[ ᭑᭓᭔ 134B]
᭑᭓᭔᭞
ᬓ᭞ᬲᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡᬲᬫ᭄ᬧᬸᬦ᭄᭞ᬗᬦ᭄ᬤᬶᬓᬬᬂᬲᬂᬧ᭄ᬭᬧᬸᬢ᭄ᬭ᭟ᬫᬯᭀᬲᬶᬓᬃᬬ᭄ᬬᬦᬾᬫᬗ᭄ᬓᬶᬦ᭄᭞ᬤᬶᬢᬸᬲᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬦᬓᬾᬦᬶᬦ᭄ᬧᬭᬸᬧᬢ᭄ᬭᬦᬾ᭞ᬳᬸᬤᬸᬄᬳᬶᬤᬜᬫ
ᬦ᭄ᬢᬶᬢ᭄ᬬᬂ᭞ᬳᬫ᭄ᬩᬸᬮ᭄ᬦᬧᬶᬲᬦᬾᬲᬶᬤ᭞ᬳᬦ᭄ᬢᬸᬓ᭄ᬳᬤᬶᬫ᭄ᬭᬾᬦ᭄ᬢᬄᬤᬶᬢᬸ᭞ᬲᬋᬂᬲᬫᭂᬢᭀᬦᬾᬲᬫ᭄ᬬᬦ᭄᭟ᬧ᭄ᬭᬧᬸᬢ᭄ᬭᬦᬾᬤᬶᬢᬸᬕᭂᬮᬶᬲ᭄᭞ᬫᬳᬢᬸᬃᬲᬫᬶᬫᬜᬸᬫ᭄ᬩᬄ᭞ᬇᬗ᭄ᬕᬶᬄᬓᬤᬶᬯᬘ
ᬡᬦᬾ᭞ᬲᬋᬂᬲᬫᬶᬜᬸᬳᬸᬦ᭄ᬧᬶᬲᬦ᭄᭞ᬯᬦ᭄ᬢᬄᬲᬲᬶᬤ᭄ᬥᬲᬶᬤ᭄ᬥᬬᬦ᭄᭞ᬢᬶᬢ᭄ᬬᬂᬗᬃᬬ᭄ᬬᬦᬶᬦ᭄ᬳᬶᬭᬢᬸ᭞ᬓᬾᬯᬦ᭄ᬢᭂᬦ᭄ᬧᬸᬧᬸᬢᬶᬂᬓᬃᬬ᭄ᬬ᭟ᬇᬦ᭄ᬤ᭄ᬭᬩᬂᬲ᭄ᬯᬡᬜᬯᬸᬭᬶᬦ᭄᭞ᬧᬢᬸᬢ᭄ᬳᬓᬾᬦ᭄ᬓᬾᬦ᭄ᬚᬵ
ᬲᬶᬤ᭄ᬥ᭞ᬓᬾᬯᬮᬧ᭄ᬭᬕᬢ᭄ᬕᬯᬾᬦᬾ᭞ᬤᬶᬢᬸᬮᬯᬸᬢ᭄ᬲᬂᬧ᭄ᬭᬧᬸᬢ᭄ᬭ᭞ᬲᬋᬂᬤᬦᬾᬲ᭄ᬬᬦᬵᬕᬭ᭞ᬗᬦ᭄ᬤᬶᬓᬬᬂᬚᬤ᭄ᬫᬗᭂᬩᬸᬕ᭄᭞ᬲᬮ᭄ᬯᬶᬭᬦᬶᬂᬢᬢᬩᬸᬳᬦ᭄᭟ᬭᬫᬾᬲ᭄ᬯᬭᬦᬶᬂᬫᬫᬸᬜᬶ᭞
[ ᭑᭓᭕ 135A]
ᬫᬳᬫ᭄ᬬᬦ᭄ᬳᬫ᭄ᬬᬦ᭄ᬫᭂᬧᬾᬲ᭄ᬢ᭞ᬧᭂᬢᬂᬤᬰᬤᬶᬦᬋᬓᬾ᭞ᬳᬸᬫᬸᬂᬲ᭄ᬯᬭᬦ᭄ᬕᬕᬫᭂᬮᬦ᭄᭞ᬕᭀᬢᬫ᭄ᬩᬸᬃᬲᬮᬶᬂᬋᬩᬤ᭄᭞ᬧ᭄ᬭᬾᬭᬾᬢ᭄ᬮᬯᬦ᭄ᬩ᭄ᬮᬕᬜ᭄ᬚᬸᬃ᭞ᬲ᭄ᬮᬸᬦ᭄ᬤᬶᬂᬕᬫ᭄ᬩᬂᬫᬩᬭᬗᬦ᭄᭟ᬮᬾ
ᬦ᭄ᬕᭂᬦ᭄ᬤᬾᬃᬤᬰᬫᬗᬸᬘᬶ᭞ᬲ᭄ᬯᬭᬦ᭄ᬲᭂᬫᬃᬧᬕᬸᬮᬶᬗᬦ᭄᭞ᬳᬤᬦᬦ᭄ᬤᬓᬶᬦ᭄ᬕᭂᬦ᭄ᬤᬶᬗᬾ᭞ᬳᬤᬫᬧ᭄ᬮᬮ᭄ᬬᬦ᭄ᬫᬓᭀᬫ᭄ᬧ᭄ᬬᬂ᭞ᬫᬤᬤᬸᬫᬘᭀᬦ᭄ᬢᭀᬓ᭄ᬧᬸᬮᬵ᭚ᬫᬘᭂᬓᬶᬫᬤᭀᬩᭀᬮ᭄ᬤᬢ᭄ᬭᬸ᭞ᬳ
ᬤᬮᬾᬦ᭄ᬲᭀᬭᭀᬄᬦᬾᬩᬚᬂ᭟ᬘᬭᬶᬢᬬᬂᬧ᭄ᬢᭂᬂᬮ᭄ᬫᬄᬚᬦᬶ᭞ᬚᬗ᭄ᬓᭂᬧ᭄ᬲᬫ᭄ᬧᬸᬦ᭄ᬧᭂᬢᬂᬤᬰ᭞ᬤᬶᬦᬲᬓᬤᬶᬲᭂᬗ᭄ᬓᭂᬭᬾ᭞ᬫᬳᬫ᭄ᬬᬦ᭄ᬳᬫ᭄ᬬᬦ᭄ᬫᬯᬾᬲ᭄ᬢ᭞ᬭᬭᬶᬲ᭄ᬲᬂᬧ᭄ᬭᬧᬸᬢ᭄ᬭ᭞ᬭᬭᬶᬲ᭄ᬫᬗᭂᬬ
ᬲᬶᬦ᭄ᬳᬶᬚᬸ᭞ᬭᬳᬤᬾᬦ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭟ᬧᬗᬗ᭄ᬕᬾᬦᬾᬲᬃᬯ᭄ᬯᬍᬯᬶᬄ᭞ᬢᭂᬮᬲ᭄ᬲᬫ᭄ᬧᬸᬦ᭄ᬓᬳᬢᬸᬭᬂ᭞ᬲᭀᬭᭀᬄᬪᬸᬱᬡᬦ᭄ᬓᬧ᭄ᬭᬪᭀᬦᬾ᭞ᬓᬤᬶᬧᭂᬗᬗ᭄ᬕᬾᬦ᭄ᬲᬂᬦᬵᬣ᭞ᬧᭀᬮᬳᬾ
Kaca:Bali-lontar-gaguritan-indra-bang-induraja-300ppi.pdf/135
Kaca puniki sampun kauji-wacén
