[᭑᭒ 19 B]
᭑᭙
ᬫ᭄ᬬᬃᬰᬶ᭞ᬧᬦᬂᬢ᭄ᬣᬂᬗᬾᬚᬮᬤ᭄ᬥᬭᬵ᭞ᬮ᭄ᬯᬶᬃᬲᬶᬦᭂᬩᬶᬢᬮᬶᬗᬦᬾ᭞ᬩ᭄ᬭᬄᬫᬦ᭄ᬢ᭄ᬬᬵᬦ᭄ᬲᬶᬭᬓᬮᬶᬦ᭄ᬢᬂ᭞ᬳᬫᬶᬢ᭄ᬫᬭᬶᬂᬲᬸᬮ᭄ᬢᬦ᭄᭞ᬳᬗᬭᬲ᭄ᬧᬤ᭄ᬥᬵᬳᬸᬫᬢᬹᬃ᭞ᬳᬫᬶᬢ᭄ᬓᬳᬸᬮᬵᬫᬕᬸᬢ᭄ᬣᬵ᭟ᬳᬡ᭄ᬥᬶᬓᬵᬲᬂᬚᬬᬾᬂᬧᬢ᭄ᬣᬶ᭞ᬮᬄᬧᬕᬸ
ᬢ᭄ᬢᬡ᭄ᬦᬲᬶᬓᬸᬧᬃ᭞ᬲᬸᬦ᭄ᬱ᭄ᬭᬳᬓᭂᬦ᭄ᬭᬶᬂᬳ᭄ᬬᬂᬫᬦᭀᬦ᭄᭞ᬧᭀᬫᬳᬚᬵᬓᬶᬭᬂᬧ᭄ᬭᬬᬢ᭄ᬦᬵ᭞ᬭᬚᬵᬚᬸᬮ᭄ᬤᬳᬡ᭄ᬥᬃ᭞ᬓᬸᬤᬵᬦᬾᬫᬗ᭄ᬲᭂᬄᬭᬶᬂᬗᬬᬹᬦ᭄᭞ᬳᬲᬶᬓᭂᬧ᭄ᬯᬝ᭄ᬣᬂᬧᬶᬦᭀᬦ᭄ᬢᬂ᭟ᬧᬭᬾᬲᬶᬯᭂᬰᬶᬯ᭄ᬭᬲᬦᬶ᭞ᬳᬦᭂᬗᬄᬫᬭᬶᬂᬤᬶᬮᬖ᭄ᬕ
᭞ᬳᬦᬸᬮ᭄ᬬᬓᬧᬗ᭄ᬕᬶᬄᬳᬕᬾ᭞ᬮᬦ᭄ᬓᬶᬧᬢᬶᬄᬚᭀᬮᬤ᭄ᬟᬵᬭᬵ᭞ᬧᬢᬶᬄᬲᬶᬕᬺᬳᬢᬓᬾᬡ᭄ᬦᬵ᭞ᬧᬺᬚᬸᬭᬶᬢ᭄ᬲᬧᬵᬳᬭᬦ᭄ᬫᬸ᭞ᬧᬓ᭄ᬱᬳᬧᬕᬸᬢ᭄ᬫᬦᬶᬭᬵ᭟ᬲᬸᬫᬯᬸᬃᬓᬂᬢᬶᬦᬓᭀᬦᬶ᭞ᬬᬳᬶᬂᬲᬸᬦ᭄ᬭᬚᬸᬮ᭄ᬤᬄ᭞ᬧᬓᬦᬶᬭᬵᬓᬂᬗᬢ
ᬓᭀᬦ᭄᭞ᬧ᭄ᬭᬚᬸᬭᬶᬢ᭄ᬲᬧᬵᬳᬭᬦᬶᬭᬵ᭞ᬓᬶᬧᬢᬶᬄᬳᬰ᭄ᬭᬸᬄᬦᬩ᭄ᬥᬵ᭞ᬚᬮᬵᬤᬭᬵᬳᬭᬦᬶᬂᬲᬸᬦ᭄᭞ᬩᬦ᭄ᬢᬾᬦᬵᬕ᭄ᬗᬾᬤᬶᬦᬸᬤᭀᬦ᭄ᬢᬭᬵ᭟ᬚᬸᬮ᭄ᬤᬲᬶᬓᭀᬢᬡ᭄ᬥᬶᬂᬯᬦᬶ᭞ᬮᬄᬧᬺᬚᬬᬓᭂᬦ᭄ᬫᬦᬶᬭᬵ᭞ᬭᬚᬵᬚᬸᬮ᭄ᬤᬄᬤᬦ᭄ᬲᬯᬸᬭᬾ
[᭒᭐ 20 A]
ᬦᭀᬭᬦᬦᬵᬲ᭄ᬘᬭᬦᬶᬗ᭄ᬯᬵᬂ᭞ᬳᬗ᭄ᬭᬶᬳᬶᬦᬶᬦ᭄ᬫᬭᬶᬂᬫ᭄ᬱᭂᬄ᭞ᬬᬾᬦᭀᬭᬚᬗ᭄ᬓᭂᬧᬶᬂᬢ᭄ᬮᬸᬵ᭞ᬢᬦ᭄ᬯᭂᬦᬂᬳᬶᬗ᭄ᬲᬸᬦ᭄ᬫᬍᬲᬵ᭟ᬚᬵᬮᬤ᭄ᬥᬭᬳᬰ᭄ᬭᬸᬳᬗ᭄ᬮᬶᬂ᭞ᬚᬸᬮ᭄ᬤᬄᬫᬗ᭄ᬓᬾᬤᬾᬦ᭄ᬧ᭄ᬭᬲᬢ᭄ᬦᬵ᭞ᬲᬡ᭄ᬥᬂᬗᭂᬦ᭄ᬧᬜᬸᬤᬸᬓ᭄ᬳᬶᬗᭀᬂ᭞ᬚᬸᬮ᭄ᬤᬄᬧᭀᬫ᭄ᬫᬬ᭄ᬯᬧᬾ
ᬫᬾᬓᬵ᭞ᬭᬚᬵᬚᬸᬮ᭄ᬤᬄᬧᬺᬬᬢ᭄ᬦᬵ᭞ᬳᬫ᭄ᬓᭂᬓ᭄ᬢᬸᬭᬗ᭄ᬕᬦ᭄ᬳᬶᬧᬹᬦ᭄᭞ᬅᬓᬸᬤᬸᬂᬗᬶᬂᬩᭀᬤ᭄ᬥᬵᬪᬬᬵ᭟ᬚᬮᬤᬭᬳᬦᬸᬫ᭄ᬩᬓᬶᬦ᭄᭞ᬫᬭᬶᬂᬲᬶᬭᬵᬭᬚᬵᬚᬸᬮ᭄ᬤᬄ᭞ᬢ᭄ᬭᬸᬲ᭄ᬓᬢᭂᬓᬾᬂᬧᬭᬶᬲᬾ᭞ᬢ᭄ᬓᬾᬂᬕᬸᬮᬸᬦᬾᬦᬭᬢ᭄ᬣᬲ᭄᭞ᬦᬶᬩᬲᬓᬶᬂᬳᬸ
ᬡ᭄ᬥᬓᬦ᭄᭞ᬫ᭄ᬭᬶᬂᬲᬶᬢ᭄ᬣᬶᬕ᭄ᬮᬶᬲ᭄ᬭᬶᬦᭂᬪᬹᬢ᭄᭞ᬤᬾᬦᬶᬂᬯᬤ᭄ᬬᬲᬓᬶᬂᬚᬸᬮ᭄ᬤᬄ᭟ᬕᬶᬦᭀᬲᭀᬂᬫᬸᬡ᭄ᬥᬸᬃᬭᬶᬂᬚᬸᬭᬶᬢ᭄᭞ᬲᬸᬭᬓ᭄ᬢᬦ᭄ᬧᬾᬡ᭄ᬥᬄᬳᬫ᭄ᬧ᭄ᬯᬦ᭄᭞ᬳᭂᬫ᭄ᬩᬄᬭᬫᬾᬦᬶᬂᬧᬸᬮᬸᬕᭀᬦ᭄᭞ᬓᬶᬢᬸᬫᭂᬗ᭄ᬕᬸᬂᬮᬤ᭄ᬥᬭᬵ᭞ᬗᬶᬕᭂᬮ᭄ᬭᬶᬂᬕᬶᬕᬶᬭᬶᬂᬓᬸ
ᬤ᭄ᬥᬵ᭞ᬳᬲᬸᬫ᭄ᬩᭂᬃᬲᬸᬫ᭄ᬩᭂᬃᬳᬗᬸᬯᬸᬄ᭞ᬲᬧᬵᬓᬂᬳᬋᬧ᭄ᬫᬢ᭄ᬬᬵ᭟ᬮᬄᬧᬧᬕᭂᬦ᭄ᬳᬶᬗ᭄ᬲᬸᬦ᭄ᬳᬕ᭄ᬮᬶᬲ᭄᭞ᬬᬦ᭄ᬢᬦ᭄ᬧᬸᬭᬸᬦ᭄ᬫᬢᬸᬗ᭄ᬕᬮᬦ᭄᭞ᬮᬄᬓᭂᬫ᭄ᬩᬸᬮᬡ᭄ᬦᬢᬳᬶᬗᭀᬂ᭞ᬬᬦ᭄ᬢᬵᬦ᭄ᬧᬸᬭᬸᬦ᭄ᬮᬄᬦᬸᬗ᭄ᬓᬸᬮᬵ᭞ᬭᬚᬵᬫᬓ᭄ᬢᬮ᭄ᬳᬫ᭄ᬬᬃᬰᬵ᭞ᬩ᭄ᬭᬄ
Kaca:Bali-lontar-gaguritan-kendit-birayung-300ppi.pdf/20
Kaca puniki sampun kauji-wacén
