[ ᭑᭒᭓ 123B]
᭑᭒᭓᭞
ᬤ᭄ᬫᬳᬂᬗᬗᭀᬦ᭄ᬓᬫ᭄ᬩᬶᬂ᭞ᬤᬾᬦᬶᬂᬚᬦᬶᬢᭀᬳᬶᬓᭂᬫ᭄ᬩᬃ᭟ᬭᬭᬶᬲ᭄ᬫᬢᬸᬃᬭᬵᬚᬧᬸᬢ᭄ᬭᬶᬭᬶᬂᬲᬗᬚᬶ᭞ᬇᬗ᭄ᬕᬶᬄᬩᬧ᭞ᬩᭀᬬᬲᬓᬾᬂᬢᬶᬢ᭄ᬬᬂ᭞ᬢᬸᬮᬓ᭄ᬭᬶᬂᬓᬬᬸᬦ᭄ᬳᬚᬶᬦᬾ᭞ᬦᬾᬦ᭄ᬢᭂᬦ᭄ᬯᬾᬳᬶᬦ᭄ᬢᬶᬢ᭄ᬬᬂᬳᬶ
ᬧᬸᬦ᭄᭞ᬚᬕᬵᬫᭂᬗᬗᭀᬦᬂᬓᬫ᭄ᬩᬶᬂ᭞ᬢᬍᬃᬳᬶᬧᬸᬦ᭄ᬧᬶᬯᬮ᭄᭞ᬫᬗ᭄ᬓᬶᬦ᭄ᬓᬗ᭄ᬕᬾᬕᬸᬭᬸ᭞ᬫᭂᬦᬓᬾᬦᬶᬦ᭄ᬫᭂᬦᬢᬲᬂ᭞ᬬᬦᬶᬂᬢᬶᬢ᭄ᬬᬂ᭞ᬮ᭄ᬬᬸᬳᬗ᭄ᬕᬾᬦ᭄ᬳᬶᬧᬸᬦ᭄ᬜᬯᬸᬭᬶᬦ᭄᭞ᬳᬶᬧᬸᬦ᭄ᬤᬸᬯᭂᬕ᭄ᬫᭂᬜᬭᬸᬯᬂ
᭟ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬇᬄᬲᬶᬓᭂᬫ᭄ᬩᬃ᭞ᬓᬾᬦ᭄ᬓᬾᬦ᭄ᬲᬗ᭄ᬓᬦ᭄ᬢᬸᬮᬓ᭄᭞ᬢ᭄ᬯᬭᬗᬶᬤᭂ᭠ᬧᬂᬫᬸᬜᬶᬦᬾ᭞ᬤᬸᬯᭂᬕ᭄ᬘᬳᬶᬦᬾᬫᬜᬭᬸ᭞ᬦᬶᬭᬗᬸᬕᬸᬘᬳᬶ᭞ᬤᬤᬶᬮ᭄ᬬᬸᬩᬦ᭄ᬜᬭᬸᬯᬂ᭞ᬳᬧᬂᬓᬧᬶ
ᬢᬦ᭄ᬤ᭄ᬭᬸᬄ᭞ᬢ᭄ᬯᬄᬘᬳᬶᬫᬲᬶᬮᬸᬫᬦ᭄᭞ᬤᬤᬶᬓᬾᬦᬾ᭞ᬇᬦ᭄ᬤᬬᬂᬚᬦᬶᬓ᭄ᬮᬾᬲᬶᬦ᭄᭞ᬓᭂᬮᬲ᭄ᬩᬶᬦ᭄ᬘᬳᬶᬦᬾᬧᬂᬓᬭ᭄ᬯᬦ᭄᭟ᬬᬦᬶᬂᬘᬳᬶᬢ᭄ᬯᬭᬰᬓ᭄ᬢᬶ᭞ᬫᬲᬜᬶᬤᬬᬂ᭞ᬗᬮᬶᬄᬲᬸᬲᬸᬦ᭄ᬫᬘᬦ᭄᭞ᬓ
[ ᭑᭒᭔ 124A]
ᬮᬶᬄᬫᬗ᭄ᬭᬸᬲᬓ᭄ᬓᬮᬦᬾ᭞ᬢ᭄ᬯᬄᬘᬳᬶᬜ᭄ᬚᬬᬤᬶᬢᬸ᭞ᬳᭂᬥᬵᬘᬳᬶᬓᭂᬮᬤ᭄ᬓᭂᬮᬶᬤ᭄᭞ᬫᭂᬮᬄᬚᬦᬶᬳᬾᬤᬾᬗᬂ᭞ᬳᬧᬂᬲᬫᬶᬢᬯᬸ᭞ᬩᬓᬮ᭄ᬘᬳᬶᬧᬩᬸᬜ᭄ᬘᬶᬗᬂ᭞ᬢᭂᬓᬾᬦ᭄ᬳᬶᬤ᭞ᬦᬦᬓ᭄ᬕᬮᬸᬄ
ᬫᬮᬯᬢᬶ᭞ᬲᬸᬳᬸᬤ᭄ᬘᬳᬶᬫᬓᭂᬮᬶᬤᬦ᭄᭟ᬩᭂᬗᭀᬂᬲᬶᬓᭂᬫ᭄ᬩᬃᬫᬗᭂᬧᬶᬮ᭄᭞ᬫᬦᬶᬗᭂᬳᬂ᭞ᬩᬦᬾᬓᭂᬢᬗᭂᬳᬦ᭄᭞ᬓᬸᬤ᭄ᬬᬂᬗ᭄ᬮᬶᬤᬂᬳᬯᬓᬾ᭞ᬢ᭄ᬯᬭᬫᬗ᭄ᬮᬄᬳᬢᬸᬃ᭞ᬤᬶᬢᬸᬳᬶᬤᬰ᭄ᬭᬷᬪᬸᬧᬢᬶ᭞ᬭ
ᬭᬶᬲ᭄ᬗᬫ᭄ᬩᬶᬮ᭄ᬗᬄᬕᬄ᭞ᬓᭂᬮᬫ᭄ᬩᬶᬦᬾᬮᬯᬸᬢ᭄᭞ᬤᬤᬶᬓᬦ᭄ᬢᭂᬦ᭄ᬓᬤᬶᬓᬸᬦ᭞ᬩᬕᬸᬲ᭄ᬕᭂᬜ᭄ᬚᬶᬂ᭞ᬓᬤᬶᬲᬂᬳ᭄ᬬᬂᬲ᭄ᬫᬭᬢᬸᬯᬶ᭞ᬳᬗᭀᬩ᭄ᬲᬫᬶᬫᬗᬢᭀᬦᬂ᭟ᬲᬂᬦᬵᬣᬕᬯᭀᬓ᭄ᬫᬗᬓ᭄ᬱᬶ᭞ᬯᬃᬡ᭄ᬦᬦ᭄ᬳᬶᬤ᭞
ᬭᬭᬶᬲ᭄ᬫᬯᬘᬡᬵ᭞ᬫᬦᬶᬲ᭄ᬳᬮᭀᬦ᭄ᬧᬗᬸᬘᬧᬾ᭞ᬲᬧᬲᬶᬭᬘᬳᬶᬩᬕᬸᬲ᭄᭞ᬢᬦ᭄ᬤ᭄ᬭᬸᬄᬧᬶᬲᬦ᭄ᬩᬧᬚᬦᬶ᭞ᬩᬦᬾᬫᬭᬚᬦᬶᬧᭂᬥᬲ᭄᭞ᬯᬃᬡ᭄ᬦᬦᬾᬳᬶᬩᬕᬸᬲ᭄᭞ᬚᬢᬶᬚᬢᬶᬦᬾᬢᬸ
Kaca:Bali-lontar-gaguritan-indra-bang-induraja-300ppi.pdf/124
Kaca puniki sampun kauji-wacén
