Kaca:Bali-lontar-gaguritan-indra-bang-induraja-300ppi.pdf/123

[ ᭑᭒᭒ 122B]
᭑᭒᭒᭞
ᬤᬫᬫᬃᬕ᭄ᬕ᭞ᬕᭂᬕᬜ᭄ᬘᬗᬦ᭄᭞ᬓᭀᬘᬧ᭄ᬲᬫ᭄ᬧᬸᬦ᭄ᬭᬯᬸᬄᬭᬶᬂᬧᬸᬭᬶ᭞ᬭᬶᬂᬕ᭄ᬦᬄᬲᬂᬭᬵᬚᬚ᭄ᬯᬶᬢ᭟ᬮᬯᬸᬢ᭄ᬦᭂᬕᬓ᭄ᬭᬶᬂᬳᬬᬸᬦ᭄ᬲᬂᬧᬸᬢ᭄ᬭᬶ᭞ᬓᬘᬶᬗᬓᬦ᭄᭞ᬳᬦ᭄ᬢᬸᬓ᭄ᬭᬚᬚ᭄ᬯᬶᬢ᭞ᬫᬗ᭄ᬮᬯᬸᬢ᭄ᬳᬶᬤᬫᬢᬓᭀᬦ᭄᭞ᬇᬄᬓᭂᬫ᭄ᬩᬃ
ᬫᬭᬭᬯᬸᬄ᭞ᬬᬦ᭄ᬤᬶᬚᬧᬕ᭄ᬥᬶᬦ᭄ᬘᬳᬶ᭞ᬫᬓᭂᬮᭀᬲᬶᬂᬢᬳᬾᬦ᭄ᬗᭂᬦᬄ᭞ᬲᬶᬓᭂᬫ᭄ᬩᬃᬫᬳᬢᬸᬃ᭞ᬢᬶᬢ᭄ᬬᬂᬭᬢᬸᬲᬓᬶᬂᬳ᭄ᬮᬲ᭄᭞ᬫᬗᬺᬋᬳᬶᬦ᭄᭞ᬓᬫ᭄ᬩᬶᬗᬾᬤ᭄ᬭᬸᬯᬾᬦ᭄ᬳᬶᬕᬸᬲ᭄ᬢᬶ᭞ᬳᬶᬧᬸᬦ᭄ᬜᬮᬸᬓ᭄ᬱᬸᬓ᭄ᬭᬶᬂᬳᬮᬲ᭄᭟ᬲ
ᬧᬸᬦᬶᬓᬵᬰ᭄ᬭᬡᬦ᭄ᬢᬶᬢ᭄ᬬᬂᬮᬫᬶ᭞ᬦᬾᬦ᭄ᬢᭂᬦ᭄ᬢᬸᬮᬓ᭄᭞ᬧᬋᬓ᭄ᬭᬶᬂᬳᬶᬤᬾᬯ᭞ᬬᬦ᭄ᬤᬸᬭᬸᬂᬓᭂᬦᬶᬓᬫ᭄ᬩᬶᬗᬾ᭞ᬢᭂᬮᬲ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂᬗ᭄ᬭᬸᬭᬸᬄ᭞ᬚᬦ᭄ᬢᭂᬦ᭄ᬢᬶᬢ᭄ᬬᬂᬧᬘᬂᬲᬶᬲᬶᬧ᭄᭞ᬫᭂᬗᭂᬦᬄᬢᭂᬓᬾᬦ᭄ᬳᬶᬤ᭞ᬓᬮᬶᬄᬯᬾᬦ᭄ᬢᭂᬦ᭄ᬭ
ᬢᬸ᭞ᬧᬗ᭄ᬕᬶᬳᬶᬦ᭄ᬢᬶᬢ᭄ᬬᬂᬳᬶᬭᬶᬓ᭞ᬭᬶᬂᬧᬮᬲᬦ᭄᭞ᬳᬦᬓ᭄ᬫ᭄ᬬᬸᬥᬳᬓᬾᬄᬫᬢᬶ᭞ᬩᬗ᭄ᬓᬾᬦ᭄ᬚᬢ᭄ᬫᬦᬾᬧᬚ᭄ᬮᬾᬫ᭄ᬧᬂ᭟ᬓᬾᬢᭀᬳᬢᬸᬃᬲᬶᬓᭂᬫ᭄ᬩᬃᬭᬶᬂᬲᬂᬤᬾᬯᬶ᭞ᬤᬤᬶᬓᭂᬫᬶᬸᬜᭂᬫ᭄᭞ᬭᬵᬚᬧᬸᬢ᭄ᬭᬶᬫ᭄ᬬᬸᬃᬱᬵ᭞
[ ᭑᭒᭓ 123A]
ᬢ᭄ᬯᬭᬦᬶᬭᬗᬸᬕᬸᬋᬓᬾ᭞ᬓᭀᬘᬧᬂᬚᬦᬶᬧ᭄ᬭᬪᬸ᭞ᬗᬸᬢᬸᬲ᭄ᬧᬋᬓ᭄ᬗᭂᬲᬾᬗᬶᬦ᭄᭞ᬧᬸᬢ᭄ᬭᬦᬾᬭᬵᬚᬚ᭄ᬯᬶᬢ᭞ᬫᬗ᭄ᬤᬾᬳᬶᬤᬭᬯᬸᬄ᭞ᬩᬋᬂᬢᭂᬓᬾᬦᬶᬂᬲᬶᬓᭂᬫ᭄ᬩᬃ᭞ᬮᬯᬸᬢ᭄ᬗᬧᬸᬭ᭄ᬬᬂ᭞ᬤᬬᬗᬾᬧᬘᬂᬗᬢᬸ
ᬭᬶᬦ᭄᭞ᬲᬂᬤᬾᬯᬶᬭᬶᬂᬲᬶᬓᭂᬫ᭄ᬩᬃ᭟ᬲᬫ᭄ᬧᬸᬦ᭄ᬭᬯᬸᬄᬭᬶᬂᬧᬸᬭᬶ᭞ᬮᬯᬸᬢ᭄ᬦᭂᬕᬓ᭄᭞ᬭᬶᬂᬳᬬᬸᬦ᭄ᬲᬂᬚ᭄ᬯᬶᬢ᭞ᬭᬭᬶᬲ᭄ᬫᬢᬸᬃᬲᭂᬫ᭄ᬩᬄᬋᬓᬾ᭞ᬢᬶᬢ᭄ᬬᬂᬓᬦ᭄ᬤᬶᬓᬬᬂᬦᬸᬳᬸᬭ᭄᭞ᬳᬶᬭᬢᬸᬳᬦ᭄ᬢᬸᬓ᭄ᬲᬂᬳᬚᬶ᭞ᬲᬂᬧᬸᬢ᭄ᬭᬶᬮᬯᬸ
ᬢ᭄ᬫᬫᬃᬕ᭄ᬕ᭞ᬕᭂᬮᬶᬲ᭄ᬲᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬳᬚᭂᬂᬳᬶᬤᬲᬂᬦᬵᬣ᭞ᬫᬢᬸᬃᬜᭂᬫ᭄ᬩᬄ᭞ᬲᬂᬧᬸᬢ᭄ᬭᬶᬢᭂᬓᬾᬦ᭄ᬲᬗᬚᬶ᭞ᬫᭂᬓᬤᬶᬭᬶᬂᬳᬶᬩᬸᬦᬶᬭ᭟ᬭᬭᬶᬲ᭄ᬫᬮᬶᬗ᭄ᬕᬶᬄᬭᬶᬂᬲᬫ᭄ᬧᬶᬂ᭞ᬳᬶᬩᬸᬦᬶᬭ᭞ᬲᬂᬦᬵᬣᬗᬦ᭄ᬤᬶᬓ
᭞ᬫᬦᬶᬲ᭄ᬳᬮᭀᬦ᭄ᬧᬗᬸᬘᬧᬾ᭞ᬤᬸᬄᬫᬵᬲ᭄ᬩᬧᬦᬾᬭᬢ᭄ᬦᬵᬬᬸ᭞ᬫᬓᬵᬧᭂᬗᬦ᭄ᬢᬸᬗᬦᬸᬭᬶᬧ᭄᭞ᬗᬸᬤᬦᬸᬫᬲᬶᬄᬲᬶᬓᭂᬫ᭄ᬩᬭ᭄᭞ᬫᭂᬗᬗᭀᬦᬂᬯᭂᬥᬸᬲ᭄᭞ᬩᬧᬲᬸᬩᬫᬢᬸᬢᬸᬭᬦ᭄᭞ᬢᭂᬓᬾᬦ᭄ᬳᬶᬤ᭞ᬲᬸᬳᬸ