂᬓ᭄ᬭᬶᬂᬤᬾᬯᬕᬸᬂ᭞ᬲᬦᬾᬗᬶᬭᬶᬂᬓᬧᬶᬂᬓᭀᬧᬂ᭞ᬤᬾᬩᬦ᭄ᬤᬾᬰᬓᬦ᭄ᬤᬶ
ᬓᬳᬶᬦ᭄᭞ᬫᬗ᭄ᬤᬗᭂᬫ᭄ᬧᬸ᭞ᬩᬮᬬᬸᬤᬭᬶᬂᬓᬮᬗᬦ᭄᭟ᬢᬦ᭄ᬓᬘ᭄ᬭᬶᬢᬤᬾᬩᬦ᭄ᬤᬾᬰ᭞ᬓᬘ᭄ᬭᬶᬢᬘᭀᬓᭀᬃᬤ᭄ᬥᬫᬗ᭄ᬓᬶᬦ᭄᭞ᬫᬫᬃᬕ᭄ᬕᬶᬗ᭄ᬮᬶᬗ᭄ᬕᬶᬳᬶᬦ᭄ᬓᬸᬤ᭞ᬓᭀᬧᬂᬓᬧᬶᬂᬲᬦᬾᬗᬧᬶᬢ᭄᭞ᬚᬸᬭᬸᬧᬘᬦᬗᬦ᭄ᬤᭀ
ᬭᬶ᭞ᬢᬦ᭄ᬓᬘ᭄ᬭᬶᬢᬫᬭᬶᬂᬳ᭄ᬦᬸ᭞ᬓᬘ᭄ᬭᬶᬢᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢ᭞ᬦᬫ᭄ᬧᭂᬓ᭄ᬦᬫ᭄ᬧᭂᬓ᭄ᬳᬜ᭄ᬘᬦ᭄ᬲᬚᬶ᭞ᬕᭂᬮᬶᬲ᭄ᬢᭂᬤᬸᬦ᭄᭞ᬓᬸᬤᬤ᭄ᬭᬸᬯᬾᬓᬢᭂᬕᬸᬮᬂ᭟ᬚᬸᬫᬸᬚᬸᬕ᭄ᬭᬶᬂᬚᬩᬚ᭄ᬭᬶ᭞ᬭᬶᬂᬚ᭄ᬭᭀᬦᬶᬂᬳᬜ᭄ᬘᬓ᭄ᬱᬚᬶ᭞ᬦᬸ
Kaca:Bali-lontar-gaguritan-ki-balyan-batur-300ppi.pdf/22
Kaca puniki sampun kauji-wacén
