Kaca:Bali-lontar-gaguritan-indra-bang-induraja-300ppi.pdf/80

Saking Wikisource
Kaca puniki sampun kauji-wacén

[ ᭗᭙ 79B]
᭗᭙᭞
ᬧ᭄ᬮᬦ᭄ᬧᬗᬯᬶᬦ᭄᭞ᬢᬸᬗ᭄ᬕᬸᬮ᭄ᬩᬡ᭄ᬥᬾᬭᬧ᭄ᬭᬚᬸᬭᬶᬢ᭄᭞ᬓᭀᬘᬧ᭄ᬲᬫ᭄ᬧᬸᬦ᭄ᬲᬫᬶᬭᬯᬸᬄ᭞᭠ᬫᬦᬧᬓ᭄ᬭᬶᬂᬩᬜ᭄ᬘᬶᬗᬄ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬲᭀᬯᬂᬲᭀᬯᬂ᭞ᬧᬥᬫᬗᬾᬮᬶᬗᬶ᭠
ᬦ᭄ᬧᬜ᭄ᬚᬓ᭄᭟ᬤᬾᬦᬶᬂᬲᬸᬩᬫᬳᬸᬩᬬ᭞ᬫᬩ᭄ᬭᬶᬬᬸᬓ᭄ᬚᬦᬶᬫᬫᬃᬕ᭄ᬕᬶ᭞ᬳᭂᬦᭂᬗᬂᬧ᭄ᬭᬚᬸᬭᬶᬢᬾᬂᬧ᭄ᬭᬂ᭞ᬜᬭᬶᬢᬬᬂᬦᬾᬫᬫᬃᬕ᭄ᬕᬶ᭞ᬲᬂᬦᬵᬣᬓᭀᬘᬧᬦ᭄ᬫᬗ᭄ᬓᬶᬦ᭄᭞ᬗᬦ᭄ᬤᬶᬓᬭᬶᬂᬧᬸᬢ᭄ᬭᬵ
ᬤᬶᬢᬸ᭞ᬳᬸᬤᬸᬄᬤᬾᬯᬳᬢ᭄ᬫᬦ᭄ᬩᬧ᭞ᬳᭂᬥᬵᬫᬲᭂᬮ᭄ᬲᭂᬮᬦ᭄ᬚᬦᬶ᭞ᬫᬸᬮᬢᬶᬢᬄ᭞ᬓᬃᬫ᭄ᬫᬦᬾᬢᭀᬂᬤᬤᬶᬓ᭄ᬮᬶᬤᬂ᭟ᬧᬘᬂᬫᬭᬩᬶᬳᬶᬓᭂᬫ᭄ᬩᬃ᭞ᬲᬓᬾᬂᬧᬜᬢ᭄ᬭᬶᬦ᭄ᬳ᭄ᬬᬂᬯᬶᬥᬶ᭞ᬗᬃ
ᬬ᭄ᬬᬦᬶᬦ᭄ᬩᬸᬓᬵᬓᬓᬾᬢᭀ᭞ᬲᬸᬩᬫᬯᬦᬦ᭄ᬧᬶᬂᬓᬮᬶᬄ᭞ᬇᬓᭂᬫ᭄ᬩᬃᬗᭂᬮᬄᬲᬸᬩᬸ᭠ᬓ᭄ᬢᬶ᭞ᬓᬯᬶᬢᬾᬗᬮᬶᬄᬬᬾᬄᬲᬸᬲᬸ᭞ᬫᬘᬦ᭄ᬧᬦᬓ᭄ᬦᬾᬦᬾᬗᬸᬤ᭞ᬓᬧᬶᬦ᭄ᬤᭀᬦᬾᬫᬳ
[ ᭘᭐ 80A]
ᬦ᭄ᬩᬸᬯᬶᬦ᭄᭞ᬘᬸᬗᬸᬄᬫᬢᬦ᭄ᬜᬦᬾᬳᬓᬮᬩᬸᬭᬓ᭄ᬱᬵ᭟ᬢᭀᬓ᭄ᬭᬡᬦ᭄ᬩᬧᬜᭂᬭᬳᬂ᭞ᬕᬸᬲ᭄ᬢᬶᬭᬶᬂᬳᬶᬓᭂᬫ᭄ᬩᬃᬚᬦᬶ᭞ᬦᬗ᭄ᬳᬶᬂᬤᬯᬶᬲᬦ᭄ᬜᭂᬩᭂᬢᬂ᭞ᬧᬹᬃᬡ᭄ᬦᬬᬂᬓᬬᬸᬦᬾᬚᬦᬶ᭞ᬤᬾ᭠
ᬦᬶᬂᬩᬧᬲᬯᬸᬄᬫᬸᬜᬶ᭞ᬤᬶᬳᬋᬧᬦ᭄ᬳᬦᬓ᭄ᬮᬶᬬᬸ᭞ᬩᬧᬲᬸᬩᬫᬜᬶᬬᬭᬂ᭞ᬢᬸᬃᬫᬰᬓ᭄ᬱᬶᬲᬂᬳ᭄ᬬᬂᬯᬶᬥᬶ᭞ᬦᬾ ᬫᬮᬸᬯᬦ᭄᭞ᬤᬸᬓᬾᬲᬸᬗ᭄ᬓᬦ᭄ᬧᬜᬶᬗᬓᬦ᭄᭟ᬬᬳᬶᬓᭂᬫ᭄ᬩᬃᬫᬜᬶ
ᬤᬬᬂ᭞ᬗᬮᬶᬳᬂᬢᬫ᭄ᬩᬦ᭄ᬳᬶᬕᬸᬲ᭄ᬢᬶ᭞ᬲᬸᬲᬸᬦ᭄ᬫᬘᬦ᭄ᬫᬦᬓ᭄ᬗᬸᬤ᭞ᬫᬯᬦᬦ᭄ᬓᬾᬦᬓ᭄ᬧ᭄ᬭᬚᬦᬶ᭞ᬫᭂᬮᬳᬦ᭄ᬭᬢᬸᬳᭂᬜᬓᬶᬦ᭄᭞ᬳᭂᬥᬧᬶᬲᬦ᭄ᬲᬮᬶᬢ᭄ᬓᬬᬸᬦ᭄᭞ᬩᬧᬵᬗᬗ᭄ᬕᭀᬧᭂᬦᬯᬸᬭ
ᬦ᭄‌᭞ᬤᬾᬦᬶᬂᬓᬧ᭄ᬬᬸᬢᬗᬦ᭄ᬳᬸᬭᬶᬧ᭄᭞ᬭᬶᬂᬳᬶᬓᭂᬫ᭄ᬩᬃ᭞ᬭᬕᬦ᭄ᬕᬸᬲ᭄ᬢᬶᬳᬗ᭄ᬕᬾᬦ᭄ᬫᬬᬄ᭟ᬳᬫ᭄ᬩᬸᬮ᭄ᬘᭀᬯᬘᬡᬦᬦ᭄ᬳᬶᬤ᭞ᬲᬂᬦᬵᬣᬭᬶᬂᬭᬵᬚᬧᬸᬢ᭄ᬭᬶ᭞ᬭᬵᬚᬧᬸᬢ᭄ᬭᬶᬮᬯᬸᬢ᭄ᬦᬶᬫ᭄ᬩᬮ᭄᭞ᬳᬢᬸᬭᬾ