[ ᭑᭕ 15B]
᭑᭕᭞
ᬮᬫ᭄ᬧᬸᬲ᭄᭞ᬳᬤᬾᬬᬦ᭄ᬲᬸᬩᬫᬫᬸᬜᬶ᭞ᬳᬓᬾᬢᭀᬧᬧᬶᬦᭂᬄᬳᬶᬤ᭞ᬢᬸᬫᬸᬮᬶᬳᬫᬸᬯᬸᬲ᭄᭞ᬲᬫ᭄ᬧᬸᬦᬂᬕᭂᬩᬸᬮᬶᬦ᭄ᬓᭂᬡ᭄ᬥᬂ᭞ᬢᬤᬶᬓᬕ᭄ᬬᬢ᭄᭞ᬭᬤᬾᬦ᭄ᬧᬸᬢ᭄ᬭᬵᬫᬫᬶᬭᬳᬶ᭞ᬓᭂ
ᬡ᭄ᬥᬗᬾᬫᬲ᭄ᬯᬭᬵᬚᬢ᭄ᬫ᭟ᬧᬶᬦᭂᬄᬳᬶᬤᬭᬵᬚᬧᬸᬢ᭄ᬭᬵᬤᬶᬳᬢᬶ᭞ᬓᬮᬶᬗᬦᬾ᭞ᬫᭂᬥᬲ᭄ᬤᬶᬦᬶᬳᬤ᭞ᬚᬤ᭄ᬫᬦᭀᬗᭀᬲ᭄ᬤᬶᬓᭂᬡ᭄ᬥᬗᬾ᭞ᬮᬯᬸᬢ᭄ᬳᬶᬤᬗᬫ᭄ᬩᬶᬮ᭄ᬢᬶᬬᬸᬓ᭄᭞ᬓᭂᬡ᭄ᬥᬗᬾᬓᬢᭀ
ᬭᬾᬲ᭄ᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬲᬂᬭᬵᬚᬧᬸᬢ᭄ᬭᬵ᭞ᬭᬭᬶᬲ᭄ᬳᬶᬤᬫᭂᬢᬸ᭞ᬭᬢᬸᬲᬭᬶᬲᬓᬶᬂᬓᭂᬡ᭄ᬥᬂ᭞ᬩᬶᬦ᭄ᬢᬂᬳᬬᬸ᭞ᬯᬃᬡ᭄ᬦᬦᬾᬮ᭄ᬯᬶᬃᬲᬂᬳ᭄ᬬᬂᬭᬢᬶᬄ᭞ᬚᭂᬕᬾᬕᬾᬫᬗᬬᬂᬗᬬᬂ᭟ᬲᬫᬶᬚᬶᬮᬾ
ᬲᬂᬤ᭄ᬬᬄᬭᬢ᭄ᬦᬲᬭᬶ᭞ᬲᬓᬶᬂᬓᭂᬦ᭄ᬥᬂ᭞ᬫᬾᬭᬂᬧᬶᬲᬦ᭄ᬳᬶᬤ᭞ᬧᭀᬮᬶᬄᬫᬧᭂᬡ᭄ᬥᬓ᭄ᬘᬶᬗᬓᬾ᭞ᬇᬭᬶᬓᬵᬭᬶᬂᬭᬵᬚᬲᬸᬦᬸ᭞ᬫᬗᬸᬦ᭄ᬢᬸᬓ᭄ᬭᬳᬤᬾᬦ᭄ᬤᬾᬯᬶ᭞ᬢ᭄ᬯᬭᬩᬦᬶᬫᬘᬶᬗᬓᬦ᭄᭞ᬫ
[ ᭑᭖ 16A]
ᬗ᭄ᬭᬯᭀᬲ᭄ᬭᬶᬂᬓᬬᬸᬦ᭄᭞ᬦᬾᬯᭀᬂᬮᬦᬂᬳᬸᬮᬶᬤᬶᬚᬵ᭞ᬢᭂᬓᬵᬫᬳᬶ᭞ᬯᬃᬡ᭄ᬦᬦᬾᬓᬮᬶᬦ᭄ᬢᬂᬧ᭄ᬓᬶᬓ᭄᭞ᬲᬶᬜᬦᬾᬳᬶᬤᬳ᭄ᬬᬂᬲ᭄ᬫᬭᬵ᭟ᬭᬯᬸᬄᬫᬳᬶᬧᬘᬂᬫᬗᭂᬦ᭄ᬢᬶᬦᬶᬦ᭄᭞ᬦᬵᬕᬭ
ᬦᬾ᭞ᬓᬾᬢᭀᬧᬶᬦᭂᬄᬳᬶᬤ᭞ᬲᬫ᭄ᬩᬶᬮ᭄ᬗᬲ᭄ᬢᬸᬢᬶᬯᬶᬥᬶᬦᬾ᭞ᬤᬶᬢᬸᬳᬶᬤᬭᬵᬚᬲᬸᬦᬸ᭞ᬢ᭄ᬯᬭᬵᬤᬧ᭄ᬕᬢ᭄ᬜᬸᬮᬶᬂᬮᬶᬂ᭞ᬯᬃᬡ᭄ᬦᬳᬶᬤᬦᬾᬲᬂᬭᬢ᭄ᬦᬵ᭞ᬳᬬᬸᬦᬾᬓᬮᬗ᭄ᬓᬸᬂ᭞ᬕᬯᭀ
ᬓ᭄ᬳᬶᬤᬫᬗᬦ᭄ᬢᭂᬦᬂ᭞ᬓᬮᬶᬗᬦᬾ᭞ᬳ᭄ᬦᬾᬢ᭄ᬯᬄᬲᬭᬶᬦ᭄ᬥᭂᬤᬭᬶ᭞ᬢᬸᬫᬸᬭᬸᬦ᭄ᬓᬫᬺᬘᬵᬧᬤ᭟ᬤᭂᬓ᭄ᬤᭂᬓ᭄ᬜᬕ᭄ᬓᬬᬸᬦᬾᬧ᭄ᬭᬚᬦᬶ᭞ᬭᬚᬧᬸᬢ᭄ᬭᬵ᭞ᬗᭂᬳᭂᬤ᭄ᬢᬦ᭄ᬧᬚᬶᬯ᭞ᬳᬫ᭄ᬩᬸᬮ᭄ᬓᭂᬤᬯᬸᬢ᭄ᬳᬢ᭄ᬫᬦᬾ᭞
ᬢᭀᬂᬤᬤᬶᬩᬦ᭄ᬜᬮᬶᬫᬸᬃ᭞ᬜᭂᬄᬭᬵᬕᬦᬾᬩᬸᬓᬕᬶᬭᬶᬓ᭄᭞ᬤᬤᬶᬯᬶᬢᬸᬫᬫ᭄ᬩ᭄ᬬᬧᬭ᭞ᬓᬬᬸᬦ᭄ᬭᬵᬚᬲᬸᬦᬸ᭞ᬭᬭᬶᬲ᭄ᬓᭂᬲᬗ᭄ᬓᭀᬮ᭄ᬳᬸᬗ᭄ᬕᬳᬂ᭞ᬭᬶᬂᬧᬗ᭄ᬓᬾᬦᬦ᭄᭞ᬓᬕᭂᬮᬸᬢ᭄ᬓᬧᬧᬲᬶᬳᬶᬦ᭄᭞
Kaca:Bali-lontar-gaguritan-indra-bang-induraja-300ppi.pdf/16
Kaca puniki sampun kauji-wacén
