Kaca:Bali-lontar-gaguritan-indra-bang-induraja-300ppi.pdf/134

[ ᭑᭓᭓ 133B]
᭑᭓᭓᭞
ᬓ᭄ᬤᬶᬢᬸᬫᬜᬸᬫ᭄ᬩᬄ᭞ᬲᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡᬳᬶᬚᬸ᭞ᬢᭂᬥᬸᬦᬦ᭄ᬮᬯᬸᬢ᭄ᬫᬦᬦ᭄ᬤᬦ᭄᭟ᬮᬶᬫᬵᬦ᭄ᬧ᭄ᬭᬭᬢᬸᬦᬾᬲᬫᬶ᭞ᬭᬭᬶᬲ᭄ᬓᬤᬦ᭄ᬤᬦ᭄ᬫᬸᬗ᭄ᬕᬳᬦ᭄᭞ᬓᬮᬶᬗ᭄ᬕᬶᬳᬂᬭᬶᬂᬕᭀᬱᬶᬦᬾ᭞ᬲᬶᬓᬶᬲᬶᬓᬶ
ᬲᬫᬶᬫᬯᬵ᭚ᬮᬶᬗ᭄ᬕᬶᬳᬾᬫᭂᬚᬚᬃᬚᬚᬃ᭞ᬗᬋᬧᬶᬦ᭄ᬩᬮᬾᬮᭀᬚᬶᬮᬸᬳᬸᬂ᭞ᬭᬶᬂᬳᬫ᭄ᬩᬦ᭄ᬩᬮᬾᬧᬚᬗᬦ᭄᭟ᬭᬶᬂᬲᬫ᭄ᬧᬸᬦᬾᬲᬫᬶᬫ᭄ᬮᬶᬗ᭄ᬕᬶᬄ᭞ᬇᬭᬶᬓᬵᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬗᬦ᭄ᬤᬶᬓ
ᬭᬶᬂᬧ᭄ᬭᬧᬸᬢ᭄ᬭᬦᬾ᭞ᬤᬸᬄᬳᬤᬶᬢᬶᬢ᭄ᬬᬂᬗᬸᬦᬶᬗᬂ᭞ᬫᬗ᭄ᬤᬳᬤᬶᬫᬗ᭄ᬓᬶᬦ᭄ᬯᬶᬓᬦ᭄᭞ᬭᬶᬂᬢᬶᬢ᭄ᬬᬂᬓᬤᬸᬤᬸᬓ᭄ᬫᬦ᭄ᬢᬸ᭞ᬳᬦ᭄ᬢᬸᬓ᭄ᬳᬶᬤᬰ᭄ᬭᬷᬦᬭᬾᬦ᭄ᬤ᭄ᬭ᭟ᬫᬓᬲ᭄ᬯᬫᬶᬦ᭄ᬭᬚᬧᬸᬢ᭄ᬭᬶ᭞ᬫᬗ᭄ᬓᬶᬦ᭄ᬚᬕᬓᬧ᭄ᬭᬢᬾᬓ᭞
ᬢᬶᬗ᭄ᬓᬳᬶᬂᬓᬤᬶᬧᬗᬦ᭄ᬢᬾᬦ᭄᭞ᬩᭂᬮᬶᬢ᭄ᬯᬄᬓᬭᬶᬫᬗᬦ᭄ᬢᭀᬲᬂ᭞ᬳᬤᬶᬯᬦ᭄ᬢᬄᬧᬶᬢ᭄ᬮᬲ᭄ᬢᬶᬢ᭄ᬬᬂ᭞ᬗ᭄ᬯᬶᬮᬗᬶᬦ᭄ᬫᬗ᭄ᬤᬾᬦᬾᬧᬸᬧᬸᬢ᭄᭞ᬓᬃᬬ᭄ᬬᬦ᭄ᬩᭂᬮᬶᬦᬾᬫᬓᭂᬚᬂ᭟ᬧ᭄ᬭᬧᬸᬢ᭄ᬭᬦᬾᬲᬯᬸᬃᬪᬓ᭄ᬢᬶ᭞ᬇ
[ ᭑᭓᭔ 134A]
ᬗ᭄ᬕᬶᬄᬢᬶᬢ᭄ᬬᬂᬜᬸᬳᬸᬦ᭄ᬧᬶᬲᬦ᭄᭞ᬲᬓᬤᬶᬧᬯᬘᬦᬦᬾ᭞ᬓᬾᬯᬦ᭄ᬢᭂᬦ᭄ᬭᬢᬸᬳᬫ᭄ᬧᬸᬭ᭞ᬗᬶᬭᬶᬂᬲᬲᬶᬤ᭄ᬥᬬᬦ᭄᭞ᬢᬶᬢ᭄ᬬᬂᬗᬃᬬ᭄ᬬᬦᬶᬂᬭᬢᬸ᭞ᬓᬾᬢᭀᬳᬢᬸᬃᬲᬂᬧ᭄ᬭᬧᬸᬢ᭄ᬭ᭟ᬧᬸᬧᬸ
ᬢ᭄ᬧᬗ᭄ᬭᬯᭀᬲᬾᬫᬗ᭄ᬓᬶᬦ᭄᭞ᬭᬭᬶᬲ᭄ᬦᬩ᭄ᬤᬩᬂᬘᬯᬶᬲᬦ᭄᭞ᬳᬬᬸᬦᬦ᭄ᬧ᭄ᬭᬧᬸᬢ᭄ᬭᬦᬾ᭞ᬧᭂᬧᭂᬓ᭄ᬲᬮ᭄ᬯᬶᬭᬶᬂᬳᬬᬸᬦᬦ᭄᭞ᬳᬶᬦᬸᬫ᭄ᬳᬶᬦᬸᬫᬦ᭄ᬢᬦ᭄ᬓᬸᬭᬂ᭞ᬳᬸᬲᬦᬾᬗᬬᬸᬦᬂᬮᬯᬸᬢ᭄᭞ᬧ᭄ᬭ
ᬧᬸᬢ᭄ᬭᬦᬾᬜᬫ᭄ᬩᬸᬢ᭄ᬓᬃᬬ᭄ᬬ᭟ᬗᬯᬶᬢᬶᬦ᭄ᬓᬃᬬ᭄ᬬᬦᬾᬚᬦᬶ᭞ᬫᬳᬫ᭄ᬬᬦ᭄ᬳᬫ᭄ᬬᬦ᭄ᬫᬧᬾᬲ᭄ᬢ᭞ᬧᭂᬢᬂᬤᬰᬤᬶᬦᬲ᭄ᬯᬾᬦᬾ᭞ᬢᬢᬩᬸᬳᬦ᭄ᬧᭂᬢᭂᬂᬍᬫᬄ᭞ᬳᬸᬫᬸᬂᬲ᭄ᬯᬭᬦᬶᬂᬕᭂᬕᬫ᭄ᬮᬦ᭄᭞ᬳᬶᬭᬶᬓᬵ
ᬭᬶᬂᬓᭀᬢᬩᬭᬸ᭞ᬓᬧᬶᬋᬗᬦ᭄ᬓᬦᬵᬕᬭ᭟ᬲᬓᬶᬂᬩᬜ᭄ᬘᬶᬗᬄᬲᬗᬚᬶ᭞ᬲ᭄ᬯᬭᬦ᭄ᬢᬍᬃᬓᬧᬶᬋᬗᬂᬦ᭄᭞ᬭᬯᬸᬄᬓᬓᭀᬢᬩᬭᬸᬦᬾ᭞ᬧᬸᬧᬸᬢ᭄ᬯᬦ᭄ᬢᬄᬲᬧᬸᬦᬶᬓ᭞ᬧᬗ᭄ᬭᬯᭀᬲᬾᬳᬶᬭᬶ