[᭔᭓ 43 B]
᭔᭓
ᬳᬦᬶᬫ᭄ᬩᬮᬓᭂᬦ᭄ᬳᬕ᭄ᬮᬶᬲ᭄᭞ᬧᬢ᭄ᬣᬶᬄᬚᬮᬤᬭ᭞ᬫᬋᬓ᭄ᬫᬭᬶᬂᬳᬬᬸᬡ᭄ᬦᬦ᭄᭞ᬓ᭄ᬭᬯᬸᬳᬾᬳᬗᭂᬩᬓ᭄ᬢᬶ᭞ᬳᬗᬭᬲ᭄ᬧᬤ᭄ᬥᬵ᭞ᬳᬗᬢᬹᬃᬭᬂᬧᬢ᭄ᬣᬶᬭᬶᬧ᭄᭟ᬗᬡ᭄ᬥᬶᬓᬵᬳᬮᭀᬦ᭄ᬲᬂᬚᬬᬾᬂᬧᬬᬲᬦ᭄᭞ᬬ᭄ᬬᬬᬶᬭᬓ᭄ᬬᬵᬦ᭄ᬧᬢᬶᬄ
᭞ᬲᬸᬓᬸᬃᬰᬶᬂᬲᬸᬓ᭄ᬱ᭄ᬫᬵ᭞ᬬᬬᬶᬲᬦᬓ᭄ᬮᬦ᭄ᬳᬶᬗ᭄ᬯᬵᬂ᭞ᬲᬋᬂᬦ᭄ᬝᬸᬳᬮᬵᬩ᭄ᬘᬶᬓ᭄᭞ᬢᬸᬗ᭄ᬕᬮ᭄ᬳᬕᬫ᭄ᬫᬵ᭞ᬗᬲ᭄ᬢᬸᬓᭂᬦ᭄ᬳ᭠ᬮᬄᬲᬶᬚᬶ᭟ᬫᬗ᭄ᬓᬶᬦ᭄ᬬᬬᬶᬫᬭᬶᬳᬦᭂᬫ᭄ᬩᬄᬩ᭄ᬭᬳᬮᬵ᭞ᬳᬦᬸᬢ᭄ᬕᬫᬦᬩᬶᬩ᭄ᬭᬳᬶᬫ᭄᭞ᬲᬶᬤᬶᬓ᭄ᬳᬢᬵᬯᭂᬓᬲ᭄᭞ᬫᬗ᭄ᬓᬾ
ᬮᬄᬳᬸᬘᬧ᭄ᬲᬥᬢ᭄᭞ᬜᬓ᭄ᬱᬾᬦᬶᬦ᭄ᬳᬦᬩᬶᬩ᭄ᬭᬳᬶᬫ᭄᭞ᬓᬶᬚᬮᬤᬭᬵ᭞ᬫᬢᬸᬃᬲᬃᬯᬶᬳᬯᭀ᭠ᬢ᭄ᬱᬭᬶ᭟ᬲᬶᬗ᭄ᬕᬶᬄᬤᬾᬯ᭄ᬯᬵᬓᬳᬸᬮᬵᬩᭀᬬᬍᬗ᭄ᬕᬡ᭄ᬦᬵ᭞ᬦᬸᬮ᭄ᬬᬲᬓᬾᬳᬶᬂᬫᬦ᭄ᬢ᭄ᬭᬶ᭞ᬢ᭄ᬓᬦᬶᬓᬂᬯᬤ᭄ᬬᬵ᭞ᬲᬫᬶᬳᬗᬸᬘ᭄ᬘ
ᬧ᭄ᬲᬤᬢ᭄᭞ᬲᬋᬂᬫᬜ᭄ᬚᬶᬂᬕᬫ᭄ᬫᬵᬲᬸᬘᬶ᭞ᬳᬦᬡ᭄ᬥᬂᬳᬶᬫᬦ᭄᭞ᬳᬗᬡ᭄ᬥᬶᬓᬵᬚᬬᬾᬂᬧᬢ᭄ᬣᬶ᭟ᬫᬗ᭄ᬓᬾᬬᬬᬶᬚᬮᬤᬭᬵᬗᬤ᭄ᬥᭂᬕ᭄ᬭᬚᬵ᭞ᬳᬫᭂᬗ᭄ᬓᬸᬦᬸᬲᭀᬦ᭄ᬢᬭᬶ᭞ᬢᭂᬢ᭄ᬣᭂᬧ᭄ᬳᬕᬫ᭄ᬫᬵ᭞ᬲᬫ᭄ᬩᬬᬂᬯᬓ᭄ᬢᬸᬮᬶᬫᬵ᭞ᬚ᭄ᬭᭀᬦᬶᬂᬲᬯ᭄ᬯᬂᬲᬱᬵ
[᭔᭔ 44 A]
ᬲᬰᬶᬄ᭞ᬲᬦᬗ᭄ᬓᭂᬦ᭄ᬭᬫ᭄ᬫᬢ᭄᭞ᬳᬧ᭄ᬯᬱᬵᬤᬾᬦᬕᬢ᭄ᬣᬶ᭟ᬬᬬᬶᬳᬓᬾᬦ᭄ᬳᬓᬃᬬ᭄ᬬᬓᬂᬮᬗ᭄ᬕᬵᬃ᭞ᬬᬬᬶᬓᬃᬬ᭄ᬬᬦᬫᬸᬓᬶᬫ᭄᭞ᬓᬮᬯᬦ᭄ᬲᬸᬮᬸᬧᬢ᭄ᬧᬢ᭄᭞ᬳᬗᬤᭂᬕ᭄ᬦᬵᬚᬸᬫᬳᬢ᭄᭞ᬮᬚᬤᬭᬵᬫᬢᬹᬃᬳᬭᬶᬲ᭄᭞
ᬳᬶᬗ᭄ᬕᬶᬄᬲᬡ᭄ᬥᬶᬓᬵ᭞ᬧ᭄ᬭᬪᬹᬳᬜᬃᬦᬩ᭄ᬥᬵᬳᬭᬶᬲ᭄᭟ᬭᬶᬂᬯᬤ᭄ᬬᬦᬾᬦᬫ᭄ᬩᬸᬢ᭄ᬓᬃᬬ᭄ᬬᬗᬤ᭄ᬥᭂᬕ᭄ᬮᬗ᭄ᬕᬵᬃ᭞ᬲᬓᬾᬄᬯᬤ᭄ᬬᬦᬹᬲᭀᬦ᭄ᬢᬭᬶ᭞ᬢᬓ᭄ᬦᬶᬂᬮᬸᬭᬳᬦ᭄᭞ᬕᬸᬫ᭄ᬩᬸᬭᬸᬄᬦᬫ᭄ᬩᬸᬢ᭄ᬓᬃᬬ᭄ᬬᬵ᭞ᬲᬤᬶᬦᬵᬳᬦᬸᬮ᭄ᬬᬤᬤᬶ᭞ᬫᬲᬶᬕᬶ᭠
ᬢ᭄ᬳᬶᬓᬵ᭞ᬧ᭄ᬭᬪᬹᬳᬜᬃᬗᬡ᭄ᬥᬶᬓᬵᬳᬭᬶᬲ᭄᭟ᬳᬓ᭄ᬯᬾᬄᬯᬂᬫᬸᬡ᭄ᬥᬸᬢ᭄ᬭᬚᬵᬩ᭄ᬭᬡ᭄ᬦᬵ᭞ᬭᬶᬂᬧ᭄ᬭᬪᬹᬓᬂᬫᬢ᭄ᬣᬶ᭞ᬢ᭄ᬓᬦᬶᬂᬯᬃᬕᬦ᭄ᬬ᭞ᬧᬦ᭄ᬓᬢᬳᬶᬂᬧᬸᬡ᭄ᬥᬸᬢᬦ᭄᭞ᬓᬶᬦᬾᬦ᭄ᬫᬶᬬᭀᬲ᭄ᬳᬫᬋᬓᬶ᭞ᬭᬶᬂᬧᬲᬗ᭄ᬕ᭄ᬭᬳᬦ᭄᭞ᬲᬸᬮ᭄ᬢᬦ᭄ᬳᬶᬂᬧᬸᬲᭂᬃᬪᬹ
ᬫᬶ᭟ᬲᬫ᭄ᬧᬸᬦ᭄ᬓᬢᬸᬃᬧ᭄ᬭᬕᬃᬯ᭄ᬯᬵᬮᬦ᭄ᬭᬚᬵᬩ᭄ᬭᬡ᭄ᬦᬵ᭞ᬫᬭᬶᬂᬲᬸᬮ᭄ᬢᬦ᭄ᬳᬶᬂᬳᬭᬩᬶ᭞ᬳᬦᬸᬮ᭄ᬬᬲᬶᬦᬦ᭄ᬭᬄ᭞ᬭᬶᬂᬳᬃᬬ᭄ᬬᬧᬓᬸᬯᬚᬵ᭞ᬲᬸᬓᬦᬾᬢᬹᬃᬮᬶᬦ᭄ᬢᬂᬗᬰᬶᬄ᭞ᬯᬤ᭄ᬬᬦᬶᬂᬫ᭄ᬓᬄ᭞ᬮᬦ᭄ᬯᬤ᭄ᬬᬦᬸᬲᭀᬦ᭄ᬢᬭᬶ᭟ᬳᬗᬡ᭄ᬥᬶᬓᬵᬚᬬᬾᬂ
Kaca:Bali-lontar-gaguritan-kendit-birayung-300ppi.pdf/44
Kaca puniki sampun kauji-wacén
