[ ᭑᭖᭕ 165B]
᭑᭖᭕᭞
ᬯᭀᬲᬦ᭄᭞ᬳᭂᬦᭂᬗᬂᬧᬸᬦᬶᬓᬫᬗ᭄ᬓᬶᬦ᭄᭞ᬩᬾᬲᬸᬓ᭄ᬧᬕᬶᬘᬭᬶᬢᬬᬂ᭞ᬲᬂᬳ᭄ᬬᬂᬲᬹᬃᬬ᭄ᬬᬵᬩᬯᬸᬫᬭᬵᬦ᭄ᬤᬤᬭᬶᬦ᭄᭞ᬫᭂᬦᭂᬮᭀᬓ᭄ᬭᬶᬂᬢᭂᬧᬶᬦ᭄ᬕᬸᬦᬸᬂ᭞ᬲᬢᬾᬚᬦᬾᬤᬸᬫᬶᬮᬄ᭞ᬕᬮᬂᬳᭂᬦᬶᬂᬢᬦ᭄ᬓ
ᬲᬧᬸᬢᬦ᭄ᬳᬫ᭄ᬩᬸᬩᬸ᭞ᬮᬶᬬᬂᬓᬬᬸᬦ᭄ᬳᬶᬤᬜᬶᬗᬓ᭄᭞ᬧᬜ᭄ᬚᬓᬾᬭᬶᬳᬶᬦᬦ᭄ᬫᬫᬃᬕ᭄ᬕᬶ᭞ᬇᬭᬶᬓᬵᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬗ᭄ᬭᬭᬶᬲ᭄ᬧᬋᬓ᭄ᬭᬶᬂᬳᬶᬤᬰ᭄ᬭᬷᬪᬸᬧᬢᬶ᭞ᬤᬾᬦᬶᬂᬭᬵᬚᬧᬸᬢ᭄ᬭᬶᬤᬶᬢᬸ᭞ᬩᬦ᭄ᬲᬸᬯᬾ
ᬦᬾᬲᬫ᭄ᬧᬸᬦ᭄ᬓᬾᬦᬓ᭄᭞ᬤᬸᬭᬸᬂᬦᬳᭂᬦ᭄ᬩᭂᬮᬲ᭄ᬭᬶᬂᬳᬚᬶᬫ᭄ᬯᬂᬳᬶᬩᬸ᭞ᬦᬾᬫᬗ᭄ᬓᬶᬦ᭄ᬧᬘᬂᬫᬩᭂᬮᬲᬦ᭄᭞ᬧᬸᬢ᭄ᬭᬦᬾᬭᬶᬂᬳᬶᬩᬸᬳᬚᬶ᭟ᬳᬯᬦᬦ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬗ᭄ᬭᬭᬶᬲ᭄ᬦᬗ᭄ᬓᬶᬮ᭄ᬲᬭᬯᬸᬳᬾᬜᭀ
ᬗ᭄ᬓᭀᬓ᭄ᬗᬪᬓ᭄ᬢᬶ᭞ᬲᬂᬦᬵᬣᬫᬜᬧᬳᬮᬸᬲ᭄᭞ᬳᬸᬤᬸᬄᬤᬾᬯᬧᬦᬓ᭄ᬩᬧ᭞ᬫᬳᬶᬤᬶᬦᬶᬧᬳᭂᬓᬂᬤᬾᬯᬵᬫᬮᬸᬗ᭄ᬕᬸᬄ᭞ᬩ᭄ᬯᬶᬦ᭄ᬧᬶᬤᬦ᭄ᬳᬶᬤᬫᬚᬮᬦ᭄᭞ᬧᬘᬂᬫᬦ᭄ᬢᬸᬓ᭄ᬓᬦᬵᬕᬭᬶ᭟ᬓᬾᬢᭀᬯᬘ
[ ᭑᭖᭖ 166A]
ᬡᬦ᭄ᬲᬂᬦᬵᬣ᭞ᬭᬤᬾᬦᬵᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡᬫᬢᬸᬃᬳᬭᬶᬲ᭄᭞ᬇᬗ᭄ᬕᬶᬄᬭᬢᬸᬤᬾᬯᬳᬕᬸᬂ᭞ᬯᬦ᭄ᬢᬄᬫᬗ᭄ᬓᬶᬦ᭄ᬳᬬᬢ᭄ᬢᬶᬢ᭄ᬬᬂ᭞ᬚᬕᬵᬫᬦ᭄ᬢᬸᬓ᭄ᬫᬧᬫᬶᬢ᭄ᬭᬶᬂᬘᭀᬓᭀᬃᬭᬢᬸ᭞ᬧᬜ᭄ᬚᬓᬾᬲᬫ᭄ᬧᬸᬦ᭄ᬫᬫᬃᬕ᭄ᬕᬶ᭞᭠
ᬳᬶᬧᬸᬦ᭄ᬫᬃᬕ᭄ᬬᬂᬢᬶᬢ᭄ᬬᬂᬭᬶᬳᬶᬦ᭄᭟ᬳᬶᬗ᭄ᬳᬦ᭄ᬯᬾᬦ᭄ᬢᭂᬦ᭄ᬲᬢᭂᬗᬄᬚᬫ᭄᭞ᬧᬫᬃᬕ᭄ᬕᬶᬦᬾᬩᬮᬦᬾᬲᬓᬶᬂᬳᬶᬭᬶᬓᬶ᭞ᬢᬶᬢ᭄ᬬᬂᬫᬫᬃᬕ᭄ᬕᬶᬦᬭᬸᬕ᭄ᬢᬸᬕ᭄᭞ᬬᬦ᭄ᬧ᭄ᬭᬧᬸᬢ᭄ᬭᬦᬾ ᬧᬸᬦᬶᬓᬵ᭞ᬲᬋᬂᬲᬫᬶᬭᬯᬸᬳᬶᬂᬲᬩ
ᬮᬦ᭄ᬳᬶᬧᬸᬦ᭄᭞ᬓᬭᬶᬳᬶᬭᬶᬓᬶᬗᬦ᭄ᬢᭀᬲᬂ᭞ᬲᬋᬂᬭᬶᬂᬢᬶᬢ᭄ᬬᬂᬓᬫᬃᬕ᭄ᬕᬶ᭞ᬲᬧᬸᬦᬶᬓᬵᬳᬢᬸᬃᬳᬶᬤ᭞ᬤ᭄ᬯᬕᬸᬂᬧᬸᬢ᭄ᬭᬭᬶᬂᬳᬶᬤᬰ᭄ᬭᬶᬪᬸᬧᬢᬶ᭞ᬤᬤ᭄ᬬᬜᬤᬶᬢᬸᬤᬶᬢᬸᬲᬂᬧ᭄ᬭᬪᬸ᭞ᬫᬶᬯᬄᬰ᭄ᬭᬷᬧ᭄ᬭᬫᬶᬰ᭄ᬯᬃᬬ᭄ᬬ᭞ᬗᬦ᭄ᬤᬶ
ᬓᬳᬶᬦ᭄ᬧᬋᬓᬦ᭄ᬳᬶᬤᬦᬾᬤᬶᬢᬸ᭞ᬳᬧᬂᬧᬥᬵᬫᬤᬩ᭄ᬤᬩᬦ᭄᭞ᬓᭀᬘᬧ᭄ᬲᬫ᭄ᬧᬸᬦ᭄ᬦᬧᬵᬓ᭄ᬲᬫᬶ᭟ᬇᬭᬶᬓᬵᬭᬭᬶᬲ᭄ᬲᬂᬦᬵᬣ᭞ᬲᬋᬂᬧ᭄ᬭᬫᬶᬰ᭄ᬯᬭᬶᬦ᭄ᬳᬶᬤᬦᬾᬫᬶᬚᬶᬮ᭄᭞ᬭᬚᬧᬸᬢ᭄ᬭᬶᬭᬭᬶᬲ᭄ᬢᭂᬤᬸ
Kaca:Bali-lontar-gaguritan-indra-bang-induraja-300ppi.pdf/166
Kaca puniki sampun kauji-wacén
