[ ᭕᭗ 57B]
᭕᭗᭞
ᬦ᭄ᬲᬫ᭄ᬧᬸᬦ᭄ᬤᬤᭀᬲ᭄ᬲᬢᬸᬲ᭄᭞ᬤᬸᬭᬸᬂᬳᬚᬓ᭄ᬢᬶᬢ᭄ᬬᬂᬫᬸᬮᬶᬄ᭞ᬓᬭᬶᬫᬕ᭄ᬦᬄᬭᬶᬂᬢᭂᬕᬮ᭄᭞ᬯᬾᬦ᭄ᬢᭂᬦ᭄ᬧᭀᬦ᭄ᬤᭀᬓ᭄ᬳᬶᬧᬸᬦ᭄᭞ᬭᬵᬚᬧᬸᬢ᭄ᬭᬶᬫᬜᬸᬚᬸᬢᬂ᭞ᬬᬦᬾᬚᬦᬶ᭞ᬳ
ᬤᬳᬓᬸᬤᬦᬾᬤᬤᬶ᭞ᬮ᭄ᬬᬸᬦ᭄ᬓᬫ᭄ᬩᬶᬗᬾᬫᬓᭂᬚᬂ᭟ᬭᬭᬶᬲ᭄ᬫᬢᬸᬃᬲᬶᬯᭀᬃᬢ᭄ᬢᬦ᭄ᬭᬶᬂᬲᬂᬧᬸᬢ᭄ᬭᬶ᭞ᬇᬗ᭄ᬕᬶᬄᬭᬢᬸ᭞ᬬᬦᬶᬂᬧᬃᬡ᭄ᬦᬦ᭄ᬢᬶᬢ᭄ᬬᬂ᭞ᬯᬾᬦ᭄ᬢᭂᬦ᭄ᬲᬢᬸᬲ᭄ᬓᬾᬳᬶᬧᬸᬦᬾ᭞ᬳᬗᭀᬩ᭄ᬭᬚ
ᬧᬸᬢ᭄ᬭᬶᬗ᭄ᬭᬸᬗᬸ᭞ᬲᬶᬯᭀᬃᬢ᭄ᬢᬦ᭄ᬫᬢᬸᬃᬧᬶᬳᬸᬦᬶᬂ᭞ᬮ᭄ᬬᬂᬓᬬᬸᬦᬾᬓᬮᬶᬦ᭄ᬢᬂ᭞ᬤᬾᬦᬶᬂᬲᬸᬩᬮ᭄ᬬᬸ᭞ᬩᬦᬾ ᬓᬫ᭄ᬩᬶᬂᬢ᭄ᬯᬄᬳᬧᬲᬂ᭞ᬓᬳᬗᭀᬦᬂ᭞ᬧᬶᬦᭂᬄᬲᬸᬩᬮᬶᬬᬸᬤᬤᬶ᭞ᬭᬚᬧᬸᬢ᭄ᬭᬶ
ᬢ᭄ᬯᬭᬯᬶᬓᬦ᭄᭟ᬳᭂᬦᭂᬗᬂᬤᬸᬫᬸᬦ᭄ᬧᬸᬦᬶᬓᬫᬗ᭄ᬓᬶᬦ᭄᭞ᬘᬭᬶᬢᬬᬂ᭞ᬲᭂᬗ᭄ᬓᭂᬭᬾᬲᬂᬦᬵᬣ᭞ᬳᬦ᭄ᬢᭀᬲ᭄ᬦᬳᬸᬃᬉᬧᬢᬶᬦᬾ᭞ᬢᭂᬓᬾᬦ᭄ᬲᬂᬓᬮᬫᬺᬢ᭄ᬬᬸ᭞ᬢᬦ᭄ᬮ᭄ᬬᬦ᭄ᬳᬶᬤᬭᬵᬚᬧᬸᬢ᭄ᬭᬶ᭞
[ ᭕᭘ 58A]
᭕᭘᭞
ᬦᬾᬫᬗ᭄ᬓᬶᬦ᭄ᬧᬘᬂᬓᬚᬸᬯᬂ᭞ᬓᭀᬘᬧᬂᬲᬂᬧ᭄ᬭᬪᬸ᭞ᬲᬸᬗ᭄ᬲᬸᬢ᭄ᬓᬬᬸᬦᬾᬓᬮᬶᬦ᭄ᬢᬕ᭄᭞ᬫᬫᬶᬦᭂᬳᬶᬦ᭄᭞ᬧᬸᬢ᭄ᬭᬦᬾᬧᬘᬂᬓᬢᬕᬶᬄ᭞ᬳᬦ᭄ᬢᬸᬓ᭄ᬲᬂᬓᬮᬩᬸᬭᬵᬓ᭄ᬱ᭟ᬓᭀᬩᭂᬢ᭄ᬧᬶᬲᬦ᭄ᬓᬬᬸ
ᬦᬾᬲᬗᬚᬶ᭞ᬫᬶᬯᬄᬲᬂᬰ᭄ᬭᬷ᭞ᬧ᭄ᬭᬫᬶᬰ᭄ᬯᬭᬶᬳᬶᬤ᭞ᬲᭂᬥᬶᬄᬫᬗᬗᭂᬦ᭄ᬧᬸᬢ᭄ᬭᬦᬾ᭞ᬤᬶᬢᬸᬲᬂᬦᬵᬣᬮᬯᬸᬢ᭄᭞ᬗᬦ᭄ᬤᬶᬓᬬᬂᬧᬜ᭄ᬚᬓ᭄ᬕᭂᬮᬶᬲ᭄᭞ᬫᬓᬵᬃᬬ᭄ᬬᬩᬮᬾᬩᬮᬓ᭄᭞ᬤᬶᬢᭂᬕ
ᬮᬾᬳᬩᬸᬗ᭄ᬓᬸᬮ᭄᭞ᬫᬗ᭄ᬤᬾᬢᭂᬕᭂᬄᬧᬘᬂᬕ᭄ᬦᬄ᭞ᬭᬚᬧᬸᬢ᭄ᬭᬶ᭞ᬳᬶᬭᬶᬓᬚᬕᬵᬫᬮᬶᬮᬶᬗ᭄ᬕᬶᬄ᭞ᬓᭂᬦᬶᬲᬫ᭄ᬧᬸᬦ᭄ᬳᬶᬩᬸᬭᬓ᭄ᬱ᭟ᬫᬮᬶᬄᬗ᭄ᬭᬜ᭄ᬚᬶᬂᬓᬚ᭄ᬭᭀᬯᬦᬶᬂᬧᬸᬭᬶ᭞ᬲᬧᬸᬦᬶᬓᬵ᭞ᬓᬬᬸᬦᬾᬲᬂᬦᬵᬣ
᭞ᬲᭀᬘᬧᬂᬫᬗ᭄ᬓᬶᬦ᭄ᬩᬮᬾᬦᬾ᭞ᬓᭂᬓᬃᬬ᭄ᬬᬦᬶᬦ᭄ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬤᬶᬢᭂᬕᬮᬾᬢᭂᬕᭂᬄᬗᬶᬗ᭄ᬕᬶᬮ᭄᭞ᬲᬫ᭄ᬧᬸᬦ᭄ᬫᬲᬤᬄᬳᭂᬚᬦ᭄᭞ᬳᬶᬭᬶᬓᬵᬲᬂᬧ᭄ᬭᬪᬸ᭞ᬭᬭᬶᬲ᭄ᬗᬃᬬ᭄ᬬᬦᬂᬩᭂᬜ᭄ᬚ
