[᭓᭓ 33 B]
᭓᭓
ᬝᬳᬦᬶᬲ᭄ᬗᬡ᭄ᬥᬶᬓᬵ᭟ᬬᬬᬶᬮᬂᬲᬸᬫᬶᬭᬂ᭞ᬳᬚᬵᬩᬭᬶᬩᬶᬭᬸᬶᬦ᭄ᬧᬸᬦᬂᬓᭂᬡ᭄ᬥ᭄ᬬᬵ᭞ᬯᬶᬗᬶᬤ᭄ᬲᬸᬦᬶᬫ᭄ᬧᭂᬡ᭄ᬦᬵ᭞ᬫᬭᬶᬂᬲᬚ᭄ᬭᭀᬦᬶᬂᬧ᭄ᬢᬶᬦᬾ᭞ᬳᬚᬵᬳᬡ᭄ᬦᬯᭀᬂᬓᬂᬯ᭄ᬭᬸᬄ᭞ᬳᬾᬜ᭄ᬚᬂᬳᬾᬦᬵᬚᬶᬂᬧᬸᬦ᭄ᬱᬶᬚᬫᬶᬃ᭞ᬮᬫᬸᬦ᭄ᬳᬲᬾᬜᬳᬶᬂ
ᬓᬾᬦ᭄ᬬ᭞ᬲᬸᬦ᭄ᬚᭂᬦᭂᬂᬫᬦ᭄ᬢ᭄ᬭᬶᬳᬦᬾᬓᬸ᭞ᬢᬦ᭄ᬓᬯᬃᬡ᭄ᬦᬵᬳᬶᬂᬧᬬᬸᬤᬦ᭄᭞ᬓᬂᬓᬯᬃᬡ᭄ᬦᬵ᭞ᬦᬾᬂᬧᬲᬗ᭄ᬕ᭄ᬭᬦ᭄ᬚᬬᬾᬂᬧᬢ᭄ᬣᬶ᭞ᬓᬗᭂᬦ᭄ᬳᬾᬦ᭄ᬬᬓᬢᬹᬃᬡ᭄ᬦᬦ᭄᭟ᬤᬾᬦᬶᬂᬳᬶᬭᬧᬹᬦ᭄ᬱ᭄ᬭᭂᬧᬵᬪᬹᬫᬶ᭞ᬢᬦᬶᬂᬓᬸᬤ᭄ᬥᬵ᭞ᬳᬜᬮᬾᬫ᭄ᬧᭀᬳᬂᬲᬶ᭠
ᬢ᭄ᬬᬵ᭞ᬲ᭄ᬓᬃᬤ᭄ᬬᬸᬢᬦ᭄ᬳᬗᬤᭂᬕᬾᬳᬓᬾᬄᬦᬦ᭄ᬤᬂᬓᬦᬶᬦ᭄ᬳᬶᬓᬸ᭞ᬧᬺᬚᬸᬭᬶᬢ᭄ᬫᭂᬓᬄᬧ᭄ᬭᬶᬬᬢ᭄ᬣᬶ᭞ᬓᬗᭂᬦᬾ᭠ᬢ᭄ᬯᬶᬓᬮᬶᬦ᭄ᬢᬂ᭞ᬭᬶᬂᬲᬶᬭᬳᬸᬫᬃᬫᬬᬾᬓᬸ᭞ᬲᬳᬶᬘᬮᬾᬫᬭᬶᬂᬭᬡ᭄ᬦᬵ᭞ᬢᬦ᭄ᬓᬦ᭄ᬢᭂᬡ᭄ᬦᬵ᭞ᬫ᭄ᬯᬄᬧ᭄ᬚᬄᬮᬯᬦ᭄ᬳᬸᬭᬶᬧ᭄᭞ᬳᬾ
ᬭᬦ᭄ᬧ᭄ᬭᬫᬦ᭄ᬢ᭄ᬭᬶᬧᬹᬗ᭄ᬕᬯ᭄ᬯᬵ᭟ᬲᬓᬢᬳᬾᬲᬫ᭄ᬬᬦᬡ᭄ᬥᬂᬲ᭄ᬥᬶᬄ᭞ᬦᬾᬭᬶᬂᬧᬲᬗ᭄ᬕ᭄ᬭᬵᬦ᭄᭞ᬲᬶᬚᬶᬢᬦ᭄ᬳᬸᬫ᭄ᬤᬮ᭄᭞ᬳᬗ᭄ᬭᬱᬵᬗᬺᬱᬶᬂᬳᬢ᭄ᬣᬶᬦᬾ᭞ᬓᬯᬃᬡ᭄ᬦᬵᬋᬗ᭄ᬕᬦᬶᬲᬶᬓᬸ᭞ᬫᬢᬹᬃᬫᬭᬶᬂᬩᬜ᭄ᬚᬭᬦ᭄ᬲᬭᬶ᭞ᬳᬗᭂᬫ᭄ᬩᭂᬂᬢᬶᬃᬢ᭄ᬣᬦᬶᬂᬯᬲ᭄ᬧᬵ
[᭓᭔ 34 A]
᭞ᬭᬫᬚᬶᬳᬡ᭄ᬥᬶᬓᬵᬭᬢᬸ᭞ᬲᬗ᭄ᬲᬭᬵᬗ᭄ᬫᬲᬶᬦ᭄ᬬᬸᬤ᭄ᬥᬵ᭞ᬭᬫᬳᬡ᭄ᬥᬶᬓᬵᬢᬸᬮᬸᬗᬶ᭞ᬩ᭄ᬥᬄᬫᬗ᭄ᬓᬢ᭄ᬲᬫ᭠ᬗ᭄ᬓ᭄ᬬᬵ᭛ᬧᬹᬄ᭞ᬲ᭄ᬮᬓᬵᬓᬸᬦᬶᬂ᭞᭛ᬅᬗᬶᬂᬕᬃᬯ᭄ᬯᬵᬡ᭄ᬦᬶᬓᬵᬳᬚᬵᬫᬶᬍᬢ᭄ᬣᬶ᭞ᬭᬶᬫ᭄ᬩᬶᬢ᭄ᬳᬓ᭄ᬯᬾᬄᬘᬶᬗᬓ᭄᭞ᬩ᭄ᬘᬶᬓ᭄ᬓᬃᬬ᭄ᬬ
ᬡ᭄ᬦᬵᬳᬶᬭᬶᬓᬶ᭞ᬦᬸᬗ᭄ᬕᬸᬳᬦᬵᬫᬭᬳᬶᬂᬧᬹᬭᬵ᭟ᬲᬶᬭᬵᬭᬤᬾᬦ᭄ᬩᬜ᭄ᬚᬭᬦ᭄ᬱᬭᬶ᭞ᬳᭂᬗ᭄ᬱᭂᬓ᭄ᬳᬲ᭄ᬫᬸᬯᬲ᭄ᬧᭂ᭞ᬫᬶᬋᬂᬳᬢᬸᬃᬤ᭄ᬬᬄᬋᬗ᭄ᬕᬦᬶᬲ᭄᭞ᬗᬡ᭄ᬥᬶᬓᬵᬮᬶᬄᬬᬶᬢᬸᬮᬸᬗᬵ᭟ᬳᬦᬸᬲᬸᬮ᭄ᬫ᭄ᬭᬶᬂᬭᬫᬚᬶᬢ᭄ᬯᬦ᭄ᬳᬫᬶᬃ᭞ᬫᬲ᭄ᬳᬬᬸ
ᬳᬶᬂᬳᬃᬖ᭄ᬕᬵ᭞ᬮᬦ᭄ᬭᬤᬾᬦ᭄ᬩᬜ᭄ᬚᬭᬦ᭄ᬲᬭᬶ᭞ᬲᬶᬕᬺᬫ᭄ᬥᬮ᭄ᬲᬓᬶᬂᬧᬸᬭᬵ᭟ᬫ᭄ᬭᬶᬂᬧᬲᬾᬩᬦ᭄ᬭᬢ᭄ᬦᬬᬸᬳᬋᬗ᭄ᬕᬦᬶᬲ᭄᭞ᬭᬢ᭄ᬦᬵᬤᬾᬯᬶᬲᬶᬕ᭄ᬭᬵ᭞ᬳᬗᬸᬘᬸᬮᬜ᭄ᬘᬶᬗᬦᬾᬓ᭄ᬓᬶ᭞ᬕᬶᬦᬫᭂᬮᬶᬂᬢ᭄ᬯᬦ᭄ᬫᬦ᭄ᬢ᭄ᬬᬵ᭟ᬤ᭄ᬬᬄᬋᬗ᭄ᬕᬦᬶ
ᬲ᭄ᬳᬸᬫᬶᬩᭂᬭᬶᬂᬢᬯᬂᬦᬸᬮᬶ᭞ᬦᬸᬦ᭄ᬢᬸᬦ᭄ᬭᬤᬾᬦ᭄ᬫᬦ᭄ᬢ᭄ᬬᬵ᭞ᬧᬳᬶᬩᭂᬃᬦᬶᬤ᭄ᬬᬄᬋᬗ᭄ᬕᬦᬶᬬ᭄᭞ᬳᬯᭀᬃᬫᬾ᭠ᬖ᭄ᬕᬵᬕ᭄ᬢᬓ᭄ᬳᬶᬓᬵ᭟ᬩᭂᬅ᭄ᬤᬦ᭄ᬲᬸᬩᬸᬄᬧ᭄ᬭᬧ᭄ᬢᬵᬫᬭᬶᬂᬦᬸᬲᭀᬦ᭄ᬢᬭᬶ᭞ᬢᬸᬭᬸᬦ᭄ᬫᬭᬶᬂᬲᬶᬢ᭄ᬬᬵ᭞ᬦᬸᬚᬸᬧᬲᬗ᭄ᬕ᭄ᬭᬳᬦᬸᬮᬶ᭞
Kaca:Bali-lontar-gaguritan-kendit-birayung-300ppi.pdf/34
Kaca puniki sampun kauji-wacén
