[ ᭑᭘᭘ 188B]
᭑᭘᭘᭞
ᬦᬶᬂᬤᬤᬶ᭟ᬭᬭᬶᬲ᭄ᬫᬢᬸᬃᬲᬂᬧ᭄ᬭᬪᬸᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬳᬸᬤᬸᬄᬫᬲ᭄ᬢᬶᬢ᭄ᬬᬗᬾᬩᭂᬮᬶ᭞ᬲ᭄ᬯᬾᬘᬦᬾᬓᬮᬶᬦ᭄ᬢᬂ᭞ᬲᬂᬫᬮᬶᬄᬦᬶᬓᬬᬂ᭞ᬳᬶᬦ᭄ᬤᬶᬓᬦ᭄ᬲᬗ᭄ᬓᬦᬶᬂᬤᬤᬶ᭞ᬤᬤᭀᬲ᭄ᬫᬦᬸᬱ᭞ᬢᬶ᭠
ᬢ᭄ᬬᬂᬫᬗᬶᬭᬶᬂᬩᭂᬮᬶ᭟ᬲᬧᬸᬦᬧᬶᬢᬢ᭄ᬯᬦ᭄ᬳᬶᬧᬸᬦᬾ ᬧᬸᬦᬶᬓᬵ᭞ᬫᬶᬫᬶᬢᬦ᭄ᬲᬗ᭄ᬓᬦᬶᬂᬤᬤᬶ᭞ᬦᬶᬓᬬᬂᬭᬶᬂᬢᬶᬢ᭄ᬬᬂ᭞ᬭᬓᬦᬾ ᬫᬲᬯᬸᬃᬦᬶᬫ᭄ᬩᬮ᭄᭞ᬲᬢ᭄ᬯᬦ᭄ᬳᬶᬧᬸᬦ᭄ᬲᬧᬸᬦᬶᬓᬶ᭞ᬫᬮᬦᬶᬂᬫᬸᬮ᭞
ᬦᭀᬭᬕᬸᬫᬶᬦᭀᬭᬮᬗᬶᬢ᭄᭟ᬗᬯᬂᬗᬸᬯᬸᬂᬓᬾᬯᬦ᭄ᬢᭂᬦ᭄ᬫᬗᭂᬦᬄᬢᬾᬚ᭞ᬗᬤᭂᬕ᭄ᬫᬢᬸᬭᬸᬢ᭄ᬳᬲᬶᬓᬶ᭞ᬘᬬᬦᬾ ᬤᬸᬫᬶᬮᬄ᭞ᬗᬮᬾᬜ᭄ᬘᭀᬓ᭄ᬓᬤᬶᬫᭂᬓ᭞ᬍᬗᭂᬤ᭄ᬫᬧᬶᬜ᭄ᬘᭂᬃᬓᭂᬜᬶᬢ᭄ᬓᭂ
ᬜᬶᬢ᭄᭞ᬭᬭᬶᬲ᭄ᬫᬓᭂᬧ᭄ᬮᬕ᭄᭞ᬫᬶᬚᬶᬮ᭄ᬢᭀᬬᬵᬫᬶᬚᬶᬮᬕ᭄ᬦᬶ᭟ᬫᬶᬚᬶᬮ᭄ᬳᬗᬶᬦ᭄ᬳᬶᬦ᭄ᬤ᭄ᬭᬧᬸᬦᬶᬓᬗᬤᬸᬓᬂ᭞ᬢᭀᬬᬦᬾᬲᬋᬂᬭᬶᬂᬕ᭄ᬦᬶ᭞ᬲᬫᬦ᭄ᬢᬭᬲ᭄ᬯᬾᬜ᭞ᬫᬮᬶᬄᬫᬓᬸᬫ᭄ᬧᬸᬮ᭄ᬳᬶᬭᬶᬓ᭞ᬗᭂᬫ᭄ᬧᬸᬮᬸ
[ ᭑᭘᭙ 189A]
ᬓ᭄ᬤᬤᭀᬲ᭄ᬳᬩᭂᬲᬶᬓ᭄᭞ᬫᬕᭂᬦ᭄ᬢᭀᬲ᭄ᬭᬸᬧ᭞ᬓᬤᬶᬢᬮᬸᬳᬾᬧᬸᬢᬶᬄ᭞ᬫᬮᬶᬄᬤᬶᬍᬕ᭄ᬫᭂᬧᬶᬜ᭄ᬘᭂᬃᬓᬾᬗᬶᬦ᭄ᬫᬜ᭄ᬚᬭᬂ᭞ᬲᬾᬧᬦᬦ᭄ᬫᬗ᭄ᬮᬶᬬᬢᬶᬦ᭄᭞ᬲᬕᬾᬢ᭄ᬢᭂᬕᭂᬄᬧᬶᬲᬦ᭄᭞ᬧᬸᬘᬸ᭠
ᬓᬾᬢᬦ᭄ᬯᬾᬦᬵᬢᭂᬦ᭄ᬗᭂᬦᬄ᭞ᬩᭀᬗ᭄ᬓᭀᬮ᭄ᬮᬾᬧᬸᬦᬶᬓᬫᬮᬶᬄ᭞ᬢᬍᬃᬢᬦ᭄ᬗᭂᬦᬄ᭞ᬧᭂᬗᬸᬤᬍᬫ᭄ᬳ᭄ᬬᬦ᭄ᬮᬶᬬᬢᬶᬦ᭄᭟ᬓᬯᬲ᭄ᬢᬦᬶᬦ᭄ᬧᬸᬦᬶᬓᬮᬶᬗ᭄ᬕᬲᬸᬂᬲᬂ᭞ᬧᭂᬕᬢ᭄ᬮᬶᬗ᭄ᬕᬦᬾᬓᬾᬗᬶᬦ᭄᭞ᬧᭂ
ᬍᬂᬫᬲᬦ᭄ᬢᭂᬗᬄ᭞ᬢᬸᬕᭂᬮ᭄ᬫᬦᬤᭀᬲ᭄ᬤᬤ᭄ᬯ᭞ᬫᭂᬳᬸᬲᬂᬳ᭄ᬬᬂᬳᬢᭀᬳᬲᬶ᭞ᬲᬓᬶᬂᬢ᭄ᬗᬳᬶᬂ᭞ᬮᬶᬗ᭄ᬕᬦ᭄ᬧᬸᬂᬲᬗᬾᬫᬶᬚᬶᬮ᭄᭟ᬭᬶᬲᬫ᭄ᬧᬸᬦᬾᬮᬶᬗ᭄ᬕᬦᬾᬫᬦᬤᭀᬲ᭄ᬤᬤ᭄ᬯ᭞ᬓᭀᬘᬧ᭄ᬢᬸᬕᭂ᭠
ᬮ᭄ᬲᬦᬾᬫᬮᬶᬄ᭞ᬲᬦᬾᬤᬶᬤᬸᬳᬸᬭᬦ᭄᭞ᬗᬸᬮᬄᬗᬸᬘᭂᬃᬗᬫᭂᬦᬾᬓᬂ᭞ᬧᬸᬦᬶᬓᬵᬦᬾᬤᬤᭀᬲ᭄ᬮᬗᬶᬢ᭄᭞ᬩᬧᬅᬓᬰ᭞ᬉᬘᬧᬂᬓᬦ᭄ᬢᭀᬲ᭄ᬫᬗ᭄ᬓᬶᬦ᭄᭟ᬫᬮᬶᬄᬢᬸᬕᭂᬮᬦ᭄ᬮᬶ
Kaca:Bali-lontar-gaguritan-indra-bang-induraja-300ppi.pdf/189
Kaca puniki sampun kauji-wacén
