[᭔᭒ 42 B]
᭔᭒
ᬩᬸᬭᬶᬂᬤᬍᬫ᭄ᬓᬸᬢ᭄ᬣᬵ᭞ᬲᬶᬚᬶᬢᬦᬦᬵᬓᬭᬶ᭞ᬢᬦᬦᬵᬦᭀᬮᬶᬄᬳᬸᬦ᭄ᬢᬢ᭄᭞ᬫᬗ᭄ᬓᬾᬧ᭄ᬭᬪᬹᬦᬸᬃᬲᬶᬯ᭄ᬯᬵᬦ᭄᭞ᬢ᭄ᬓᬦᬶᬂᬯᬤ᭄ᬬᬦᬾᬲᬫᬶ᭞ᬪᬹᬩᬃᬫ᭄ᬮᬬ᭄ᬯᬵ᭞ᬳᬗᬸᬗ᭄ᬲᬶᬯᬡ᭄ᬦᬕᬶᬭᬶ᭟ᬦᭀᬲᭀᬦ᭄ᬢᬭᬵᬓᬶᬦᭂᬧᬂᬓᬶᬦᬡ᭄ᬥᬂ
ᬦᬡ᭄ᬥᬂ᭞ᬤᬾᬦᬶᬂᬯᬤ᭄ᬬᬳᬶᬂᬗᬭᬩᬶ᭞ᬗᬶᬦᭂᬧ᭄ᬮᬯᬦ᭄ᬓᬸᬢ᭄ᬣᬵ᭞ᬲᬸᬭᬓ᭄ᬯᬤ᭄ᬬᬧᬸᬲᭂᬃᬪᬹᬫᬶ᭞ᬗᭂᬧᬂᬦ᭄ᬕᬭᬵ᭞ᬓᬳᬸᬤᬦᬶᬂᬫᬶᬫᬶᬲ᭄᭟ᬦᬸᬮ᭄ᬬᬳᬩᬸᬦᭂᬫ᭄ᬓᬶᬢᬸᬫᭂᬗ᭄ᬕᬸᬂᬚᬵᬮᬤᬭ᭞ᬮᬦ᭄ᬱᬓᬢᬳᬶᬂᬫᬦ᭄ᬢ᭄ᬭᬶ᭞ᬚ᭄ᬭᭀᬦᬶᬂᬦᬸᬲᭀᬦ᭄ᬢ
ᬭ᭞ᬲᬫᬶᬦᬶᬫ᭄ᬩᬂᬭᬭᬲᬦ᭄᭞ᬤᬾᬦᬾᬓᬲᭀᬭᬦ᭄ᬳᬚᬸᬭᬶᬢ᭄᭞ᬭᬢᬸᬦ᭄ᬬᬮᬶᬡ᭄ᬦᬵ᭞ᬓᬶᬚᬵᬮᬤᬭᬵᬳᬗ᭄ᬮᬶᬂ᭟ᬳᬶᬄᬧᬺᬫᬦ᭄ᬢ᭄ᬭᬶᬳᬶᬲᬸᬦᬢᬓᭀᬦ᭄ᬭᬶᬂᬲᬶᬭ᭞ᬧᬭᬦ᭄ᬓᬋᬧ᭄ᬢᬵᬫᬗ᭄ᬓᬶᬦ᭄᭞ᬤᬾᬦᬾᬦ᭄ᬕᬭᬦ᭄ᬢᬵ᭞ᬦᬸᬲᭀᬦ᭄ᬢᬭ
ᬓᬶᬮᬧᬵᬃ᭞ᬲᬸᬦ᭄ᬳᬦᬸᬢ᭄ᬓᬋᬧ᭄ᬲᬶᬭᬾᬓᬶ᭞ᬓᬂᬢᬶᬦᬓᭀᬡ᭄ᬦᬦ᭄᭞ᬲᬫᬶᬳᬲᬯᬸᬃᬧᬓ᭄ᬲᬶ᭟ᬲᬶᬗ᭄ᬕᬶᬄᬳᬃᬱᬤᬦᬾᬢᬦ᭄ᬧᭀᬮᬄ᭞ᬳᬫ᭄ᬩᬵᬗᬶᬭᬶᬂᬦᬸᬗ᭄ᬓᬸᬮᬶ᭞ᬳᬫᬮᬓᬸᬕ᭄ᬱᬶ᭞ᬳᬡ᭄ᬥᬳᬗᬯᬸᬮᬵ᭞ᬫᬭᬶᬂᬧ᭄ᬭᬪᬹᬧᬸᬲᭂᬃᬪᬹᬫᬶ
[᭔᭓ 43 A]
᭞ᬚᬮᬵᬤᬭᬵ᭞ᬳᬮᭀᬦ᭄ᬤᬾᬦᬶᬭᬳᬗ᭄ᬮᬶᬂ᭟ᬬᬾᬦ᭄ᬲᬫ᭄ᬩᬤ᭄ᬥᬵᬓᬋᬧ᭄ᬢᬵᬧᬤᬵᬦᬸᬗ᭄ᬓᬸᬮᬵ᭞ᬮᬄᬫᬗ᭄ᬓᬾᬓᭀᬦᭂᬦ᭄ᬳᬕ᭄ᬮᬶᬲ᭄᭞ᬳᬫᬲᬂᬩᬡ᭄ᬥᬾᬭ᭞ᬤᬾᬦ᭄ᬳᬯᬲᬓᬶᬂᬚᬵᬩ᭞ᬳᬸᬗ᭄ᬕᬳᬦ᭄ᬩᬡ᭄ᬥᬾᬭᬵᬧᬸᬢᬶᬄ᭞ᬘᬶᬭᬶᬦᬸ
ᬗ᭄ᬓᬸᬮᬵ᭞ᬭᬶᬂᬧ᭄ᬭᬪᬹᬚᬬᬾᬂ᭞ᬳᬹᬃᬢ᭄ᬣᬶ᭟ᬦᬸᬮ᭄ᬬᬲᬋᬂᬫ᭄ᬥᬮ᭄ᬳᬚᬵᬳᬲᬜ᭄ᬚᬢ᭄ᬣᬵ᭞ᬲᬫᬶᬳᬗᬗ᭄ᬕᬾᬧᬸᬢᬶᬄ᭞ᬢᬢ᭄ᬣᬦ᭄ᬳᬦᬸᬗ᭄ᬓᬸᬮᬵ᭞ᬲᬫᬶᬳᬫ᭄ᬓᬸᬮ᭄ᬚᬚᬵ᭞ᬲᬶᬳ᭄ᬭᬵᬳᬓᬃᬬ᭄ᬬᬳᬶᬂᬘᬶᬭᬶ᭞ᬗᬥᭂᬕ᭄ᬩᬡ᭄ᬥᬾᬭᬵ᭞ᬗᬶᬗ᭄ᬕᬶᬮ᭄ᬩᬡ᭄ᬥᬾᬭᬧᬸᬢ᭄ᬣᬶᬄ᭟ᬓᬂ
ᬩᬡ᭄ᬥᬾᬭᬵᬓᬳᭀᬦ᭄ᬲᬓᬶᬂᬚᬯᬶᬦᬶᬂᬓᬸᬢ᭄ᬢᬵ᭞ᬲᬓᬾᬄᬯᭀᬂᬦᬸᬲᭀᬦ᭄ᬢᬭᬶ᭞ᬦᭀᬭᬭᬳᬗ᭄ᬕᬯᬵᬩ᭄ᬭᬚᬵ᭞ᬳᬗ᭄ᬕᬗ᭄ᬕᬾᬲᬃᬯ᭄ᬯᬵᬧ᭄ᬢᬓ᭄᭞ᬲᬶᬕ᭄ᬭᬄᬳᬯᬦᬵᬓᭀᬭᬶ᭞ᬓᬶᬚᬮᬤᬭ᭞ᬓᬾᬭᬶᬂᬲᬓᬾᬳᬶᬂᬧ᭄ᬭᬫᬦ᭄ᬢ᭄ᬭᬶ᭟ᬳᬓ᭄ᬭᬶᬕᬦ᭄ᬱᬧᬺ
ᬫᬾᬦᬓᬶᬂᬦᬸᬲᭀᬦ᭄ᬢᬭᬵ᭞ᬤᭀᬫᬲ᭄ᬓᬢᬳᬶᬂᬧ᭄ᬭᬫᬦ᭄ᬢ᭄ᬭᬶ᭞ᬫ᭄ᬥᬮ᭄ᬳᬦᬸᬗ᭄ᬓᬸᬮ᭄᭞ᬕ᭄ᬮᬶᬲ᭄ᬓᬢᬹᬃᬫᬭᬶᬂᬲᬸᬮ᭄ᬢᬦ᭄᭞ᬗᬵᬡ᭄ᬥᬶᬓᬵᬲᬂᬫᬸᬃᬩᬾᬂᬚᬸᬭᬶᬢ᭄᭞ᬮᬄᬢᬶᬫ᭄ᬩᬮᬡ᭄ᬦᬵ᭞ᬚᬮᬤᬭᬤᬾᬦᬕ᭄ᬮᬶᬲ᭄᭞ᬦᬸᬮ᭄ᬬᬫᬗ᭄ᬓᬢ᭄ᬭᬳᬤᬾᬦ᭄ᬧᬓᬸᬯᬚᬵ᭞
Kaca:Bali-lontar-gaguritan-kendit-birayung-300ppi.pdf/43
Kaca puniki sampun kauji-wacén
