Kaca:Bali-lontar-gaguritan-indra-bang-induraja-300ppi.pdf/190

Saking Wikisource
Kaca puniki sampun kauji-wacén

[ ᭑᭘᭙ 189B]
᭑᭘᭙᭞
ᬗ᭄ᬕᬦᬾᬩᭂᬢᬾᬦᬦ᭄᭞ᬓᭀᬘᬧ᭄ᬗᬸᬮᬄᬢᭂᬥᬸᬦ᭄ᬗᬸᬗ᭄ᬲᬶ᭞ᬦᬶᬓᬦᬾᬤᬤᭀᬲ᭄ᬢᬦᬄ᭞᭠ᬳᬯᬶᬦᬦ᭄ᬓᬳᬸᬘᬧᬂ᭞ᬳᬶᬫᬾᬫᬾᬳᬶᬩᬸᬧ᭄ᬭᬢᬶᬯᬶ᭞ᬩᬧᬰ᭞ᬭᬕᬦᬾᬳ᭄ᬬᬂᬅ
ᬢᭀᬅᬓ᭄ᬱᬶ᭟ᬳ᭄ᬬᬂᬅᬢᭀᬅᬓ᭄ᬱᬶᬧᬸᬦᬶᬓᬵᬲᬂᬳ᭄ᬬᬂᬲᬹᬓ᭄ᬱ᭄ᬫᬵ᭞ᬧᭂᬲᬾᬗᬦ᭄ᬳᬶᬤᬦᬾᬫᬗ᭄ᬓᬶᬦ᭄᭞ᬳ᭄ᬬᬂᬰᬹᬦ᭄ᬬᬦᬶᬃᬫ᭄ᬫᬮ᭞ᬤᬾᬦᬶᬂᬫ᭄ᬭᬕᬢᬦ᭄ᬫ᭄ᬭᬕ᭞ᬦᬫᬸᬦᬫᬸᬬᬦᬶᬂᬳᬓ᭄ᬱᬶ᭞ᬓᬶ
ᬚᬧᬦ᭄ᬢᭂᬲᬂ᭞ᬲᬶᬗᬓᬾᬤᬶᬢᬸᬫᬶᬲᬶ᭟ᬲᬧᬸᬦᬶᬓᬵᬚᬢᬶᬦᬾᬯᬦ᭄ᬢᬄᬦᬾᬤᬤ᭄ᬯ᭞ᬗᬃᬤ᭄ᬥᬶᬚᬤ᭄ᬫᬦᬾᬲᬫᬶ᭞ᬩᬧᬳ᭄ᬬᬂᬅᬓᬰ᭞ᬳᬸᬭᬶᬧ᭄ᬭᬶᬂᬲᬂᬳ᭄ᬬᬂᬢ᭄ᬭᬶᬓᭀᬦ᭞ᬬᬦ᭄ᬳᬶᬫᬾᬫᬾᬳ᭄ᬬᬂᬧ᭄ᬭ
ᬢᬶᬯᬶ᭞ᬲᬦᬾᬗᬸᬭᬶᬧᬂ᭞ᬯᬦ᭄ᬢᬄᬲᬂᬳ᭄ᬬᬂᬢ᭄ᬭᬶᬦᬤᬶ᭟ᬲᬧᬸᬦᬶᬓᬵᬧᬶᬢᬸᬢᬸᬃᬇᬦ᭄ᬤ᭄ᬭᬲᬧ᭄ᬭ᭄ᬬᬡ᭞ᬭᬶᬂᬭᬳᬶᬦ᭄ᬳᬶᬤᬦᬾᬫᬮᬶᬄ᭞ᬧ᭄ᬭᬪᬸᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬚᬸᬚᬸᬢ᭄ᬫᬢᬸᬃᬫᬦᬸᬦᬲᬂ᭞ᬳᬸᬤᬸᬄᬫᬲ᭄ᬢᬶᬢ᭄ᬬᬵ
[ ᭑᭙᭐ 190A]
ᬗᬾᬩᭂᬮᬶ᭞ᬫᬄᬤᬭᬧᬶᬲᬦ᭄᭞ᬲ᭄ᬯᬾᬘᬦ᭄ᬩᭂᬮᬶᬭᬶᬂᬢᬶᬢ᭄ᬬᬂᬫᬗ᭄ᬓᬶᬦ᭄᭟ᬫᬗ᭄ᬤᬢᬸᬮᬸᬲ᭄‌ᬲ᭄ᬯᬾᬘᬦ᭄ᬩᭂᬮᬶᬦᬾᬭᬶᬂᬢᬶᬢ᭄ᬬᬂ᭞ᬦᬶᬓᬳᬶᬦ᭄‌ᬚᬢᬶᬢ᭄ᬬᬂᬫᬮᬶᬄ᭞ᬳᬦ᭄ᬢᬸᬓ᭄ᬓᬾᬫ᭄ᬧᭂᬧᬶᬲᬦ᭄᭞ᬢᬶ᭠
ᬢ᭄ᬬᬂᬫᬗ᭄ᬓᬶᬦ᭄ᬗᭂᬫᬦᬳᬂ᭞ᬲᬦᬾᬳᬶᬦᬸᬘᬧ᭄ᬢ᭄ᬭᬶᬦᬤᬶ᭞ᬫᬶᬯᬄᬢ᭄ᬭᬶᬓᭀᬡ᭞ᬫᬓᬵᬤᬶᬢ᭄ᬭ᭄ᬬᬓ᭄ᬲᬭᬫᬮᬶᬄ᭟ᬢ᭄ᬭᬶᬯᬶᬰᬾᬱᬫᬓᬫᬶᬯᬄᬢ᭄ᬭᬶᬧᬸᬭᬸᬱ᭞ᬫᬶᬯᬄᬢ᭄ᬭᬶᬯᬶᬲᬤ᭄ᬬᭀᬢ᭄ᬓᬺᬢᬶ᭞ᬬᬦ᭄ᬳᭂ
ᬗ᭄ᬓᬾᬦ᭄ᬧᬶᬦᬓᬵ᭞ᬓᭂᬚᬢ᭄ᬬᬦᬾᬩᬯᭀᬲᬂ᭞ᬓᬮᬶᬄᬳᬸᬗ᭄ᬕ᭄ᬯᬦ᭄ᬳᬶᬧᬸᬦ᭄ᬫᬮᬶᬄ᭞ᬓᬶᬚᬳᬦᬸᬢᬂ᭞ᬭᬾᬄᬳᬶᬦᬸᬘᬧ᭄ᬲᬫᬶᬢ᭄ᬭᬶ᭟ᬲᬧᬸᬦᬶᬓᬳᬢᬸᬭᬾᬭᬵᬚᬩᬗ᭄ᬲ᭄ᬯᬡ᭞ᬭᬓᬦᬾᬫᬮᬶᬄ
ᬦᬸᬢᬸᬭᬶᬦ᭄᭞ᬲᬧᬸᬦᬶᬓᬶᬓᭀᬘᬧ᭄᭞ᬲᬦᬾᬫᬯᬲ᭄ᬢᬢ᭄ᬭᬶᬓᭀᬦ᭞ᬚᬢᬶᬦᬾᬦᭀᬗᭀᬲ᭄ᬭᬶᬂᬮᬗᬶᬢ᭄᭞ᬢᬬᬦᬾ ᬗᭂᬦᬄ᭞ᬢᭀᬦ᭄ᬢᭀᬦ᭄ᬳᬚᬓ᭄ᬳᬕᬸᬫᬶ᭟ᬯᬦ᭄ᬢᬄᬲᬂ᭠