[᭑᭑᭙ 119B]
᭑᭑᭙
ᬭᬳᬬᬸᬦ᭄ᬯᬶᬓᬦ᭄᭞ᬰᬩ᭄ᬥᬧᬮᭀᬦ᭄ᬳᬸᬫᬵᬢᬹᬃᬲᬵᬃᬯ᭄ᬯᬶᬕᬸᬫᬸᬬᬸ᭞ᬲᬸᬯᬯᬶᬓᬫᬶᬋᬂᬦ᭞ᬲᬸᬦ᭄ᬯᬳᭀᬲᬾᬢᭂᬫ᭄ᬩᬸᬂᬫᬦᬶᬲ᭄᭟᭐᭚ᬥᬡ᭄ᬥᬂᬕᬸᬮ᭚ᬲᬤᬬᬦᬾᬳᬶᬗ᭄ᬓᬂᬲᬶᬧᬢ᭄ᬓᬤᬶᬫ᭄᭞ᬰᬲ᭄ᬢ᭄ᬭᬦᬶᬧᬸᬦ᭄ᬦᬫᬶᬰᬲ᭄ᬢ᭄ᬭᬭᬜ᭄ᬘᬂ᭞ᬳᬭᬦᬾᬘᬶᬦ᭠
ᬜ᭄ᬘᬂᬩᬢᭀᬲ᭄᭞ᬯᬸᬚᬸᬤᬶᬧᬸᬦ᭄ᬳᬗ᭄ᬮᬶᬫ᭄ᬧᬸᬢ᭄᭞ᬳᬗ᭄ᬮᬶᬧᬸᬢᬶᬲᬶᬧᬢ᭄ᬤᬸᬫᬤᬶ᭞ᬰᬲ᭄ᬢ᭄ᬭᬦᬶᬧᬸᬦ᭄ᬥᬶᬦᬜ᭄ᬘᬂ᭞ᬘᬶᬦᬜ᭄ᬘᬗᬶᬂᬲᬸᬯᬸᬂ᭞ᬲᬸᬯᬸᬗᬾᬕᬶᬦ᭄ᬮᬃᬜᬢ᭞ᬜᬢᬦᬶᬭᬓᬂᬧᬶᬦᬸᬚᬶᬲᬶᬧᬢ᭄ᬳᬸᬭᬶᬧ᭄᭞ᬳᬫᬸᬂᬤᬾᬯᬓᬂᬫᬸᬮ᭄ᬬ᭟ᬰᬲ᭄ᬢ᭄ᬭᬩᬤᬦ᭄ᬕᬸᬗ᭄ᬕᬸᬗᬾᬦᬾᬂᬚᬶ
ᬮᬶᬂ᭞ᬯᬸᬲᬸᬦ᭄ᬳᬶᬜ᭄ᬘᭂᬂ᭞ᬚᬶᬮᬶᬂᬘᭂᬗᭂᬮ᭄ᬳᬶᬗ᭄ᬯᬂ᭞ᬓᬂᬲᬸᬦ᭄ᬧᬸᬚᬶᬢ᭄ᬭᬂᬚᬶᬢᭀᬓ᭄᭞ᬲᬸᬦ᭄ᬧᬭᬓ᭄ᬓᬾᬦᬾᬂᬧᬸᬦᬸᬓ᭄᭞ᬳᬶᬗ᭄ᬲᬸᬦ᭄ᬢᬶᬫ᭄ᬩᬂᬳᬶᬂᬲᬮᬂᬓᬮᬶᬄ᭞ᬧᬸᬦ᭄ᬤᬓ᭄ᬧᬸᬦ᭄ᬤᬓ᭄ᬯᬶᬲ᭄ᬢᭂᬧᬓ᭄᭞ᬯᬮᬶᬓᬦᬾᬓᬯ᭄ᬭᬸᬄ᭞ᬲᬸᬦ᭄ᬤᭂᬍᬂᬲᬶᬓᬸᬳᬾᬢᬗᬦ᭄᭞ᬳᬚᬢᬸᬕᭂᬮ᭄ᬭᬚᬄ
ᬚᬚᬄᬮᬓᭀᬦ᭄ᬳᬸᬭᬶᬧ᭄᭞ᬤ᭄ᬭᬶᬬᬶᬗᬶᬤᭂᬭᬶᬚᬶᬯ᭄ᬯ᭟ᬲᬸᬮᬸᬳᬦᬫ᭄ᬭᬶᬂᬯ᭄ᬭᬸᬄᬲᬶᬧᬢ᭄ᬓᬮᬶᬄ᭞ᬤᬶᬧᬸᬦ᭄ᬢᭂᬢᭂᬧ᭄ᬫᬦ᭄ᬢᭂᬧ᭄ᬳᬶᬥᭂᬧᬶᬂᬯ᭄ᬯᬂ᭞ᬓᬂᬳᬮᬶᬲ᭄ᬳᬮᬸᬲ᭄ᬲᭂᬩᬸᬢᬾ᭞ᬕᬢᬸᬓᭂᬦᬵᬦᬾᬂᬩᬢᬸᬓ᭄᭞ᬳᬶᬗ᭄ᬓᬂᬫᬸᬚᬶᬮᬦ᭄ᬓᬂᬧᬶᬦᬸᬚᬶ᭞ᬫᬸᬭᬸᬩᬾᬮᬗ᭄ᬓᬸᬂᬳᬾᬭᬫ᭄᭞
[᭑᭒᭐ 120A]
ᬤᬾᬯᬓᬵᬃᬬ᭄ᬬᬭᬫ᭄ᬩᬸᬢ᭄᭞ᬯᬭᬢᬕᭂᬤᬾᬦᬾᬧᬥ᭞ᬫᬸᬂᬩᬾᬤᬦᬾᬍᬫᭂᬲ᭄ᬫᭂᬫᭂᬲ᭄ᬤᬤ᭄ᬬᬵᬯᬗ᭄ᬲᬶᬢ᭄᭞ᬍᬫᭂᬲ᭄ᬓᬲᬭᬶᬂᬢᬾᬓᬤ᭄᭟ᬫᬶᬤᭂᬭᬶᬂᬭᬵᬢ᭄ᬗᬸᬮᬢᬶᬳ᭄ᬬᬂᬯᬶᬥᬶ᭞ᬓᬧᬗ᭄ᬕᬶᬳᬾᬗᬾᬤᬦ᭄ᬜᭂᬂᬳᬾᬜᬾᬗᬦ᭄᭞ᬓᬧᬢᬓᬶᬂᬩᬶᬸᬩᬮᬸᬂᬩ
ᬢᭀᬓ᭄᭞ᬤᬶᬘᬜ᭄ᬘᬂᬗᬶᬂᬘᬗ᭄ᬓᭂᬫ᭄ᬫᬸ᭞ᬤᬶᬧᬸᬦ᭄ᬓᭂᬓᭂᬃᬓᬵᬃᬡ᭄ᬦᬓᬸᬓᬮᬶᬄ᭞ᬤᬶᬫᭀᬢᬳᬦᬾᬂᬫᬢ᭞ᬲᬶᬦ᭄ᬭᬸᬂᬚᬦᬹᬃᬳᬶᬭᬸᬂ᭞ᬳᬶᬗᭂᬫ᭄ᬩᬸᬦ᭄ᬩᬢᬸᬓ᭄ᬫ᭄ᬩᬸᬦ᭄ᬩᬸᬦᬦ᭄᭞ᬯᬸᬲ᭄ᬧᬶᬦᭂᬢᭂᬓᬶᬂᬳᬸᬢᭂᬓ᭄ᬤᬶᬧᬸᬦ᭄ᬢᬸᬢᬸᬧᬶ᭞ᬗᬾᬤᬦ᭄ᬳᬾᬜᭂᬗᬾᬜᭂᬗᬦ᭄᭟ᬫᬸᬭᬸᬩ᭄ᬳᬶᬧᬸᬦ᭄ᬜᬭ
ᬫ᭄ᬩᬳᬶᬤᬶᬭᬶ᭞ᬗᭀᬩᬳᬓᭂᬦ᭄ᬲᬳᭀᬲᬶᬓᬶᬂᬫᬦᬄ᭞ᬳᭀᬭᬲᬫᬃᬧᬦᬶᬗ᭄ᬳᬮᬾ᭞ᬓᬂᬩᭂᬦᭂᬃᬮᬯᬵᬦ᭄ᬮᬸᬧᬸᬢ᭄᭞ᬳᬗ᭄ᬓᬂᬳᬮᬮᬦ᭄ᬳᬶᬗ᭄ᬓᬂᬩᭂᬘᬶᬓ᭄᭞ᬓᬂᬩᭂᬚᬮᬦ᭄ᬘᬶᬮᬓᬵ᭞ᬓᬧ᭄ᬭᬶᬓ᭄ᬱᬲᬥᬵᬭᬹᬫ᭄᭞ᬧᬶᬦᬮᬗᬦ᭄ᬳᬸᬯᬂᬫᬮᬂ᭞ᬭᬚᭂᬕ᭄ᬳᬸᬦ᭄ᬢᬸᬧᬕᭂᬃᬕᬸᬲᬶ
ᬤᬾᬦ᭄ᬩᬕᬸᬲᬶ᭞ᬳᬮᬫ᭄ᬮᬫ᭄ᬩᬾᬯᬲᬾᬦᬵ ᭟ᬳᬶᬮᬢ᭄ᬤᬤ᭄ᬬᬮᬤ᭄ᬳᬮᬤᬦ᭄ᬳᬗ᭄ᬮᬶᬂ᭞ᬫᬶᬚᬶᬮᬶᬭᬰ᭄ᬯᬭᬲᬓᬶᬂᬰ᭄ᬯᬃᬕ᭄ᬕ᭞ᬘᭂᬢᬓ᭄ᬦᬢᬸᬢᬸᬓ᭄ᬦᬢᬸᬭᬾ᭞ᬮᬾᬲᬦᬚᬗ᭄ᬕᬸᬢ᭄ᬫᬗ᭄ᬕᬸᬢ᭄᭞ᬰ᭄ᬯᬭᬳᬮᬮᬦ᭄ᬰ᭄ᬯᬭᬩᭂᬘᬶᬓ᭄᭞ᬘᭂᬢᬓᭂᬦᬦᬶᬂᬘᬢᬓ᭄᭞ᬲᬤᬬᬦᬾᬯᬸ
Kaca:Bali-lontar-gaguritan-dharmma-gandul-300ppi.pdf/120
Kaca puniki sampun kauji-wacén
