[᭑᭑᭘ 118]
᭑᭑᭘
ᬓᬵ᭞ᬩᭀᬢᭂᬦ᭄ᬲᬕᭂᬤ᭄ᬓᬃᬬ᭄ᬬᬲᭂᬦᭂᬗᬶᬂᬳᬢᬶ᭞ᬩᭀᬢᭂᬦ᭄ᬫᬗᬦ᭄ᬗᬶᬦᬹᬫ᭄ᬢᬸᬭᬸ᭞ᬢᬦ᭄ᬲᬄᬲᬸᬲᬄᬳᬲᬬᬄ᭞ᬢᭂᬗ᭄ᬕᭂᬍᬫᬄᬢᬦ᭄ᬳᬦᬯᭂᬓᬲᬦᬶᬧᬸᬦ᭄᭞ᬢᬶᬬᬂᬩᭀᬤᭀᬢᭂᬕᭂᬲᬶᬭ᭞ᬓᬶᬭᬂᬲᭂᬢᬶᬬᬭᬶᬂᬳᬸᬭᬶᬧ᭄᭟ᬬᬾᬦ᭄ᬚᬦ᭄ᬫᬦᬶᬓᬸᬫᬢᬶᬬ᭞ᬳᬮ
ᬫ᭄ᬤᬸᬦ᭄ᬬᬲᬸᬯᬸᬂᬢᬦ᭄ᬳᬦᬚᬦ᭄ᬫᬶ᭞ᬬᬾᬦ᭄ᬚᬦ᭄ᬫᬳᬸᬭᬶᬧ᭄ᬧᬸᬦᬶᬓᬸ᭞ᬤᬸᬦ᭄ᬬᬓᭂᬩᬓ᭄ᬫᬦᬸᬱ᭞ᬧᬦ᭄ᬮᬸᬫᬫ᭄ᬧᬄᬤᬭᬶᬳᬦᭀᬫ᭄ᬲᬸᬭᬸᬧ᭄ᬲᭂᬧᬸᬄ᭞ᬕᬦ᭄ᬢᬶᬭᭀᬄᬮᬧᬶᬮᬧᬶᬲᬦ᭄᭞ᬲᬦᬤ᭄ᬬᬓ᭄ᬲᬸᬓ᭄ᬱ᭄ᬫᬦᬾᬚᬦ᭄ᬫᬶ᭟ᬬᬾᬦ᭄ᬢᬾᬓᬤ᭄ᬦᬲᬃᬫ᭄ᬩᬶᬮᬲᬃ᭞ᬧᬦ᭄ᬓᬲᬲᬃ᭠
ᬩᬾᬜ᭄ᬚᬶᬂᬓᬮᬫᬸᬦ᭄ᬫᬢᬶ᭞ᬧᬲ᭄ᬢᬶᬜ᭄ᬚᬶᬮ᭄ᬫᬤᬤᭀᬲ᭄ᬲᬢᬸ᭞ᬦᬤ᭄ᬬᬦ᭄ᬲᬹᬓ᭄ᬱ᭄ᬫᬦᬾᬓᬾᬯᬦ᭄᭞ᬮᬫᬸᬦ᭄ᬢᬾᬓᬤ᭄ᬲᬸᬫᭂᬤ᭄ᬬᬲᬤ᭄ᬬᬳᬵᬃᬚ᭄ᬚᬵᬬᬸ᭞ᬫᭂᬦ᭄ᬢᬲ᭄ᬲᬓᬶᬂᬓᬾᬭᬵᬢ᭄ᬫᭂᬮᬭᬵᬢ᭄᭞ᬲᬕᭂᬤ᭄ᬜ᭄ᬚᬶᬮ᭄ᬫᬤᬤᭀᬲ᭄ᬚᬦ᭄ᬫᬶ᭟ᬫᬸᬗᭂᬮ᭄ᬲ᭄ᬭᬢ᭄ᬧᬹᬃᬯ᭄ᬯᬓᬡ᭄ᬥ᭞᭠
ᬧᬜ᭄ᬚᭂᬦᭂᬗᬦ᭄ᬪᬝᬵᬭᬯᬶᬱ᭄ᬡᬸᬫᬹᬃᬢ᭄ᬢᬶ᭞ᬭᬶᬓᬵᬮᬚᬸᬫ᭄ᬦᭂᬂᬭᬢᬸ᭞ᬯᭀᬦ᭄ᬢᭂᬦ᭄ᬫᭂᬦ᭄ᬤᬂᬓᬲᬧ᭄ᬢ᭞ᬲᬢᭀᬯᬦᬢᬦᬧᬶᬳᬕᬸᬂᬮᬍᬫ᭄ᬩᬸᬢ᭄᭞ᬘᬶᬦᬶᬧ᭄ᬢᬤᬤᭀᬲ᭄ᬫᬦᬸᬱ᭞ᬓᬶᬦᬵᬃᬬ᭄ᬬᬯᬤ᭄ᬬᬲᬗᬵᬚᬶ᭟ᬮᬦ᭄ᬫᬮᬶᬄᬘᬭᬶᬢ᭄ᬣᬦᬶᬭ᭞ᬭᬶᬓᬵᬮᬦᬾᬮᬸᬳᬸᬃᬧ
[᭑᭑᭙ 119]
ᬥᬸᬓᬵᬗᬹᬦᬶ᭞ᬤᬸᬦ᭄ᬰ᭄ᬭᬶᬧᬮᬲᬭᬫᬗᬸᬦ᭄᭞ᬓᬥᬢᭀᬦ᭄ᬕᬚᬳᬵᬬ᭞ᬲᬢᭀᬯᬦᬢᬦᬧᬶᬲᬕᬸᬂᬍᬍᬫ᭄ᬩᬸᬢ᭄᭞ᬘᬶᬦᬶᬧ᭄ᬢᬤᬤᭀᬲ᭄ᬫᬦᬸᬱ᭞ᬓᬶᬦᬵᬃᬬ᭄ᬬᬯᬤ᭄ᬬᬲᬗᬵᬚᬶ᭟ᬫᬶᬮᬕᬡ᭄ᬥᬦᬾᬫᬦᬸᬱ᭞ᬩᬾᬤᬩᬾᬤᬕᬡ᭄ᬥᬲᬢᬸᬗ᭄ᬕᬶᬮ᭄ᬢᬸᬗ᭄ᬕᬶ
ᬮ᭄᭞ᬫᬶᬭᬶᬢ᭄ᬓᬾᬯᬦ᭄ᬕᬡ᭄ᬥᬦᬶᬧᬸᬦ᭄᭞ᬧᬥᬸᬓᬜᬢᬵᬓᭂᬦ᭞ᬓᬭᬶᬗᭂᬢᬾᬫᭂᬲ᭄ᬢᬶᬩᬾᬤᬕᬡ᭄ᬥᬦᬶᬧᬸᬦ᭄᭞ᬫᬶᬭᬶᬩ᭄ᬥ᭠ᬢᭂᬂᬩᬗ᭄ᬰᬓᬾᬯᬦ᭄᭞ᬧᬸᬦᬶᬓᬸᬢᬡ᭄ᬥᬦᬾᬬᭂᬓ᭄ᬢᬶ᭟ᬫᬸᬗᭂᬮ᭄ᬰᬲ᭄ᬢ᭄ᬭᬢᬧᬓ᭄ᬳᬾᬬᬂ᭞ᬰᬲ᭄ᬢ᭄ᬭᬳᬵᬃᬚ᭄ᬚᬳᬬᬸᬦᬶᬂᬭᬵᬢ᭄ᬯᬱ᭄ᬝᬦᬶᬂ᭞ᬤᬤᭀ
ᬲ᭄ᬲᬓᬶᬂᬮᬸᬳᬸᬃᬧᬸᬦᬸᬓ᭄᭞ᬫᬸᬗ᭄ᬕᬾᬂᬭᬕᬾᬂᬲᬸᬦ᭄ᬯᬸᬦ᭄ᬢᬢ᭄᭞ᬮᬄᬲᬸᬯᬯᬶᬧᬤᬸᬓᬵᬯᬳᭀᬲ᭄ᬲᬂᬧ᭄ᬭᬪᬸ᭞ᬬᬾᬦ᭄ᬧᬥᬸ᭠ᬓᬵᬢᬦ᭄ᬲᬕᭂᬥ᭞ᬲᬮᬫᬶᬦᬶᬂᬤᬸᬤᬸᬓ᭄ᬫᬮᬶᬂ᭟ᬫ᭄ᬩᭂᬓ᭄ᬢᬭᬕᬫᬢᬵᬕᭂᬮᬧ᭄᭞ᬤᬸᬮ᭄ᬫ᭄ᬬᬵᬃᬱᬦ᭄ᬚᭂᬢᬸᬂᬰ᭄ᬭᬷᬦᬭᬧᬢᬶ᭞ᬲᬸᬦᬦ᭄ᬓᬮᬶᬲᬶᬖ᭄ᬭ
ᬫᬸᬗ᭄ᬓᬹᬃ᭞ᬧᬸᬭᬓ᭄ᬧᬸᬭᬓ᭄ᬢᬦ᭄ᬯᬶᬓᬦ᭄᭞ᬰ᭄ᬭᬷᬦᬭᬾᬦ᭄ᬤ᭄ᬭᬵᬳᬗᬦ᭄ᬤᬶᬓᬵᬫᬦᬶᬲ᭄ᬳᬭᬹᬫ᭄᭞ᬮᬄᬫᬭᬲᬶᬭᬫᬘᬳ᭞ᬰᬲ᭄ᬢ᭄ᬭᬢᬸᬮᬶᬲᬾᬳ᭄ᬬᬂᬯᬶᬥᬶ᭟ᬫᬦᬶᬭᬳᬬᬸᬦ᭄ᬫ᭄ᬬᬵᬃᬱ᭞ᬲᬸᬦ᭄ᬫᬶᬋᬂᬦᬾᬓᬵᬃᬡ᭄ᬦᬦᬶᬗ᭄ᬲᬸᬦ᭄ᬓᬓᬮᬶᬄ᭞ᬰᬲ᭄ᬢ᭄ᬭᬢᬸᬮᬶᬲᬦ᭄ᬳ᭄ᬬᬂᬳᬕᬸᬂ᭞ᬫᬦᬶ
Kaca:Bali-lontar-gaguritan-dharmma-gandul-300ppi.pdf/119
Kaca puniki sampun kauji-wacén
