[ ᭘᭐ 80B]
᭘᭐᭞
ᬫᬢᬸᬂᬢᬸᬂᬪᬓ᭄ᬢᬶ᭞ᬇᬗ᭄ᬕᬶᬄᬭᬢᬸᬰ᭄ᬭᬷᬭᬸᬧᬢᬶ᭞ᬧᬦᭂᬫ᭄ᬩᬳᬦ᭄ᬢᬶᬢ᭄ᬬᬂᬕᬸᬭᬸ᭞ᬤᬶᬗ᭄ᬓᬾᬦ᭄ᬢᬶᬢ᭄ᬬᬂᬚᬕᬢᬸᬮᬓ᭄᭞ᬢᬦ᭄ᬗᬶᬭᬶᬂᬓᬬᬸᬦᬺᬧᬢᬶ᭞ᬬᬦᬶᬂᬲᬫ᭄ᬧᬸᬦ᭄᭞ᬕᬸᬭᬸᬮᬾᬤᬂᬫᬳᬶᬘᬬᬂ᭟ᬓ
ᬮᬶᬗ᭄ᬓᬾᬢᭂᬓᬾᬦ᭄ᬳᬶᬓᭂᬫ᭄ᬩᬃ᭞ᬓᬦ᭄ᬢᭂᬦ᭄ᬳᬶᬧᬸᬦ᭄ᬳᬶᬧᬸᬦ᭄ᬫᬺᬧᬚᬤ᭄ᬫᬶ᭞ᬓᬾᬯᬦ᭄ᬢᭂᬦ᭄ᬭᬶᬂᬚᬤ᭄ᬫᬳᬮᬲ᭄᭞ᬫᬶᬤᭂᬧ᭄ᬢᬍᬃᬗᬶᬗᭂᬃᬫᬸᬜᬶ᭞ᬓᬾᬯᬦ᭄ᬢᭂᬦ᭄ᬲᬫ᭄ᬧᬸᬦ᭄ᬲᬗᬚᬶ᭞ᬮᬾᬤᬂᬧᬘᬂᬗᬗ᭄ᬕᬾᬦ᭄ᬫᬦ᭄ᬢᬸ᭞ᬬ
ᬤᬶᬢᬦ᭄ᬫᬭᬸᬧᬚᬤ᭄ᬫ᭞ᬲᬢ᭄ᬯᬵᬩᬸᬭᭀᬦ᭄ᬢᬶᬢ᭄ᬬᬂᬗᬶᬭᬶᬂ᭞ᬲᬧᬸᬦᬶᬓᬵ᭞ᬳᬢᬸᬃᬳᬶᬤᬭᬵᬚᬢᬸᬢ᭄ᬭ᭟ᬲᬂᬦᬵᬣᬓᭂᬮᬶᬦ᭄ᬢᬂᬮᬶᬬᬂ᭞ᬫᬶᬋᬂᬳᬢᬸᬃᬭᬵᬚᬧᬸᬢ᭄ᬭᬶ᭞ᬳᬶᬓᭂᬫ᭄ᬩᬃᬮᬯᬸᬢ᭄ᬓᭂᬲᬾᬗᬦ᭄᭞
ᬭᬯᬸᬄᬭᬭᬶᬲ᭄ᬫᬢᬸᬃᬪᬓ᭄ᬢᬶ᭞ᬦᭂᬕᬓ᭄ᬭᬶᬂᬳᬬᬸᬦ᭄ᬲᬗᬚᬶ᭞ᬲᬂᬦᬵᬣᬗᬦ᭄ᬤᬶᬓᬳᬮᬸᬲ᭄᭞ᬇᬄᬦᬾᬢᬾᬘᬳᬶᬲᬶᬓᭂᬫ᭄ᬩᬃ᭞ᬲᬸᬳᬸᬤ᭄ᬘᬳᬶᬗᬗᭀᬦ᭄ᬓᬫ᭄ᬩᬶᬂ᭞ᬓ᭄ᬭᬡᬓᬾᬢᭀ᭞ᬳᭂᬦᬾᬳᬶᬤ
[ ᭘᭑ 81A]
ᬭᬵᬚᬚ᭄ᬯᬢ᭟ᬇᬭᬵᬚᬦᬶᬫᬜᭂᬭᬳᬂ᭞ᬦᬦᬓ᭄ᬧᬸᬢ᭄ᬭᬶᬫᬮᬯᬢᬶ᭞ᬤᬾᬦᬶᬂᬳᬶᬤᬓᬧ᭄ᬬᬢᬗ?ᬦ᭄᭞ᬳᬕᬸᬂᬳᬸᬭᬶᬧ᭄ᬢᭂᬓᬾᬦ᭄ᬘᬳᬶ᭞ᬮᬯᬸᬢᬂᬳᬗ᭄ᬕᬾᬦ᭄ᬭᬩᬶ᭞ᬓ᭄ᬭᬡᬳᬶᬤᬳᭂᬦᬸ
ᬳᬶᬤᬸᬧ᭄᭞ᬩ᭄ᬯᬶᬦ᭄ᬤᬸᬓᬾᬲᬸᬗ᭄ᬓᬦ᭄ᬧᬜᬶᬗᬓᬦ᭄᭞ᬘᬳᬶᬫᭂᬜᬶᬤᬬᬂᬗᬮᬶᬄ᭞ᬳᭂᬬᬾᬄᬲᬸᬲᬸ᭞ᬫᬘᬦ᭄ᬧᬦᬓ᭄ᬜᬦᬾᬗᬸᬤ᭟ᬩᬸᬯᬶᬢᭀᬘᬳᬶᬫᬓᬢᬂ᭞ᬘᬸᬗᬸᬄᬫᬢᬦ᭄ᬜ
ᬦᬾᬲᬫᬶ᭞ᬳᭂᬦ᭄ᬢᭀᬳᬶᬓᬮᬩᬸᬭᬓ᭄ᬱ᭞ᬲᬗ᭄ᬓᬦ᭄ᬳᬶᬤᬳᭂᬦᬸᬳᬸᬭᬶᬧ᭄᭞ᬳᬸᬮᬶᬳᬶᬂᬮᬵᬓ᭄ᬱᬡᬦ᭄ᬘᬳᬶ᭞ᬕᬦ᭄ᬢᬶᬦ᭄ᬫᬓᬬᬂᬳᬶᬳᬬᬸ᭞ᬳᬫ᭄ᬩᬸᬮ᭄ᬘᭀᬯᬘᬡᬦ᭄ᬳᬶᬤ᭞ᬳᬶᬕᭂᬫ᭄ᬩᬃᬢᬢᬲ᭄ᬫᬶ᭠
ᬭᬕᬶ᭞ᬧᬗᬦ᭄ᬤᬶᬓᬦ᭄᭞ᬲᬂᬦᬵᬣᬲᬸᬩᬫᬶᬲᬬᬂ᭟ᬲᬶᬓᭂᬫ᭄ᬩᬃᬮᬯᬸᬢ᭄ᬫᬦᬶᬫ᭄ᬩᬮ᭄᭞ᬫᬳᬢᬸᬃᬲᬸᬃᬯ᭄ᬯᬶᬗᬪ᭄ᬓᬢᬶ᭞ᬇᬗ᭄ᬕᬶᬄᬭᬢᬸᬲᬸᬲᬸᬳᬸᬦᬦ᭄᭞ᬢᬶᬢ᭄ᬬᬂᬤᬯᭂᬕ᭄ᬫᬢᬸᬃᬲᬶᬲᬶᬧ᭄᭞ᬳᬦ᭄ᬢᬸᬓ᭄ᬢᬶ
Kaca:Bali-lontar-gaguritan-indra-bang-induraja-300ppi.pdf/81
Kaca puniki sampun kauji-wacén
