[ ᭒᭐᭘ 208B]
᭒᭐᭘᭞
ᬲᬸᬓ᭄ᬤᬾᬰᬤᬾᬰᬦᬾ᭞ᬤᬤ᭄ᬬᬜᬗᭂᬩ᭄ᬓᬂᬦᬵᬕᬭ᭞ᬓᬩᬾᬄᬯᭀᬂᬤᬾᬰᬗᬢᭀᬦᬂ᭞ᬲᬫᬶᬓᬕ᭄ᬬᬢ᭄ᬓᬂᬫᬦ᭄ᬤᬸᬮᬸ᭞ᬳᬢ᭄ᬫᬄᬮᬭᬓᬩ᭄ᬭᬡᬦ᭄᭟ᬳᬦᬮᬭᬢ᭄ᬫᬳᬦ᭄ᬧᬢᬶ᭞
ᬓᬤᬸᬮᬸᬭᬶᬦ᭄ᬢᬶᬩᬾᬦ᭄ᬳᬸᬧᬲ᭄᭞ᬤᬤ᭄ᬬᬜᬕ᭄ᬭᬶᬂᬦᬵᬕᬭᬦᬾ᭞ᬧᬥᬜᬸᬢᬶᬦᬶᬩᬾᬦ᭄ᬳᬸ᭠ᬧᬲ᭄᭞ᬲᬶᬂᬫᬗᬶᬦᬸᬫ᭄ᬢᭂᬫᬄᬮᬭ᭞ᬳᬧᬦ᭄ᬳᬸᬧᬲ᭄ᬯᬸᬲ᭄ᬜᬮᬸᬓ᭄ᬲᬸᬓ᭄᭞ᬳᬗᭂᬫ᭄ᬩᬳᬶᬦ᭄ᬓᬂᬦᬵᬕᬭ᭟ᬳ
ᬓᬾᬄᬯᭀᬂᬫᬗ᭄ᬓᬾᬗᭂᬫᬲᬶᬦ᭄᭞ᬢᬶᬩᬾᬦ᭄ᬮᬭᬲᬓᬶᬢ᭄ᬩᬲᬂ᭞ᬳᬦᬗ᭄ᬯᬗ᭄ᬲᬮᬂᬭᬄᬋᬓᭀ᭞ᬢᬦ᭄ᬯᬭᬲ᭄ᬤᬾᬦᬶᬂᬳᬹᬱᬥ᭞ᬓᬩᬾᬄᬳᬶᬓᬂᬤᬸᬓᬸᬦ᭄ᬓᬮᬄ᭞ᬗ᭄ᬳᬶᬂᬓᬓᭂᬥᭂᬂᬳᬦ᭄ᬢᬸᬓ᭄ᬳ
[ ᭒᭐᭙ 209A]
ᬯᬸᬲ᭄᭞ᬓᬂᬳᬸᬭᬶᬧ᭄ᬢᬸᬯᬸᬄᬦ᭄ᬬᬧᬜ᭄ᬚᬂ᭟ᬫᬗ᭄ᬓᬦ᭄ᬳᬶᬩᬸᬘᬧ᭄ᬫᬗ᭄ᬓᬶᬦ᭄᭞ᬦᬵᬕᬭᬦᬾᬭᬶᬂᬧ᭄ᬭᬶᬳᬮ᭞ᬯᬢᭂᬓ᭄ᬯᭀᬂᬢᭂᬧᬶᬲᬶᬭᬶᬗᬾ᭞ᬓᬩᬾᬄᬳᬦᬡ᭄ᬥᬂᬓᬩ᭄ᬭᬡᬦ᭄᭞ᬳᬓ᭄ᬯᬾᬄᬭᬭᬸ
ᬤ᭄ᬦᬶᬗ᭄ᬕᬮ᭄ᬤᬾᬰ᭞ᬳᬦᬫᬗᬸᬦᬶᬗᬂᬳᬢᬸᬃᬤᬸᬫᬢᭂᬂᬰ᭄ᬭᬷᬦᬭᬦᬵᬣ᭟ᬲᬂᬦᬵᬣᬇᬗᬸᬘᬧ᭄ᬫᬗ᭄ᬓᬶᬦ᭄᭞ᬳᬸᬲ᭄ᬳᬶᬤᬳᬫᬶᬋᬂᬳᭀᬃᬢ᭄ᬢ᭞ᬓᬕ᭄ᬭᬶᬗᬦ᭄ᬤᬾᬰᬤᬾᬰᬦᬾ᭞ᬇᬭᬶᬓ
ᬭᬭᬶᬲ᭄ᬲᬂᬦᬵᬣ᭞ᬫᬗᭂᬲᬾᬗᬶᬦ᭄ᬧᬢᬶᬄᬯᬺᬤ᭄ᬥ᭞ᬫ᭄ᬯᬄᬧ᭄ᬭᬫᬦ᭄ᬢ᭄ᬭᬶᬦ᭄ᬳᬶᬤᬤᬶᬢᬸ᭞ᬓᭀᬘᬧ᭄ᬭᬦᬵᬣᬲ᭄ᬦᬧᬓ᭄᭟ᬧ᭄ᬭᬫᬦ᭄ᬢ᭄ᬭᬶᬦᬾᬭᬯᬸᬄᬦᬗ᭄ᬓᬶᬮ᭄᭞ᬲᬂᬦᬵᬣᬭᬭᬶᬲ᭄ᬗᬦ᭄ᬤᬶᬓ᭞ᬭᬶᬂᬯ
ᬢᭂᬓ᭄ᬧ᭄ᬭᬫᬦ᭄ᬢ᭄ᬭᬶᬦᬾ᭞ᬯᬘᬦᬦᬾᬳᬭᬸᬫ᭄ᬩᬦ᭄ᬩᬦ᭄᭞ᬉᬤᬸᬄᬧᬫᬦ᭄ᬧᬢᬶᬄᬯᬺᬤ᭄ᬥ᭞ᬮ᭠ᬦ᭄ᬧᬢᬶᬄᬫᬗ᭄ᬓᬦᬕᬦ᭄ᬢᬸᬦ᭄᭞ᬫᬗ᭄ᬓᬾᬧᬭᬦ᭄ᬤᬬᬦᬶᬭ᭟ᬧᬦᬵᬕᬭᬦ᭄ᬳᬶᬗ᭄ᬲᬸᬦ᭄ᬳᬶᬓᬶ᭞ᬢᬶᬦᬶ
Kaca:Bali-lontar-gaguritan-indra-bang-induraja-300ppi.pdf/209
Kaca puniki sampun kauji-wacén
