[᭑᭘ 18 B]
᭑᭘
ᬬᬶᬦ᭄ᬮᬦ᭄ᬫᭂᬓᬄ᭞ᬲᬸᬦ᭄ᬧᬺᬳᬓᭂᬦ᭄ᬱᬶᬭᬾᬓᬶ᭞ᬳᬶᬗ᭄ᬲᬸᬦ᭄ᬳᬗ᭄ᬮᬸᬗ᭄ᬲᬸᬃᬭᬵ᭞ᬳᬗᬲ᭄ᬢᬡ᭄ᬦᬵᬦᬶᬂᬫ᭄ᬥᬬᬶᬦ᭄᭟ᬫᬲ᭄ᬓᬸᬦᬧᬵᬫᬭᬾᬦ᭄ᬢᬄᬧᬸᬦᬂᬪᬵᬮᬵ᭞ᬯᭀᬂᬫ᭄ᬓᬄᬮᬦ᭄ᬫᬤᬬᬶᬦ᭄᭞ᬧ᭄ᬭᬪᬹᬦᬸᬲᭀᬦ᭄ᬢᬭᬵ᭞ᬮᬶᬦ᭄ᬢᬂᬢᬸᬱ᭄ᬢᬳᬫ᭄ᬬᬃᬰᬵ᭞ᬲ
ᬓᬾᬳᬶᬂᬧᬹᬗ᭄ᬕᬯ᭄ᬯᬵᬫᬦ᭄ᬢ᭄ᬭ᭄᭞ᬲᬫ᭄ᬬᬤᬶᬦᬤᬃ᭞ᬤᬾᬦᬶᬂᬩᬸᬲᬡ᭄ᬦᬳᬤ᭄ᬥᬶ᭟ᬫᬦ᭄ᬢ᭄ᬭᬶᬫ᭄ᬥᬬᬶᬦ᭄ᬫᬦ᭄ᬢ᭄ᬭᬶᬳᬶᬂᬦᬸᬲᭀᬦ᭄ᬢᬭᬵ᭞ᬲᬫᬶᬯᬸᬲ᭄ᬤᬶᬦᬤᬃᬭᬶᬦ᭄᭞ᬦᭀᬭᬓᬮᬶᬯᬢ᭄ᬣᬦ᭄᭞ᬲᬂᬧ᭄ᬭᬪᬹᬦᬸᬲᭀᬦ᭄ᬢᬭᬵ᭞ᬫᬶᬯᬄᬲᬂᬧ᭄ᬭᬪᬹᬫᬥᬬᬶ
ᬦ᭄᭞ᬳᬗ᭄ᬕᬯᬾᬢᬺᬱ᭄ᬡᬵ᭞ᬲ᭄ᬯᬃᬭᬡ᭄ᬥᬦᬵᬦᬶᬂᬫᬦ᭄ᬢ᭄ᬭᬶ᭛ᬧᬹᬄ᭞ᬲ᭄ᬫᬵ᭞᭛ᬤᬢᬦ᭄ᬓᬯᬃᬦᬶᬳᬶᬂᬮᬢ᭄ᬢ᭄ᬭᬶ᭞ᬳᬾ᭠ᬜ᭄ᬚᬂᬳᬦᬩᬸᬄᬢᬗ᭄ᬕᬸᬃᬭᬦ᭄᭞ᬳᬶᬱ᭄ᬢᬵᬫᬶᬬᭀᬲᬶᬭᬧᬮᬸᬕᭀᬦ᭄᭞ᬘᬓ᭄ᬯᬾᬄᬯᬤ᭄ᬬᬦᬹᬲᭀᬦ᭄ᬢᬭᬵ᭞ᬲᬫ᭄ᬬᬫᬸᬓ᭄ᬢᬶᬕᬕᬫ
ᬦ᭄ᬬ᭞ᬲ᭄ᬬᬕᬵᬲᬲᬶᬓᭂᬧᬦ᭄ᬳᬶᬧᬸᬦ᭄᭞ᬳᬶᬢᬸᬫᭂᬗ᭄ᬕᬸᬂᬚᬵᬮᬦ᭄ᬥᬭᬵ᭟ᬳᬶᬗᬶᬭᬶᬂᬤᬾᬦᬶᬂᬧ᭄ᬭᬚᬸᬭᬶᬢ᭄᭞ᬓᬂᬢᬸᬫᭂᬗ᭄ᬕᬸᬂᬚᬵᬮᬤ᭄ᬥᬭ᭞ᬳᬦᬶᬕ᭄ᬕᬶᬄᬓᬸᬤ᭄ᬥᬵᬮ᭄ᬯᬶᬃᬩᬭᭀᬂ᭞ᬚᬢ᭄ᬫᬓᬵᬳᬗᬕᭂᬫ᭄ᬕᬤ᭄ᬥᬵ᭞ᬧᬭᬾᬲᬶᬦᬾᬫᬮᬾᬮᬵ᭞ᬳ
[᭑᭙ 19 A]
ᬩᬡ᭄ᬥᬾᬭᬳᬩᬂᬫᬸᬭᬸᬩ᭄᭞ᬚᬢ᭄ᬫᬶᬓᬵᬳᬧᬚᭂᬂᬓᭂᬫ᭄ᬩᬭ᭄᭟ᬳᬸᬫᬸᬂᬢᬶᬦᬩᬸᬄᬕᭀᬂᬩᬾᬭᬶ᭞ᬲᬶᬦᬯᬸᬭᬦᬶᬂᬕᬫ᭄ᬮᬦ᭄᭞ᬳᬲᭂᬲᬡ᭄ᬥᬭᬦ᭄ᬮᬓᬸᬦᬾ᭞ᬯᬸᬲ᭄ᬧ᭄ᬭᬵᬢᬵᬭᬶᬂᬳᬭᬄ᭞ᬦᬸᬮ᭄ᬬᬳᬦᬢ᭄ᬣᬄᬪᬮᬵ᭞ᬳᬫᬋᬧ᭄ᬮᭀᬃᬪ
ᬭᬶᬲᬶᬧᬹᬦ᭄᭞ᬓᬥᬶᬲᬕᬭᬵᬩᬮᬪᬵᬃ᭟ᬯᬤ᭄ᬬᬫ᭄ᬓᬄᬳᬦᬶᬗᬮᬶᬦ᭄᭞ᬫ᭄ᬱᭂᬄᬓᬧᬶᬃᬳᬓᬾᬄᬧ᭄ᬭᬧ᭄ᬢᬵ᭞ᬲᬶᬕ᭄ᬭᬳᬦᬩᬸᬄᬧᬸᬦᬂᬕᭀᬂ᭞ᬩᬶᬭᬶᬢᬢᭂᬗ᭄ᬭᬦᬶᬂᬭᬡ᭄ᬦᬵ᭞ᬲᬫ᭄ᬬᬦᬫ᭄ᬩᬸᬢ᭄ᬕᬕᬯᬦ᭄᭞ᬲᬓᬾᬄᬧᬺᬚᬸᬭᬶᬢ᭄ᬧᬺᬭᬢᬹ᭞ᬫ᭄ᬥᬮ᭄ᬲ
ᬓᬶᬂᬧᬲᬂᬗ᭄ᬕ᭄ᬭᬳᬦ᭄᭟ᬅᬗᬶᬭᬶᬂᬲᬸᬮ᭄ᬢᬦ᭄ᬳᬭᬩᬶ᭞ᬳᬸᬫᬃᬫᬬᬵᬦᬢ᭄ᬣᬄᬯᬤ᭄ᬬ᭞ᬫᬋᬧ᭄ᬫᬗᬶᬤᬹᬮ᭄ᬩᬸᬭᬶᬲᬾ᭞ᬲᬸᬭᬓ᭄ᬭᬫᬾᬳᬢᬶᬫ᭄ᬩᬮᬦ᭄᭞ᬓᬤᬶᬳ᭄ᬭᬸᬕ᭄ᬓᬂᬳᬓᬵᬰᬵ᭞ᬲᬶᬦᬯᬸᬭᬦ᭄ᬕᬫ᭄ᬮᬦᬸᬫᬸᬂ᭞ᬓᬶᬢᬸᬫᭂᬗ᭄ᬕᬸᬂᬚᬵᬮᬤ᭄ᬥᬭᬵ᭟ᬅᬫᭀᬮᬄ
ᬳᬓᭂᬦᬶᬂᬯᬚᬶ᭞ᬲᬃᬯ᭄ᬯᬶᬗᬸᬯᬸᬄᬲᬸᬫ᭄ᬩᬃᬲᬸᬫ᭄ᬩᬵᬃ᭞ᬮᬄᬧᬧᬕ᭄ᬦᬵᬤᬾᬦ᭄ᬳᬕᬾ᭞ᬲᬧᬵᬓᬂᬳᬋᬧᬮᬢᬻ᭞ᬫᬭᬾᬦᬾᬬᬤᬾᬦ᭄ᬳᬾᬗ᭄ᬕᬮ᭄᭞ᬦᭀᬭᬵᬮ᭄ᬬᬦ᭄ᬳᬫᬸᬂᬳᬶᬗ᭄ᬲᬸᬦ᭄᭞ᬩᬦ᭄ᬢᬾᬂᬫᬭᬾᬂᬦᬸᬲᭀᬦ᭄ᬢᬭᬵ᭟ᬭᬚᬵᬚᬸᬮ᭄ᬤᬳ
Kaca:Bali-lontar-gaguritan-kendit-birayung-300ppi.pdf/19
Kaca puniki sampun kauji-wacén
