[᭓᭔ 34 B]
᭓᭔
ᬮᬶᬳᬶᬭᬯᬸᬲ᭄ᬧ᭄ᬭᬧ᭄ᬢᬵ᭟ᬳᬸᬫᬋᬓᬮᬶᬳᬶᬭᬵᬳᬲᭀᬤᬭᬶ᭞ᬳᬡ᭄ᬦᬡ᭄ᬥᬂᬓᬫ᭄ᬭᬡ᭄ᬦᬦ᭄᭞ᬲᬂᬓᬮᬶᬄᬳᬢᬹᬂᬢᬹᬂᬢᬗᬶᬲ᭄᭞ᬯᬲ᭄ᬧᬤ᭄ᬥᬲᬫ᭄ᬬᬳᬜᬶᬗᬓ᭄᭛ᬧᬹᬄ᭞ᬗᬦ᭄ᬢᭀᬲ᭄᭞᭛ᬲᬓᬢ᭄ᬣᬄᬓᬂᬧᬋ
ᬭᬢᬸ᭞ᬧᬹᬗ᭄ᬕᬯ᭄ᬯᬵᬲᬮᬫᬗᬸᬜ᭄ᬚᬭᬶ᭞ᬧᬺᬭᬢᬸᬭᬶᬂᬭᬚᬵᬧᬹᬢᬻ᭞ᬫᬶᬯᬄᬭᬶᬂᬫᬲ᭄ᬳᬋᬗ᭄ᬕᬦᬶᬲ᭄᭞ᬗᬡ᭄ᬥᬶᬓᬵᬭᬫ᭄ᬫᬳᬫ᭄ᬱ᭄ᬬᬄ᭞ᬥᬹᬄᬦᬦᬓ᭄ᬓᬮᬶᬄᬧ᭄ᬭᬧ᭄ᬢᬶ᭟ᬓᬮᬶᬦ᭄ᬢᬂᬗᬶᬂᬦᬶᬃᬤᭀᬦ᭄ᬳᬶᬗ᭄ᬲᬸᬦ᭄᭞ᬳᬬᬸᬤᬵᬮᬦ᭄ᬓᬸᬧᬃᬳᬜ᭄ᬚᬶᬂ
᭞ᬋᬗ᭄ᬕᬦᬶᬲ᭄ᬳᬦᬓᬶᬜ᭄ᬯᬂ᭞ᬳᬸᬯᬦᬶᬭᬜᬯ᭄ᬯᬵᬓᬦ᭄ᬭᬶᬓᬶ᭞ᬧᬦ᭄ᬓᬓᬂᬳᬸᬫᬃᬫᬬᬵ᭞ᬳᬶᬘᬮ᭄ᬭᬶᬂᬢ᭄ᬗᬾᬂᬧᬮᬸᬧᬶ᭟ᬢᬦ᭄ᬓᬦ᭄ᬢᭂᬦ᭄ᬢᬦᬦᬵᬯ᭄ᬭᬸᬄ᭞ᬬᬢᬵᬧ᭄ᬚᬄᬮᬯᬦᬸᬭᬶᬧ᭄᭞ᬳᬯᭀᬓ᭄ᬱᭂᬫ᭄ᬩᬄᬫᬲᬶᬂᬳᬃᬖ᭄ᬕᬵ᭞ᬗᬭᬲ᭄ᬧᬥ᭄ᬥᬫᬢᬸᬃ
ᬧᬫᬶᬢ᭄᭞ᬫᬋᬓ᭄ᬭᬓᬵᬳᬡ᭄ᬥᬶᬓᬵ᭞ᬳᬶᬂᬕᬸᬦᬹᬂᬓᬾᬢᬸᬓᭂᬜ᭄ᬘᬡ᭄ᬦᬵ᭟ᬫ᭄ᬭᬶᬂᬭᬫᬵᬲᬸᬦ᭄ᬫᬳᬢᬹᬃ᭞ᬗᬡ᭄ᬥᬶᬓᬵᬲᬂᬚᬬᬾᬂᬯᬢ᭄ᬣᬶ᭞ᬮᬄᬮᬸᬗᬵᬦᬶᬂᬳᬦᬓᬶᬗ᭄ᬯᬵᬂ᭞ᬭᬢ᭄ᬦᬬᬸᬳᬋᬗᬦᬶᬲ᭄᭞ᬳᬫᬶᬢᬹᬃᬳᬯᭀᬢ᭄ᬲᭂᬫ᭄ᬩᬄ᭞ᬳᬗ᭄ᬮᬾ
[᭓᭕ 35 A]
ᬗ᭄ᬲᬾᬃᬲᬂᬤ᭄ᬬᬄᬫ᭄ᬥᬮᬶ᭟ᬲᬶᬕᬻᬫᬸᬮᬸᬓᬶᬂᬳᬸᬫᬫ᭄ᬩᬸᬃ᭞ᬧᬳᬶᬩᭂᬃᬭᬾᬳᬯᭀᬃᬳᬗᬶᬦ᭄᭞ᬫ᭄ᬮᬭᭀᬢ᭄ᬮᬶᬃᬫ᭄ᬭᬘᬸᬢᬸᬡ᭄ᬥᬃ᭞ᬢᬦ᭄ᬓᬯᬃᬡ᭄ᬦᬳᬶᬂᬯ᭄ᬬᬢ᭄ᬣᬶ᭞ᬧ᭄ᬭᬧ᭄ᬢᬾᬂᬳᬶᬂᬳᬮ᭄ᬥᬵᬳ᭄ᬫᬵᬲ᭄᭞ᬧᬋᬓ᭄ᬫᬭᬶᬂᬭᬫᬵᬳᬚᬶ᭟ᬳᬗᬭᬲ᭄ᬧᬥᬳᬸ
ᬫᬢᬸᬃ᭞ᬲᬶᬗ᭄ᬕᬶᬕ᭄ᬭᬫᬵᬤᬲᬂᬧᬡ᭄ᬥᬶᬢ᭄ᬣᬵᬲᬯᬸᬃᬩᬦ᭄ᬩᬦ᭄᭞ᬗᬡ᭄ᬥᬶᬓᬵᬯᬜ᭄ᬘᬡ᭄ᬦᬵᬳᬭᬶᬲ᭄᭞ᬳᬥᬹᬄᬦᬶᬦᬶᬫᬗ᭄ᬓᬾᬧ᭄ᬭᬧ᭄ᬢᬵ᭞ᬓᬗᭂᬦ᭄ᬲᬸᬦ᭄ᬭᬶᬂᬳᬦᬓ᭄ᬢᬦ᭄ᬲᬶᬧᬶ᭟ᬫ᭄ᬭᬶᬂᬲᬶᬭᬵᬫᬲ᭄ᬜᬯ᭄ᬯᬵᬳᬬᬸ᭞ᬮᬫᬶᬦᭀᬭᬳ᭠
ᬫᬦ᭄ᬢᬸᬓᬶ᭞ᬲᬶᬭᬦᬶᬦᬶᬢ᭄ᬓᬾᬂᬳᭂᬡ᭄ᬥᬶᬬᬵ᭞ᬫᬧᬦ᭄ᬭᭀᬂᬘᬫ᭄ᬤᬺᬳᬮᬫᬶ᭞ᬦᭀᬭᬫᬦ᭄ᬢᬸᬓ᭄ᬫᬭᬶᬂᬓᬾᬦ᭄ᬬᬵ᭞ᬤ᭄ᬬᬄᬋᬗ᭄ᬕᬦᬶᬲ᭄ᬫᬢᬸᬃᬪᬓ᭄ᬢᬶ᭟ᬯ᭄ᬬᬓ᭄ᬢᬶᬮᬫᬶᬢᬶᬢ᭄ᬬᬂᬫᬦ᭄ᬢᬸᬓ᭄᭞ᬓᬤᬶᬯᭂᬜ᭄ᬘᬡ᭄ᬦᬦ᭄ᬭᬫᬚᬶ᭞ᬢᬦ᭄ᬓᭂᬦᬵᬭᬳᬶ
ᬳᬡ᭄ᬥᬶᬓᬵ᭞ᬲᬸᬮ᭄ᬢᬦ᭄ᬳᬦᬾᬦᬵᬕ᭄ᬧᬹᬲᭂᬃᬪᬹᬫ᭄ᬫᬶ᭞ᬳᬗᬩᭂᬢ᭄ᬬᬸᬤᬵᬧᬸᬦᬶᬓᬵ᭞ᬮᬯᬦ᭄ᬭᬢᬹᬦᬸᬲᭀᬦ᭄ᬢᬭᬶ᭟ᬬᬸᬤᬵᬓᬡ᭄ᬥᬧ᭄ᬓᬧᭂᬲ᭄ᬳᬶᬓᬸ᭞ᬓᬭᬗ᭄ᬓᬸᬂᬳᬡ᭄ᬥᬡ᭄ᬥᬂᬓᬦᬶᬦ᭄᭞ᬫᬶᬯᬄᬳᬸᬯᬳᬸᬫᬃᬫᬬᬵ᭞ᬳᬶᬘᬮ᭄ᬢᭂᬓᬾᬂᬮᬖ᭄ᬕᬵᬭᬶᬳᬶ᭠
Kaca:Bali-lontar-gaguritan-kendit-birayung-300ppi.pdf/35
Kaca puniki sampun kauji-wacén
