[᭒᭕ 25B]
᭒᭕
᭞ᬩᬢᬸᬧᬭᬲ᭄ᬓᬳᬸᬓᬶᬃᬭᬹᬧᬬᬂᬲᬸᬗ᭄ᬲᬸᬂ᭞ᬩᬾᬬᬳᬶᬦ᭄ᬳᬓᬸᬤᬂᬓ᭄ᬝᬶ᭞ᬲᬸᬤ᭄ᬥᬶᬓᬾᬭᬢᬸᬫᬮᬸᬗ᭄ᬕᬸᬄ᭞ᬭᬶᬢᬳᬸᬮᬦᬾᬫᬳᬸᬓᬶᬃ᭞ᬫᬵᬓᬸᬯᬗ᭄ᬕᬶᬳᬂᬓᬾᬫᬯᬾᬦ᭄᭟᭒᭑᭞ᬲᬧᬸᬦᬶᬓᬵᬭᬢᬸᬧᬤᬕᬶᬗᬦ᭄ᬳᬶ᭠
ᬧᬸᬦ᭄᭞ᬤ᭄ᬯᬦᬶᬂᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬫᬮᬶᬄ᭞ᬧᬢᬶᬕᬩᬕ᭄ᬧᬢᬶᬲᭂᬗ᭄ᬕᬸᬄ᭞ᬲᬫ᭄ᬩᬶᬦ᭄ᬳᬦ᭄ᬓᬾᬬᬦ᭄ᬢᭂᬦᬶ᭠ᬦ᭄᭞ᬕ᭄ᬮᬳᬾᬚᬸᬫᬄᬳ᭄ᬬᬩᭀᬃᬩᭀᬃ᭟᭒᭒᭞ᬜᬦ᭄ᬤᬂᬫᬮᬶᬄᬯᬾᬢᭂᬦ᭄ᬫᬫᬾᬦ᭄ᬢᭀᬲ᭄ᬫᬗᬫ᭄ᬩᬸᬮ᭄᭞ᬭᬾᬄ
ᬳᬶᬭᬢᬸᬤᬲᬃᬤ᭄ᬫᬶᬢ᭄᭞ᬲᬸᬮᬶᬢ᭄ᬲᭂᬗ᭄ᬓᬵᬓ᭄ᬦᬶᬭᬸᬭᬸᬄ᭞ᬬᬦ᭄ᬢᬦ᭄ᬤᬲᬭᬶᬦ᭄ᬲᬸᬪᬓ᭄ᬢᬶ᭞ᬲ᭄ᬯᬾᬘ᭄ᬘᬬᬦ᭄ᬫᬗ᭄ᬤᭀᬄ᭟᭒᭓᭞ᬯᬾᬦ᭄ᬢᭂᬦ᭄ᬭᬭᬶᬲ᭄ᬫᬗᬺᬋᬄᬳᬕᬸᬦᬸᬂᬕᬸᬦᬸᬂ᭞ᬲᬦᬾᬳᬩᭀᬢ᭄ᬢᬸᬭᬶᬕ᭄ᬍᬗᬶᬢ᭄
᭞ᬲᬸᬕᬶᬄᬭᬵᬚᬩ᭄ᬭᬡᬯᬶᬪᬸᬄ᭞ᬬᬯᬶᬲᬂᬩᬮᬾᬫᬳᬸᬓᬶᬃ᭞ᬩᬗ᭄ᬕᬵᬫᬦᬳᬾᬩᬲ᭄ᬩᭀᬕ᭄ᬩᭀᬕ᭄᭟᭒᭔᭞ᬥᬹᬄᬤᬾᬯᬬᬸᬗᬸᬤ᭄ᬬᬂᬧᬮᬶᬗᬾᬓᬤᬸᬭᬸᬲ᭄᭞ᬤᬢᬵᬤᬢᬵᬩᬓᬢ᭄ᬳᬮᬶᬄ᭞
[᭒᭖ 26A]
ᬤᬾᬯᬵᬬᬸᬲᭂᬗ᭄ᬓᬵᭂᬓᬢ᭄ᬧᬸᬓ᭄᭞ᬳᬯᬦᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬢ᭄ᬯᬭᬤ᭄ᬫᭂᬦ᭄ᬮᬶᬬᬸᬭᬯᭀᬲ᭄᭟᭒᭕᭞ᬳᬦᬓ᭄ᬜᬘᬤ᭄ᬯᬾᬦ᭄ᬢᭂᬦ᭄ᬫᬮᬶᬄᬗᬍᬫ᭄ᬜᬸᬫ᭄ᬩᬸᬂ᭞ᬬᬦᬶᬂᬢᬍᬓ᭄ᬢᭂᬧᬶᬦᭂᬳᬶᬦ᭄᭞ᬫᬓᬵᬓ
ᬮᬶᬄᬲᬫᬶᬧᬸᬬᬸᬂ᭞ᬳᬶᬭᬢᬸᬫᬸᬮᬵᬩᬲ᭄ᬮᬮᬶᬲ᭄᭞ᬭᬾᬄᬢᬶᬢ᭄ᬬᬂᬳᬶᬯᬂᬢᬹᬃᬩ᭄ᬮᭀᬕ᭄᭟᭒᭖᭞ᬫᬗ᭄ᬕᬸᬕᬸᬦᬶᬦ᭄ᬧᬲᬸᬦᬵᬦ᭄ᬳᬶᬤᬕᬂᬫᬥᬸ᭞ᬫᬦᬶᬲ᭄ᬭᬯᭀᬲ᭄ᬫᬗ᭄ᬮᬾᬤᬗᬶᬦ᭄᭞ᬫᬦ᭄ᬤᬫ᭄ᬩᬢᬂᬧᬲᬢᬶᬭᬯᬸᬄ᭞
ᬳᬭᬢᬸᬚᬕᬵᬦᬸᬭᭀᬦᬶᬦ᭄᭞ᬭᬶᬂᬥᬰᬦ᭄ᬲ᭄ᬧᬶᬲᬶᬓ᭄ᬮᭀᬦᬤ᭄᭟᭒᭗᭞ᬧᬫᬸᬧᬸᬢᬾᬢᬶᬢ᭄ᬬᬂᬭᬸᬕᬶᬚᬶᬦᬄᬤᬸᬫᬸᬦ᭄᭞ᬬᬦᬶᬓᬵᬫᬥᬸᬦᬾᬩ᭄ᬘᬶᬓ᭄᭞ᬫᬯᭀᬭᬦ᭄ᬭᬶᬂᬫᬶᬜᬓ᭄ᬤᬸᬬᬸᬂ᭞ᬘᬘᭀ
ᬮᬾᬓ᭄ᬕᬸᬡᬧᬯᬾᬲ᭄ᬢ᭄ᬭᬶ᭞ᬫᬗ᭄ᬤᬾᬦᬾᬢᬶᬢ᭄ᬬᬂᬓᬚᭀᬭᭀᬕ᭄᭟᭒᭘᭞ᬩ᭄ᬭᬶᬬᬓ᭄ᬩ᭄ᬭᬶᬬᬸᬓ᭄ᬢᬸᬗ᭄ᬕᬂᬢᬸᬗ᭄ᬕᬶᬂᬧᬢᬶᬭᬗ᭄ᬲᬸᬓ᭄᭞ᬓᭀᬘᬧ᭄ᬦᬶᬓᬵᬋᬓᭀᬩ᭄ᬘᬶᬓ᭄᭞ᬓᬳᬗ᭄ᬕᬾᬦ᭄ᬰᬭᬡᬤᬸᬫᬸᬦ᭄᭞ᬫᬗ᭄ᬤ
Kaca:Bali-lontar-gaguritan-kadhyatmikan-01-350ppi.pdf/26
Kaca puniki sampun kauji-wacén
