[ ᭑᭔ 14B]
᭑᭔᭞
ᬢ᭄ᬯᬭᬫᬶᬲᬶᬚᬢ᭄ᬫ᭟ᬮ᭄ᬬᬸᬳᬸᬫᬄᬭᬢᬵᬗᬤᬵᬦᭀᬗᭀᬲᬶᬦ᭄᭞ᬲᬫᬸᬦ᭄ᬰᬹᬡ᭄ᬬ᭞ᬓᬮᬶᬄᬢ᭄ᬯᬭᬳᬤ᭞ᬚᬢ᭄ᬫᬗᭂᬦ᭄ᬢᬲᬶᬦ᭄ᬫᬃᬕ᭄ᬕᬦᬾ᭞ᬲᭂᬩᭂᬢ᭄ᬩᬦ᭄ᬧᬤᬂᬗᬢᬸᬢ᭄ᬩ᭄᭞ᬮᬃᬮᬍᬃᬮ
ᬫ᭄ᬧᭂᬲ᭄ᬩ᭄ᬯᬗᬶᬢ᭄᭞ᬮᭀᬮᭀᬮᬦ᭄ᬳᬯᬶᬭᬡ᭞ᬘᬶᬧ᭄ᬮᬓᬦ᭄ᬮᬦ᭄ᬓᬯᬸ᭞ᬓᬦ᭄ᬤᬸᬬᬸᬯᬦ᭄ᬓᬭᬫᬾᬬᬦ᭄᭞ᬢᬫ᭄ᬧᭂᬓ᭄ᬓᬲ᭄ᬢᬶ᭞ᬧᬸᬧᬸᬮᬸᬢᬦ᭄ᬰᬶᬮᬢᬸᬯᬶ᭞ᬢ᭄ᬓᬶᬮᬦ᭄ᬤᬸᬓᬸᬢ᭄ᬘᬃᬫ᭄ᬫ᭟ᬩᬩᬢᬸᬭᬦ᭄ᬳᭂᬩᭂᬓ᭄ᬩ
ᬦ᭄ᬳᬗ᭄ᬕᬶᬳᬗ᭄ᬕᬶ᭞ᬢᬢᬄᬳᬶᬯᬓ᭄᭞ᬩᬬᭂᬫ᭄ᬓᬦ᭄ᬤᬸᬬᬸᬳᬦ᭄᭞ᬤᬸᬓᬸᬢ᭄ᬫᬓᬸᬓ᭄ᬳᬗ᭄ᬕᬾᬭᭀᬓᬾ᭞ᬤᬶᬢᬸᬫᬶᬤᭂᬃᬭᬵᬚᬲᬸᬦᬸ᭞ᬢ᭄ᬯᬭᬵᬳᬤᬚᬢ᭄ᬫᬵᬓᭂᬧᬗ᭄ᬕᬶᬄ᭞ᬭᬓᬯᬮᬵᬗᭂᬦᬄᬘᬡ᭄ᬥᬶᬬᬦ᭄
᭞ᬫᬸᬦᬶᬓᬵᬓᬚᬸᬚᬸᬃ᭞ᬫᬸᬗ᭄ᬕᬄᬭᬭᬶᬲ᭄ᬫᬧᬯᬲᬦ᭄᭞ᬯᬾᬦ᭄ᬢᭂᬦ᭄ᬓᬓ᭄ᬱᬶ᭞ᬢᭂᬢᬫᬦᬦ᭄ᬮᬶᬦ᭄ᬢᬂᬍᬯᬶᬄ᭞ᬘᬸᬓᬸᬧ᭄ᬫᭂᬤᬮᬶᬂᬳᬶᬭᬶᬓᬵ᭟ᬤᬶᬢᬸᬳᬶᬤᬭᬵᬚᬧᬸᬢ᭄ᬭᬫᬗ᭄ᬭᬜ᭄ᬚᬶᬂ᭞ᬚ᭄ᬭᭀᬦᬶᬂᬢᬫᬵ
[ ᭑᭕ 15A]
ᬦ᭄᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬚᬢ᭄ᬫᬓᬯᭀᬦ᭄᭞ᬢᬫᬦᬾᬓᬮᬶᬦ᭄ᬢᬂᬮᬸᬳᬸᬃ᭞ᬤᬶᬢᭂᬗᬄᬬᬩᬮᬾᬮᭀᬚᬶ᭞ᬳᬩᬸᬗ᭄ᬓᬸᬮ᭄ᬤᬶᬢᬸᬫᬗᭂᬦᬄ᭞ᬭᬳᬤᬾᬦ᭄ᬫᬗ᭄ᬮᬯᬸᬢ᭄᭞ᬫᬸᬗ᭄ᬕᬄᬭᬶᬂ
ᬮᭀᬚᬶᬧᬸᬦᬶᬓᬵ᭞ᬓᭂᬳᬯᬲᬂ᭞ᬫᬲᬶᬄᬢ᭄ᬯᬭᬳᬤᬓᭂᬧᬗ᭄ᬕᬶᬄ᭞ᬚᬢ᭄ᬫᬵᬫᬳᭂᬦᬄᬳᬶᬭᬶᬓᬵ᭟ᬯᬾᬦ᭄ᬢᭂᬦ᭄ᬓᭂᬡ᭄ᬥᬂᬫᬕᬦ᭄ᬢᬸᬂᬳᬶᬲᬶᬓᬶ᭞ᬘᬶᬗᬓ᭄ᬳᬶᬤ᭞ᬳᬦ᭄ᬢᬸᬓ᭄ᬭᬚᬵᬧᬸᬢ᭄ᬭ᭞ᬭᬭᬶᬲ᭄ᬓᬳᭂᬩᬸ
ᬳᬶᬦ᭄ᬋᬓᬾ᭞ᬳᬮᬸᬲ᭄ᬫᬸᬜᬶᬦᬾᬳᬭᬸᬫ᭄ᬧᬸᬂ᭞ᬫᬓᭂᬲ᭄ᬬᬩ᭄ᬲᬂᬭᬵᬢ᭄ᬦᬵᬰ᭄ᬯᬭᬷ᭞ᬫᬶᬋᬂᬲᬓᬶᬂᬚ᭄ᬭᭀᬦᬶᬓᭂᬡ᭄ᬥᬂ᭞ᬓᬧᬶᬦᭂᬄᬤᬶᬓᬬᬸᬦ᭄᭞ᬧᭂᬥᬲ᭄ᬳᬶᬕᬭᬸᬥᬵᬢᭂᬓᬵ᭞ᬧᬘᬂᬫᬓ᭄ᬱ᭞ᬧᬗᭂᬜᭂ
ᬣᬶᬤᬦᬾᬫᬗ᭄ᬓᬶᬦ᭄᭞ᬕᬦ᭄ᬢᬶᬦᬾᬗᭂᬫᬲᬶᬦ᭄ᬧᭂᬚᬄ᭟ᬭᬭᬶᬲ᭄ᬦᬗᬶᬲ᭄ᬲᬂᬧᬸᬢ᭄ᬭᬶᬭᬢ᭄ᬦᬲᬭᬶ᭞ᬰ᭄ᬭᭀᬦᬶᬂᬓᭂᬡ᭄ᬥᬂ᭞ᬫᬗ᭄ᬭᬯᭀᬲ᭄ᬭᬶᬂᬘᬶᬢ᭄ᬢᬵ᭞ᬓᬾᬦ᭄ᬓᬾᬦᬂᬚᬦᬶᬳᬯᬓᬾ᭞ᬫᬲᬵᬩᬳᬸᬂᬧᬘᬵᬂ
Kaca:Bali-lontar-gaguritan-indra-bang-induraja-300ppi.pdf/15
Kaca puniki sampun kauji-wacén
