[ ᭒᭐᭙ 209B]
᭒᭐᭙᭞
ᬩᬦᬦ᭄ᬕ᭄ᬭᬶᬂᬫ᭄ᬭᬡᬦ᭄᭞ᬳᬓ᭄ᬯᬾᬄᬯᬸᬲ᭄ᬧᭂᬚᬄᬋᬓᭀ᭞ᬮᬭᬲᬤᬶᬦᬬᬧᭂᬚᬄ᭞ᬤᬸᬭᬸᬲ᭄ᬧᬸᬧᬸᬓᬶᬢᬶᬂᬯᬘᬦ᭞ᬲᬕᬾᬢ᭄ᬓᬂᬯᭀᬂᬳᬓᬾᬄᬭᬯᬸᬄ᭞ᬮᬭᬸᬤ᭄ᬲᬓᬶᬂᬢᭂᬧᬶᬦ᭄ᬤᬾᬰ
᭟ᬲᬂᬦᬵᬣᬓᬕ᭄ᬬᬢ᭄ᬢᬦ᭄ᬲᬶᬧᬶ᭞ᬳᬜᬶᬗᬓ᭄ᬯᭀᬂᬳᬶᬓᬧ᭄ᬭᬧ᭄ᬢ᭞ᬫᬩ᭄ᬬᬬᬸᬯᬦ᭄ᬭᬶᬂᬫᬃᬕ᭄ᬕᬶᬦᬾ᭞ᬳᬶᬲ᭄ᬢ᭄ᬭᬶᬓᬓᬸᬂᬘᭂᬦᬶᬓ᭄ᬢᬸᬯ᭞ᬳᬦᬗᭂᬫ᭄ᬩᬦ᭄ᬭᬯᬾᬩᬚᬂ᭞ᬳᬦᬗᬦ᭄ᬤᭀᬂᬯᬦ
ᬓ᭄ᬧᬸᬢᬸ᭞ᬳᬦᬦᬸᬦ᭄ᬢᬸᬦ᭄ᬯᬂᬯᬸᬲ᭄ᬢᬸᬯ᭟ᬲᬂᬦᬵᬣᬳᬕᬾᬦᬓᭀᬦᬶᬦ᭄᭞ᬳᬾᬄᬳᬶᬓᬶᬢᬯᭀᬂᬧᬭᬦ᭄᭞ᬲᬓᬶᬂᬗᭂᬦ᭄ᬤᬶᬤᬾᬰᬦᬾ᭞ᬫ᭄ᬯᬄᬧᬭᬦ᭄ᬕᬯᬾᬦ᭄ᬓᬶᬢ᭞ᬳᬓ᭄ᬯᬾᬄᬓᬶ
ᬢᬵᬫᬗ᭄ᬓᬾᬧ᭄ᬭᬧ᭄ᬢ᭞ᬯᭀᬂᬤᬾᬰᬳᬓᬾᬄᬳᬫᬢᬸᬃ᭞ᬇᬗ᭄ᬕᬶᬄᬭᬢᬸᬲᬸᬲᬸ᭠ᬳᬸᬦᬦ᭄᭟ᬢᬶᬢ᭄ᬬᬂᬓᬳᬸᬮᬦ᭄ᬲᬗᬚᬶ᭞ᬲᬓᬶᬂᬢᭂᬧᬶᬲᬶᬭᬶᬂᬤᬾᬰ᭞ᬭᬭᬸᬤ᭄ᬧᭂᬥᭂᬓ᭄ᬭᬶᬂ
[ ᭒᭑᭐ 210A]
ᬲᬂᬓᬢᭀᬂ᭞ᬢᬶᬢ᭄ᬬᬂᬫᬢᬸᬃᬧᬗᬸᬦᬶᬗ᭞ᬓᬳᬸᬮᬭᬶᬂᬤᬸᬲᬦ᭄ᬤᬾᬰ᭞ᬓᬢᬶᬩᬦᬦ᭄ᬫ᭄ᬭᬡᬳᬕᬸᬂ᭞ᬳᬓᬾᬄᬓᬯᬸᬮᬯᬸᬲ᭄ᬧᭂᬚᬄ᭟ᬭᬭᬸᬤ᭄ᬲᬦᬾᬓᬭᬶᬳᬸᬭᬶᬧ᭄᭞ᬢ
ᬦ᭄ᬯᬾᬦ᭄ᬢᭂᬦ᭄ᬧᬸᬭᬸᬦ᭄ᬚᬸᬫᬳ᭞ᬓᬮᬶᬦ᭄ᬢᬂᬤᬸᬃᬕ᭄ᬕᬤᬾᬰᬦᬾ᭞ᬮᬭᬫᬗ᭄ᬓᬾᬫᬗ᭄ᬓᬶᬦ᭄ᬧᭂᬚᬄ᭞ᬢᬦ᭄ᬓᬯᬰᬳᬦ᭄ᬢᬸᬓ᭄ᬦᬯᬃ᭞ᬳᬓ᭄ᬯᬾᬄᬉᬱᬥᬗᭂᬍᬧᬸ᭞ᬩᬮ᭄ᬬᬦ᭄ᬳᬧᬸᬭᬸᬦ᭄ᬫᬦ᭠
ᬗᬄ᭟ᬧᬢᭂᬄᬳᬢᬸᬭᬾᬯᭀᬂᬲᬫᬶ᭞ᬓᬯᬸᬮᬳᬶᬂᬘᬢᬸᬃᬤᬾᬰ᭞ᬲᬯᬢᭂᬓ᭄ᬢᭂᬧᬶᬲᬶᬭᬶᬗᬾ᭞ᬤᬤᬶᬓᬗᭂᬦ᭄ᬰ᭄ᬭᬶᬦᬭᬾᬦ᭄ᬤ᭄ᬭ᭞ᬫ᭄ᬬᬃᬱᬵᬳᬢᬸᬃᬳᬶᬓᬳᬸᬮ᭞ᬳᬕᬾᬗᬦ᭄ᬤᬶᬓᬲᬂᬧ᭄ᬭ
ᬪᬸ᭞ᬳᬢᬓᬾᬦ᭄ᬭᬶᬂᬕᬮᬦᬶᬭ᭟ᬓᬤ᭄ᬬᬗᬧᬮᬭᬦᬾᬓᬶ᭞ᬫ᭄ᬯᬄᬧᬭᬦ᭄ᬓᬢᭀᬦ᭄ᬤᬾᬦᬶᬭ᭞ᬤᬤ᭄ᬬᬗᭂᬩ᭄ᬤᬾᬰᬤᬾᬰᬦᬾ᭞ᬓᬭᬦᬶᬂᬯᭂᬥᬶᬭᬶᬂᬯᬶᬱ᭄ᬫ᭞ᬧᬭᬦ᭄ᬘᬶᬭᬶᬢᭀᬦ᭄ᬤᬾ
Kaca:Bali-lontar-gaguritan-indra-bang-induraja-300ppi.pdf/210
Kaca puniki sampun kauji-wacén
