[᭒᭔ 24B]
᭒᭔
ᬕ᭄ᬕᬶᬦᬶᬦ᭄ᬓᬧᬕ᭄ᬓᭂᬧᬸᬕ᭄᭞ᬫᬢᬶᬧᬦ᭄ᬢᬸᬃᬚᭂᬫ᭄ᬧ᭄ᬮᬂᬚᭂᬫ᭄ᬧ᭄ᬮᬶᬂ᭞ᬳᬯᬓ᭄ᬤᬤᬶᬩᬩᬓ᭄ᬩᭂᬮᬸᬃ᭞ᬫᬲᬶᬄᬢ᭄ᬯᬭᬲᬶᬤ᭄ᬥᬵᬧᬗ᭄ᬕᬶᬄ᭞ᬭᬾᬄᬭᬢᬸᬓᬮᬶᬯᬢ᭄ᬫᬶᬤᬵ᭟᭑᭒᭞ᬯᬦ᭄ᬢᬄᬫᬶᬫ᭄ᬧᬲ᭄ᬳᬩᬦᬦ᭄ᬢᬶᬢ᭄ᬬᬗᬾᬲᬵ
ᬫ᭄ᬧᬸᬦ᭄᭞ᬫᬫᬸᬢᬶᬄᬫᬕ᭄ᬦᬶᬂᬕ᭄ᬦᬶᬂ᭞ᬫᬾᬄᬓᬢᬫ᭄ᬩᬢ᭄ᬘᬭᬩᬸᬤᬸᬄ᭞ᬦᬧᬶᬫᬮᬶᬄᬦᬾᬫ᭄ᬩᭀᬬᬦᬶᬦ᭄᭞ᬦᬫ᭄ᬩᬢ᭄ᬢᬶᬢ᭄ᬬᬂᬚᬦ᭄ᬫᬩ᭄ᬮᭀᬕ᭄᭟᭑᭓᭞ᬫᬧᬶᬫᬧᬶᬲᬶᬤ᭄ᬥᬵᬦᬵᬗ᭄ᬳᬶᬂᬢ᭄ᬯᬭᬜᬸᬓᬸᬄ᭞ᬳᬶᬭᬢᬸᬦᬶ
ᬓᬾᬫᬶᬚᬶᬮ᭄ᬓ᭄ᬭᬡᬵᬢᬸᬢ᭄ᬬᬂᬩᬸᬗᭂᬂᬩᬶᬦᬸᬂ᭞ᬦᬧᬶᬲᬾᬳᬗ᭄ᬕᬾᬦ᭄ᬗᬸᬮᬢᬶ᭞ᬫᬗ᭄ᬥᬲᬶᬤᬵᬜᬍᬩᭀᬗ᭄ᬓᭀᬢ᭄᭟᭑᭔᭞ᬭᬢᬸᬭᬯᬸᬄᬧᬘᬂᬓᬲᬶᬯᬶᬲᬸᬗ᭄ᬲᬸᬂ᭞ᬓᬲᬸᬗ᭄ᬓᭂᬫᬶᬦ᭄ᬩᬶᬮᬂᬯ᭄ᬗᬶ᭞ᬫᬓᬭᭀ
ᬦ᭄ᬲᬶᬄᬫᬸᬮᬕ᭄ᬓᬳ᭄ᬬᬸᬦ᭄᭞ᬲᬧᬸᬦᬶᬓᬳᬸᬧᬤᬶ᭞ᬯ᭄ᬗᬶᬭᬳᬶᬦᬵᬢᬦ᭄ᬲᬯᭀᬲ᭄᭟᭑᭕᭞ᬢᬦᬢ᭄ᬯᬲ᭄ᬫᬧᬶᬓᬤᬾᬦ᭄ᬮᬯᬸᬢ᭄ᬩᬕᬸᬲ᭄᭞ᬧᬢᬶᬍᬲᬾᬩ᭄ᬯᬢᬂᬲᬳᬶ᭞ᬬᬾᬦ᭄ᬗᬭᬱᬵᬤᬾᬓ᭄ᬮᬘᬸᬃ
[᭒᭕ 25A]
᭞ᬢᬸᬦᬵᬮᬫ᭄ᬧᬄᬢᬸᬦᬵᬓᬾᬃᬢ᭄ᬢᬶ᭞ᬜᬦ᭄ᬤᬂᬭᬢᬸᬯᬸᬯᬲ᭄ᬫᭀᬩᭀᬲ᭄᭟᭑᭖᭞ᬭᬢᬸᬤᭂᬗ᭄ᬕᬶᬫᬾᬄᬫᬾᬳᬦ᭄ᬢᬶᬢ᭄ᬬᬂᬢᭀᬂᬤᬸᬭᬸᬲ᭄᭞ᬫᬦᬳᬾᬋᬱ᭄ᬓᬲᬸᬭᬓᬶᬦ᭄᭞ᬫᬫ᭄ᬩᬳᬶᬦ᭄ᬢᬶᬢᬶᬦᬾᬩᬸᬳᬸᬓ᭄᭞ᬫᬧᬵ
ᬗᬜ᭄ᬘᬦ᭄ᬢᬶᬳᬶᬂᬳᬮᬶᬢ᭄᭞ᬭᬾᬄᬢᬓᬸᬢ᭄ᬢᬶᬢ᭄ᬬᬂᬫᬥᭂᬧᭀᬮ᭄᭟᭑᭗᭞ᬯᬾᬦ᭄ᬢᭂᬦ᭄ᬳᭀᬮᬲ᭄ᬫᬢᬸᬚᬸᬯᬶᬦ᭄ᬫᬃᬕ᭄ᬕᬵᬳᬕᬸᬂ᭞ᬲᬦᬾᬧᬘᬂᬢᬸᬳᬸᬢ᭄ᬫᬗ᭄ᬓᬶᬦ᭄᭞ᬗᬸᬗ᭄ᬲᬶᬧᬸᬭᬶᬦ᭄ᬳᬶᬭᬢᬸ᭞ᬭᬶᬂᬧᬫᬸᬧᬸᬢ᭄ᬦᬾᬦ᭄ᬢᭂᬦ᭄ᬧᬗ᭄ᬕᬶᬄ᭞
ᬦᬶᬓᬵᬓ᭄ᬭᬡᬵᬢᬶᬢ᭄ᬬᬂᬢᬸᬫᭀᬦ᭄᭟᭑᭘᭞ᬓᬢᬸᬚᬸᬭᬢᬸᬦᬾᬭᬶᬳᬶᬦ᭄ᬫᬧᬶᬢᬸᬤᬸᬄ᭞ᬫᬗ᭄ᬤᬢᬶ᭠ᬢ᭄ᬬᬂᬦᬦ᭄ᬢᭀᬲ᭄ᬳᬸᬕᬶ᭞ᬭᬢᬸᬯᬦ᭄ᬢᬄᬚᬕᬵᬭᬯᬸᬄ᭞ᬫᬓᬵᬧᬦᭂᬕ᭄ᬢᭂᬕ᭄ᬧᬕᬱ᭄ᬝᬶ᭞ᬫᬦᬳᬾᬦᬾᬮᭀᬩᬩ᭄ᬮᭀ
ᬕ᭄᭟᭑᭙᭞ᬕᬸᬗᬵᬫ᭄ᬧᬸᬭᬵᬳᬶᬤᬵᬤᬦᬾᬢᬶᬢ᭄ᬬᬂᬫᬵᬢᬹᬃ᭞ᬭᬶᬂᬳᬦᬓᬾᬮᬶᬦ᭄ᬢᬂᬧᬮᬶᬂ᭞ᬫᭀᬓᬓ᭄ᬗᬗ᭄ᬕᭂᬦ᭄ᬓᬤᬶᬫᬗ᭄ᬕᬸᬄ᭞ᬓᬳᬬᭀᬦ᭄ᬳᬶᬭᬢᬸᬦᬾ ᬍᬯᬶᬄ᭞ᬓᬦ᭄ᬤᬸᬕᬶᬩ᭄ᬗᭀᬂᬫᬦᭀᬕᭀᬕ᭄᭟᭒᭐
Kaca:Bali-lontar-gaguritan-kadhyatmikan-01-350ppi.pdf/25
Kaca puniki sampun kauji-wacén
