[ ᭕᭘ 58B]
᭕᭘᭞
ᬦ᭞ᬓᬕ᭄ᬦᬳᬂ᭞ᬭᬶᬂᬲᬸᬓᬸᬦ᭄ᬳᭂᬚᬦᬾᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬩᭂᬲᬶᬮ᭄ᬯᬓ᭄ᬧᬶᬲᬦ᭄᭟ᬳᬕᭃᬂᬳᬶᬧᬸᬦ᭄ᬲᬯᬢᬭᬫᬗ᭄ᬓᬶᬦ᭄᭞ᬭᬹᬧᬯᬾᬦ᭄ᬢᭂᬦ᭄᭞ᬮᬶᬫᬂᬧᭂᬮᬸᬓ᭄ᬫᬶᬤᭂᬄ᭞ᬚᬕᬭᬶᬂᬭᬯᬸᬄᬓᬮ
ᬦᬾ᭞ᬫᬗ᭄ᬤᬤᬶᬢᬸᬗᬶᬦᬸᬫ᭄ᬳᬶᬧᬸᬦ᭄᭞ᬢᭀᬬᬭᬶᬂᬩᬥᬦᬩᭂᬲᬶ᭞ᬓᬮᬶᬄᬓ᭄ᬦᬶᬳᬶᬭᬶᬓᬵ᭞ᬧ᭄ᬭᬫᬦ᭄ᬢ᭄ᬭᬶᬦᬾᬗᬺᬩᬸᬢ᭄᭞ᬭᬵᬚᬧᬸᬢ᭄ᬭᬳᬚᬓ᭄ᬳᬲ᭄ᬬ᭞ᬲᬧᬲᬶᬭ᭞ᬜᬶᬤᬬᬂᬗ᭄ᬭᬸᬲᬓ᭄ᬗᬺᬩᬸᬢᬶᬦ᭄
᭞ᬗᭂᬫᬢ᭄ᬬᬂᬳᬶᬩᬸᬭᬵᬓ᭄ᬱ᭞ᬓᭂᬦᬶᬗᬮᬶᬄᬘᬸᬗᬸᬄᬫᬢᬦᬾᬲᬫᬶ᭞ᬳᬶᬩᬸᬭᬓ᭄ᬱᬵ᭞ᬧᬧᬶᬢᬸᬫᬫᬢᬵ᭞ᬧᬧᬶᬢᬸᬘᬸᬗᬸᬄᬜᬦᬾ᭞ᬳᭂᬜᬾᬦ᭄ᬚᬫᬓᬢᬂᬗ᭄ᬭᬸᬭᬸᬄ᭞ᬘᬸᬗᬸᬄᬫᬢᬦ᭄ᬜ
ᬦᬾᬚᬦᬶ᭞ᬳᭂᬦ᭄ᬢᭀᬦᬾᬳᭀᬕ᭄ᬬ᭞ᬫ᭄ᬭᬩᬶᬦᬦᬓ᭄ᬕᬮᬸᬄ᭞ᬳᬫ᭄ᬩᬸᬮ᭄ᬢᭀᬯᬘᬦᬦ᭄ᬳᬶᬤ᭞ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬭᬶᬂᬕ᭄ᬭᬫᬦ᭄ᬢ᭄ᬭᬶᬦᬾᬲᬫᬶ᭞ᬧᬸᬧᬸᬢ᭄ᬲᬫ᭄ᬧᬸᬦ᭄ᬫᬳᬸᬩᬬ᭟ᬘᬭᬶᬢᬬᬂᬕᬸᬘᬶ
[ ᭕᭙ 59A]
᭕᭙᭞
ᬦᬾᬲᬫ᭄ᬧᬸᬦ᭄ᬫᬶᬲᬶ᭞ᬢᭀᬬᬳᬜᬃ᭞ᬳᭂᬩᭂᬓ᭄ᬓᬦ᭄ᬢᬶᬫᬮ᭄ᬬᬩ᭄᭞ᬉᬘᬧᬂᬭᬵᬚᬧᬸᬢ᭄ᬭᬶᬦᬾ᭞ᬓᬦ᭄ᬤᬶᬓᬬᬂᬭᬶᬂᬲᬂᬧ᭄ᬭᬪᬸ᭞ᬧᬸᬢ᭄ᬭᬦᬾᬤᬶᬢᬸᬫᬮᬶᬗ᭄ᬕᬶᬄ᭞ᬢᭀᬲᬂᬓᬮᬫᬺᬢ᭄ᬬᬸ᭞ᬭᬵᬚᬧᬸ
ᬢ᭄ᬭᬶ᭞ᬢ᭄ᬯᬭᬧᬜ᭄ᬚᬂ᭞ᬳᬢᬸᬃᬳᬶᬤ᭞ᬯᬦ᭄ᬢᬄᬢᬸᬮᬸᬲᬶᬲᬳᬶᬭᬶᬂ᭞ᬲᬧᬓᬬᬸᬦᬦ᭄ᬲᬂᬦᬵᬣ᭟ᬧᬶᬦᭂᬄᬳᬶᬤᬲᬂᬭᬵᬚᬧᬸᬢ᭄ᬭᬶ᭞ᬚ᭄ᬭᭀᬦᬶᬂᬫᬦᬄ᭞ᬦᬄᬘᬭᬬᬂᬢᬶᬢᬄ᭞ᬗᬶᬘᬾᬦᬶᬦ᭄ᬧᬢᬶᬉᬭᬶ
ᬧᬾ᭞ᬮᬫᬸᬦ᭄ᬲᬸᬩᬓᬢᬸᬤᬸᬄ᭞ᬕᬦ᭄ᬢᬶᬦᬾᬧᬘᬂᬦᬸᬳᬸᬭᬶᬧ᭄᭞ᬫᬲᬵᬓᬬᬸᬦ᭄ᬳᬶᬤᬫ᭄ᬯᬓᬂ᭞ᬓᬾᬢᭀᬳᬶᬤᬭᬶᬂᬓᬬᬸᬦ᭄᭞ᬰ᭄ᬭᬷᬧ᭄ᬭᬫᬶᬰ᭄ᬯᬭᬶᬜᬶᬗᬓ᭄᭞ᬧᬸᬢ᭄ᬭᬦ᭄ᬳᬶᬤ᭞ᬓᬗᭂᬦ᭄ᬓᬬᬸᬦᬾᬢ
ᬦ᭄ᬲᬶᬧᬶ᭞ᬲᭂᬥᬶᬄᬗᬸᬫ᭄ᬩᬂᬬᬾᬄᬘᬶᬗᬓ᭄᭟᭐᭟ᬧᬸᬄᬓᬸ᭟᭐᭟ᬢ᭄ᬯᬭᬧᭂᬮᬢ᭄ᬧ᭄ᬭᬫᬶᬰ᭄ᬯᬭᬶᬳᬶᬤᬦᬗᬶᬲ᭄᭞ᬲᭂᬥᬶᬄᬫᬧᬗᭂᬦᬦ᭄᭞ᬧᬸᬢ᭄ᬭᬦ᭄ᬳᬶᬤᬭᬤᬾᬦ᭄ᬤᬾᬯᬶ᭞ᬮᬯᬸᬢ᭄ᬳᬶᬤᬫᬲᬫ᭄ᬩ
Kaca:Bali-lontar-gaguritan-indra-bang-induraja-300ppi.pdf/59
Kaca puniki sampun kauji-wacén
